#كسرة قلب
البارت 38
ڤيان
كملنه تجهيز الاكل وكلشي وفجأه وسمعنه الباب انفتحت اني جنت كاعده بلمطبخ وهمه دخلو للصاله
استحيت ادخل بنصهم او حته استحيت اسلم عليهم ماعرف شنو ردت فعلهم تجاهي
يا ترى راح يحبوني لو لا الله اعلم ضليت كاعده بمكاني
بعدهه ماما طلعت من الصاله اجتي للمطبخ وحجت
ام حيان "' يمه تعالي وياي جوه سلمي عليهم همه هم مثل حبوبتج وجدج حسبيهم ماكو اطيب من كلبهم هسه تحبيهم بس تشوفيهم وتكعدين وياهم "'
لزمتني من ايدي ومشت فجأه وكفنه صوت حيان وهو يحجي بحزم
حيان "' يمه لا تدخليها جوه "'
ام حيان "' ليش يمه خلهه تسلم على حبوبتك وجدك "'
حيان "' لا يمه مو هسه متشوفين ولد عمومتي كلهم هنا شلون ترديهه تدخل تراه اذا احمد ماعنده غيره عليهه وميدير بال مو معناته اني مثله واقبلهه شمهما تكون بنيتنه هيه ونحافظ عليهه وميصير تطلع كدامهم زحمه "'
كمل حجيه ودخل للصاله اندارت عليه وحجت
ام حيان "' صح حجي حيان يمه ابقي هسه لحد ميطلعون ادخلي انتي وجوري "'
ابتسمت وهزيت راسي بـ اي
رجعت خاله للصاله واني كعدت وحطيت ايدي ع خدي وفصلت عن الدنيا صفنت ومادري شكد ضليت هيج ماوعيت الا ع صوت طكطكه باوعت حيان ديشرب مي
"' جوعان تريد اكل ترا كلشي جاهز "'
باوع عليه هوه وحواجبه المعكوده اللي ما نفكت هالعكده ابد من يوم الشفته لحد هاليوم ودومه يحاجيني بعصبيه واحسه مطايقني بالرغم ممسويتله شي
حيان "' دامه جاهز نصبو بالصاله للزلم حته كلنه ناكل "'
شغيره مو قبل شويه كال مايصير ادخل جوه لان ولد عمه موجودين وهسه يكلي نصبو
باوعت عليه وعكدت حاجبي شلون ماهو عاكدهن وحجيت
"' اني انصبه مو قبل شويه كلت ميصير ادخل جوه "'
باوع عليه وركز على عيوني ورفع حاجبه
حيان "' تقلديني لو شنوو "'
"' لا مو قصة تقليد بس ردت فعل لان انته كلت ميصير ادخل وهسه تكلي نصبو الاكل يعني غير اني انصبه منو غيري وميصير ادخل جوه شلون هيج "'
خزرني وحجه
حيان "' ابويه انتي ياهو الكالج انتي ودي ودخلي جوه داكلج العليج صبي ورتبي ودخلي لغرفه من الغرف وهمه يجون همه ينكلو للصاله "'
"' اهاا ماشي هسه اصبه وارتبه "'
صبيت الاكل وقسمته ورتبته بأشكال حلوه وطلعت المقبلات هم عزلت قسم لجوري من الاكل
