كسره قلب

البارت 40

قرائه ممتعه
#كسره قلب

البارت 40

بس اول ما رفعت راسي اجت عيني بعين حيان باوعلي بنظرة عتب واخذ نفس من الجكاره بقوه ونفخه

و طفاهه بأيده الجكاره وداسهه بقوه عبالك يريد يدخلهه بأيده

فتحت عيوني على كبرهه شلون هيج سوه ما تأذه ما حس بألم

باوعت على وجهه اي ردت فعل ما انطه

بوسط صدمتي بلي سوا حيان وحيرتي انو شنو اللي مخلي هيج دائماً عصبي وعاكد حاجبه وشنو الشي الضوجه هسه وخلى هيج يسووي

ما صحيت من صدمتي الا على صوت طبه قويه مال شخص وكع وصوت شي نكسر

اول شي حيان ركض دشوف شكو وكلنا رحنه ورا دخلنا للمطبخ

ونصدمت من الشفته جم دوب راح يضل هذا حالي لشوكت راح ابقه بهذا العذاب

ڤيان

دخلنه للمطبخ كلهم صارو كدامي حشك بعدتهم وتقدمت

شفت احمد مدد ع طوله ووجهه شاحب وجوه عيونه زراك شفته مشكوكه وكصته مجروحه وطالع دم منهه وهدومه متربه كلهه
نقهرت عليه بس باوعت على ايده وغمضت عيوني بقوه واستغفرت

لازم البطل بيهه بقوه وكاعد يشرب بس شنو عيونه بلكوه مفتحهه وحته حجي ميحجي بصعوبه تطلع من عنده الكلمه

باوعت ع ماما كعدت ع الدرج وتبجي

باوعت ع حيان فرك كصته وعيونه تطلع شرار يحاجي احمد وميرد عليه كاعد ومفتح عينه بصعوبه بس اليشوفه يكول فاقد الوعي لا حس ولا نس بس يشرب

اخير شي جاب حيان مي بارد وطشه بوجهه يلا جفل وصحه

واكفين ومنحس الا صوت كعب قوي وخطوات كامت تقترب باب المطبخ مفتوح دخلت منه بنيه باوعت عليهه لابسه

بنطرون ضيك اسود وبدي رصاصي ويه الكمر مدلع والشعر اصفر ومفتوح وجايبته ع الجتاف والمكياج اخر موديل

باوعت ع ركبتهه جانت لابسه سلسال وبي ميداليه جبيره نتبهت عليهه اسم قريته مكتوب ياسه

عرفتهه هي هاي اليحبهه احمد
هي باوعت عليه بأستصغار وتطك بعلجهه عبالك شو شمسويتلهه فوك ما هيه جايه لهنا وتركض ورا ذرة كرامه وحياء ماعدهه

باوعت ع احمد وينه هذا الفاقد البلا وعي جان قبل شويه اشو هذا فاتح عيونه ع كبرهن ويباوعلهه ويشرب

باوعت ع حيان والدمعه بطرف عيني كلهم واكفين عفتهم ومشيت وما احس الا نعتيت بقوه من ايدي

صديت عليهه ولنهه هيه نفضت ايدي منهه

"' لتلمسيني ولا تتقربين حدي ميشرفني وحده مثلج تتقرب عليه "'

رفعت ايدهه رادت تضربني حيان صار كدامي وعاط بيهه

حيان "' بااعي لج اذا مسيتيهه بعد وطخيتيهه بلعباس اشمرج ورا الشمس تراج بعدج متعرفيني اذا اخليج ببالي اكفرج

الـكـ*** مالتج بعيها ع غيري اعرفج شنو من ساسج لراسج وخليتي هال بلاعقل فريسه سهله عندج "'

باوعت عليه وضحكت

ياسمين "' على كيفك اكلتني وشربتني جمالك طاغي اي بس لسانك سليط "'
حيان "' لج باعي لا تلفين عليه هذني الدروب عندي ميوكلن خبز حافظج وترا مدور عكه ومكه واعرف الزين والشين وانتي شنو كلج خلك *

اتصور بسج اهانه وطلعي منا ووريني عرص جتافج ما استقبل ببيتي **** وبلا شرف "'

ضحكت ضحكه مو مال بنيه محترمه ابد

ياسمين "' على كلبي زي العسل وداعتك "'

حيان "' بالقران وحشاا احلف عليج لانج شي قذرر وبلا شرف طلعيي مناا يلا ترا اتصرف وياج غير تصرف "'

ياسمين "' اتصرف ويه الدايحه اللي لفت ع حبيبي واخذته غير تصرف "'

عرفتهه تقصدني كبل نزلت دموعي واحترك كلبي مسحتهن وقويت نفسي ردت اردهه بس حيان سبقني

كام عليهه هي راحت كبل ختلت ورا احمد

حيان "' **** ولج هااي التحجين عليهه تسوه راسج وراس الخلفوج لتراب رجليهه متوصلين حشه اساويج بترابهه يا خاينه يالبايعه نفسج لهذا وذاك انتي لو بيج خير وخوش بنيه تصونين نفسج مو تفترين بليل بلملاهي خليني ساكت ما اريد اطلع المضموم "'

ياسمين "' لا طلعه مخايفه منك "'
حيان "' لو ما العيب جان طلعته "'

احمد "' حيان بسك لا تحجي عليهه احبهه وراح اعقد عليهه "'

منيره "' امداك غمامه التغمك يالاغم عايف هالجمال كله وتركض ورا هالنماذج الطالعه عن الطريق شبيهه مريتك اشو تكول للكمر كوم واكعد مكانك بس انته معمي بهاي البلا اخلاق لك شوفهه وحس يالماعندك احساس شوف عمايلهه وفاعيلهه هاي مال بنيه محترمه وصاينه نفسهه شلون تريد تصونك يوليدي فتح عينك وشوف الوادم وفرزن ياهو الشين وياهو الزين مريتك لا تخسرهه وخلهه تاج ع راسك هايه هي بنت الاصول "'

احمد "' بسج حبوبه اني احب ياسه هي روحي وماكدر بدونهه كلبي وكلشي بيه ملك الهه عيوني ما تشوف غيرهه فكو عذابي رحمه لرب الرحمه لا تدخلون بيه "'

حيان '" كووم كووم اطلع برا انته وياها ما الفي *** اني بهالبيت اطلعو من المنطقه وسو التردو وانته بااوعلي يا احمد لا تجي وتعض اصبعك ندم باجر عكبه بلعباس متلكاني وياك ضلمت هالاصيله وبنت الاجاويد وياك وركضت عالبلا اصل وشرف لك حته خجل ماعدهه وانت تعرف كلشي بس عيونك ما تفتحهه '"

تجاهل حجي حيان وحضنهه وخلاهه جوه ذراعه وباس راسهه
احمد "' متهموني كلكم اليهمني بس هيه "'

حيان "' دامنه منهمك اطلع من البيت وشوفنه عرض جتافك دامك ويه هالبنيه ماعندك بيت ولا عندك اهل واخوان انسانه "'

احمد "' اصلا اني ماعندي اهل ماتو من زمان منو انتوو "'

هناا عصب حيان حيل وعاط بي

#مريم علي