مديحه .خير
عفاف.كل ده علشان تيجي
مديحه .انا مكنتش عايزه اجي اصلا انتي مش شايفه شكلي عامل ازاي ولا انتي هتعيشى طول عمرك ما بتشوفيش طب وانا وعامله نفسك مش شيفانى عشان مخصكيش طب عمر ما جه في بالك هي ممكن يكون اتعمل فيها ايه
عفاف. اسكتي
مديحه. اسكت ما انا ياما سكت وكدبت وكنت انتي السبب
عفاف .بحزن كان غصب عني
مديحه .غصب عنك انا من اول ما خدتها قولتلك البنت دي مش هعرف اخليها تعيش معايا علشان جوزي وحش قولتيلي ايديها لحد من جيرانك ولما اتدهلهم عملوها احسن معامله وقبل ما يموتو خلتيني اروح اقولهم قولو لحافظ ان لو جرالكم حاجه إن إحنا ناخد البنت عندنا وحافظ وافق عارفه وافق ليه علشان كان عارف ان انا باخد فلوس منك كان بيراقبني وبعد ما عاشت معانا كنت باجي اقولك ده بيضربها كل يوم وانتي كان قلبك جامد وبرضه مردتيش تقولي الحقيقه
عفاف .هقول الحقيقة ازاي بس
مديحه .زي الناس اوعي تفتكري ان انتي عملتي حاجه صح لا ده لو عرف ان انتي عملتي كده مش هيسامحك زي ماسامحك زمان
عفاف .ايه
مديحه. بلاش تتفاجي اوي كده انا عارفه كل حاجه
عفاف. انتي عارفه ايه
مديحه .عارفه ان هو كان بيحذرك طول الوقت من الطريق اللي كنتي ماشيه فيه وانه انقذك من قبل ما يحصل فيكي حاجه علشان كان بيحبك بعد كل السنين دي كلها واتجوزك وقال إن هي كانت غلطه منك وسامحك عليها
عفاف. بذهول انتي عرفتي ازاي الكلام ده
مديحه .عرفت لما كنت شغاله عندكم
فلاش بك
سالم .محمود انا عايز اتجوز عفاف
محمود .لا
سالم .لا ليه
محمود .زي مارفضتني انا كمان برفضك
سالم .انت عارف كويس انا رفضت ان انت تتجوز اختي ليه
محمود .ليه بقه إن شاء الله
سالم . انت مش منتبه لنفسك يا محمود كل يوم سهر وخمره ورقص مع الرقصات
محمود .قولتلك ان انا هتغير لما اتجوز
سالم .وانا مشوفتش منك اي تغير علشان اجوزك اختي الوحيده اللي بعتبرهت بنتي ازي اديها ل وحده مستهتر زايك
محمود . طب بص يا سالم انا مش هجوزك عفاف غير لما انا كمان اتجوز سعاد
سالم. مستحيل يا محمود وانا مش هديك اختي مهما حصل
محمود .وانت كمان اعتبر طلبك مرفوض
يخرج سالم وينظر لعفاف اتكلمى مع اخوكي يا عفاف
محمود .مافيش كلام بعد كلامي
فلاش بالك
عفاف .يعني انت هتسبني خلاص كده
سالم.مش هينفع اتجوزك واخوكي مش موافق
عفاف .اعمل اي حاجه ياسالم انا مستعديه اهرب معاك
سالم . مستحيل انا أقبل بكده انا لا اتجوزك في النور يا بلاش انتي بنت خالتي ومهما كان انا عمري ما هوسخ شرف العيله واخدك وأهرب واخلي اخوكي مكسور .
عفاف. انت بتقول ايه انت ازاي تستغنى عني بالطريقه دي
سالم.غصب عني انا حاولت كتير وهو رافض
عفاف .طب جوزه سعاد زي ماهو عايز
سالم .مستحيل مش علشان اكون مبسوط وسعيد اموت اختي مع اخوكي
عوده .
عفاف .سالم هو السبب هو اللي خلاني اغلط واعمل كده من بعد ما سافر واشتغل بره وساب سعاد مع خالتي وسافر علشان يعمل صفقات لشركة أبوه ويكبرها ويامن مستقبل أخته وأمه واتجوز هناك وعملني ماضي كنتي عايزاني اعمل ايه في السنين ده كله
مديحه .مكنش سبب علشان تسهري وتخرجي كل يوم وترجعي تاني يوم الصبح
عفاف .هو السبب هو اللي خلاني عملت كده
مديحه .لا مش هو هو لما رجع علشان أمه كانت تعبانه وعرف اللي انتي في ده ياما حذرك لكن انتي مسمعتيش الكلام لحد ما انقذك من الضياع اللي كنتي عايشه فيه ومحمود كان ولا في دماغه انتي ولا اي حاجه كان كل تفكيره في السهر والشرب ولما سالم عرف كده ساعتها حارب واتجوزك غصب عن عين محمود علشان متقوعيش في الغلط اكتر من كده وراعه ربنا فيكي وخدك وسافر وساب هنا سعاد وأمه وبعد ما عرف ان أمه ماتت رجع وسابك انتي وابنه مع سعاد وسافر
