#كسرة قلب
البارت 25
حيان "' لكك امشي امشيي شووف شمسوي بيهه شوف عمااايلك امشي شيل مرتك لو صرت بلا غيره تريدني اني اشيلهه امششي "'
حياان "' شيلهه انته معليه بيهه ومالي نفس لابيهه ولابكل البنات ما اريد المس اي وحده من جنس حواء اتقرف منهن "'
حياان "' وبنات الليل ... ذنيج غير متتقرف منهن
احمد "' انته كلتهه ذنيج غيرر '"
احمد "' اخذوهه انتو اني ما اجي "'
مشيت بأتجاهه بس وكفني حجي جوري
جوري "' حيااان فدوه البنيه راح تموت حيااان "'
عفته و شلتهه وحته ما حسيت على نفسي شلون شلتهه وصعدت بلسياره ومشيت بيهه كبل للمستشفى وصلت
جوري "' حيان تعال شيلهه "'
حيان "' اكلج ملبستهه عبايه انتي "'
جوري "' اي خويه جا شلون شلتهه ومتدري مو هاي لابسه "'
كمت رحت فتحت الباب ولفلفتهه بلعبايه حته راسهه غطيته وشلتهه واسمعهه تون انكسر كلبي عليهه
دخلتهه للمستشفى وطلبتلهه دكتوره سوتلهه فحوصات واشعه
الدكتوره "' المريضه متعرضه لوكعه قويه مما مسببتلهه شق بأسفل الراس خيطنا وضمدنا الهه اما الاضرار الباقيه الاصدام القوي الصاير عدهه بفعل الارض مسبب تمزق قليل بضلع من الاضلاع الاماميه مما راح يسبب عدهه الم قوي اذا تحركت حركات مفاجئه صعوبه بالتنفس لأيام قليله لكن بفعل المقويات والفيتامينات والدوا اللي راح اكتبه راح يلتئم ان شاء الله لانو بسيط بس مؤذي وهسه هيه فاقت وتكدرون تدخلولهه وجيب الادويه حته انطيك التعليمات "'
حجت وراحت هالحجي اللي نزل مثل السجاجين وغرست بكلبي
كمت جبت الادويه ودخلت للغرفه وانطت لجوري التعليمات بعدين دخلتنه لڤيان جان حالهه يكسر الكلب
راحتلهه جوري جانت تبجي صديت صفح دموعهه يحركن كلبي حرك سمعت صوتهه بتقطع
ڤيان "' يـ..ـوجـ..ـعـ..ـنـ.ـي
جوري "' اي حبيبتي هسه تطيبين بس اليوم هيج تحملي وكوني قويه وجع ساعه ولا كل ساعه "'
الدكتوره "' حبيبتي انتي قويه وسبعه وهسه انتي زينه ولازم تكومين تمشين ميصير تبقين نايمه لان يضل يوجعج .. استاذ حيان رجائا تفضل وساعد مرتك بالمشي "'
هہ هہ هالكلمه نزلت مثل الصاعقه على مسامعي مرتك .. مرتك .. مرتك .. ضلت تترد بمسامعي واني صاد عنهن
الدكتوره "' استاذ حيان تفضل لهنا رجائاً "'
صديت عليهن ورحت يم الدكتوره كومتهه الدكتوره وهي مغمضه عيونهه بقوه من الوجع من استقامت صاحت من الوجع
الدكتوره "' تعال خلي أيد هنا وره ضهرهه وتمسك بيهه قوي حته لا تتأذه اسندهه بأيدك الثانيه الزم ايدهه "'
