#كسرة قلب
البارت 41
هناا عصب حيان حيل وعاط بي
حيان "' اطلللعع برااا اطلع ناكر المعروف والجميل هسه صرنه منو وينه ابوي خل يسمع هالملام اللي جان معتبرك ابنه ويعزك ويحبك ومدللك وهاي المره اللي حاسبتك ابنهه وعزيزهه وكلبهه عليك واحنه العتبرناك اخونه وما حسبناك غير شي وداريناك واني الدفعت مي عيوني في،سبيل تكمل وتتعين هيج تجازينه وتكول انتو منو اطللع "'
احمد "' طالع وماجنتو ولا راح تصيرون اهلي اني يتيم واهلي ميتين من اني بلفه "'
حيان "' هاهيه يخوي الله يرحمهم بس صدكني اذا ما عضيت اصبعك ندم ما اتسمه حيان وماكون من ظهر ابوي "'
عافه وطلع وايده بأيدهه اباوع عليهم ودموعي تجري صعبه عالمره حيل هيج تشوف اللي يسمو زوجهه وسندهه وابو بيتهه ايده بايد غيرهه وعاشكهه ومتخلي عنهه ومأذيهه ومشبعهه ضيم ولغيرهه مشبعهه دلال وحب
اجتي حبوبه حضنتني
منيره "' بسج يبعد حبوبه يندك هالاغم العار عايف هالجمال ورايحلي متحفي ومرتجل وره الـ**** غمامه التغمه
العباس ( عليه السلام ) ابو راس الحار يسطره ويوعي بزمانه ويفتحله عيونه بجاه الله واهل البيت ( عليه السلام )
بسج يبعد زلام ونسوان العشيره كلهه لا تخربين جمال عيونج بلبجي يرجعلج تاليته لان ميلكه مثلج بنت اصول واجاويد وحليوه وخاتونه ومزيونه واخلاقج تسوه عشر نسوان يبنيتي درب الجلب معروف ما حاجه اكوله "'
ضحكت ع اخر جمله كالتهه ومسحت دموعي وقويت نفسي وبهالساعه صدك محيت احمد من حياتي وقررت اعيش لنفسي وما اهتمله ولا ادير بال ابد
بس اقوم بواجبي وادير بالي ع هالناس الطيبه والاصيله اليحبوني كبنتهم واحبهم كاهل
"' لا حبوبه عادي الحمدلله على كل حال "'
منيره "' والنعم بالله بنيتي اروح اريح نفسي شويه تعيبانه "'
"' يزول التعب ان شاء الله ومتشوفين غير العافيه والراحه يا رب "'
منيره "' فدوه لهل حليك الحلو اليطلع درر من يحجي "'
ابتسمت ورحت لماما كاعده ع الدرج وايدهه على خدهه
كعدت يمهه حظنتهه وهي كامت تبجي واني اهدي بيهه صعبه عليهه تسمع هيج حجي من شخص تعتبره ابنهه ومربيته ع ايدهه وابن اختهه وابن حماهه يصير ومايله عليه ومتعوده ومعزته بكلبهه جبيره وتاليهه تسمع منه هالكلام وميعترف بيهه ولا بأي احد
بشر ميغزر بعينه الزاد ولا الخبز ولا الملح ولا الحب والحنان والاحترام والدلال والعيشه الهنيه المترفه كلهن ميعزرن بي تاليهه ينكرهن ويمشي
حيان "' بس من رخصتج شويه احاجيهه "'
صديت عليه وكمت اجه هوه مسح دموعهه وحجه
