#كسرة قلب
وسام "' بلا مشاكل ڤيان بدون حجي نضفيهه "'
صدك نهضمت ' اختك اني يا وسام ليش هيج مابيك حنيه على اهلك وينه وسام القديم اليموت علينه ' حجيت بكلبي
"' وسام امتحان عندي ودور تحاضير يوميه "'
وسام "' واذا كملي تنضيف وسوي عشا دور اقري مطايره القرايه والمدرسه "'
وعافني ونزل امري لـ الله متحمله ومنفذه حته لٱ يحجي عليه ويسوي هوسات ويضربني وبابا وماما يشوفوني وينقهرون وتحز بكلوبهم
نضفت ونزلت سويتلهم عشا
رحت اخذت اكل لبابا ولماما وكلت بابا واكلت ماما دور انطيتهم العلاج وضلوو كاعدين يسولفون
اتمنى اضل كاعده يمهم واملي عيوني بيهم واسمع سوالفهم بس عندي امتحان هم يالا الحك لملمت الغرفه
طلعت شفتهم مكملين اكل و غسلت الاماعين ونضفت المطبخ
رحت على ماما
"' حبيبه ماما بابا محتاجين شي "'
جوان "' لٱ بنيتي سلامتج "'
رحت بستهم وحضنتهم
"' تصبحون عـلى خُيّـْْْـْْـْرِ وعافيه يا نبض قلبي "'
وطلعت دخلت لغرفتي ادوشت وشمرت نفسي على الفراش متت تعب باوعت على الساعه 9:45
كمت مفزوعه كبل فرشت الكتب على الفراش وكعدت اقره بلأمتحان للساعه 2 يلا كملته حفظته حفظ دور كعدت اقره التحاضير كملت اذن الفجر صليت وكعدت اقره قران شوي كملت دور قريت الفيزياء خاف تجينه باوعت على الساعه بـ 5 صارت بعد متسوا انام
لميت الكتب بلجنطه دور لملمت الغرفه
دخلت للمطبخ حضرت الأكل حته من اجي بس احمي دور رحت بدلت لبست هدوم المدرسه صارت 7:30 اجتني نور طلعتلهه ومشينه وصلنه للمدرسه
امتحنه اول درس الْحٍمَدٍ للـّہ جاوبت على كل الاسئله مشت الدرس وصلت الدرس الخامس بدت عندي النعووسه والدوخه البارحه ما نمت يومين صارلي منايمه دور مماكله شي بلكوا كملته همزين الاخير مدرسة الرياضيات مجايه
طلعنه بلساحه عطشت رحت للحانوت اشتريت مي ودخت قفلت عيوني دور ردت اوكع حيلي باد ودخت كمشتني عميمه وكعدتني
فخريه "' ڤيونه حبيبه شبيج ليش هيج دايخه باهت وجهج وحيلج بايد "'
شربتني مي ورديت بصعوبه دور صوتي بلكوا يطلع
"' عميمه مشكوره حبيبه بس شويه صارت عندي دوخه لٱ يضل بالج "'
نور "' ياا يووم ولج ڤيونه شبيج ليش هيج كاعده دور باعي وجهج مصوفر "'
رديت واني اكوم
"' مابيه شي عميمه والله نواره مابيه بس شوي اشم هوا برهہ اصير زينه "'
طلعت من الحانوت كعدت بالساحه احس شوي صرت احسن دك الجرص عدلت حجابي ولبست جنطتي. ومشيت
"' نواره راح اطلع الحكيني خل اتمشه شوي "'
نور "' ماشي حبيبه اعدل الجنطه والحكج "'
مشيت طلعت من المدرسه دا اعبر الشارع وما احس الا انشمرت وشي هفني صرت كلي بلكاع راسي انرج رج
بين الفاقده والكاعده ما حسيت الا بشخص رفع راسي من الكاع وضل يمسح على خدي كومني كعدت عدل بس احس راسي دايخ حجه
"' بيج شي ابويه متوجعه اخذج للمستشفى احجيي "'
شدد على ٱڅڑ كلمه حجيت بضعف
"' لٱ مابيه "'
جانت الرؤيه عندي غواش بعدهه اتضحت شفت شاب كدامي ولازمني من ساعدي ومدنك
بس وجهه على رجل جبير بلعمر تقريباً بكد بابا باوعت عليه حجه
"' بنيتي اعذريني '"
ابتسمت وحجيت
"' لٱ عمو لٱ تعتذر اني غلطانه المفروض اوكف دور اعبر بس عبرت كبل ترا اني مابيه شي هسه تكدر تتوكل "'
حاجا الشاب
"' هاهيه يابه توكل بـ الله اغاتي "'
ما حسيت الا بـ عميمه فخريه ونور يمي
وخرت ايد الشاب بس شو هذا بقه كاعد يمي
باوعت على نور لطمت على خدهه وحجت
نور "' عزه العزاج ڤيان مو تدرين وكت حله مال مدرسه هسه شكو جفتي ارتاحيتي من صار بيج هيج دور تأذيتي لساج دايخه ما انتضرتيني "'
"' مابيه شي والله "'
فخريه."' سوده عليه يلا كومي بنيتي نوصلج للبيت "'
كمشت ايد عميمه وكمت بس اتعكرت ملامحي لان حسيت بوجع برجلي
حجه الشاب
"' اوديج للمستشفى ابويه انتي متوجعه بيج شي "'
صديت عليه وصارت عيني بعينه حجيت
"' لٱ مابيه شي "'
ابتسم وحجه
"' حيان اني اي شي تحتاجي موجود برنسس ڤيان "'
ابتسمت بخجل دور رجعت لملامحي العاديه وحجيت
"' لٱ شكراً أستاذ حيان ما راح احتاج شي "'
بعدهه نفضت هدومي وكادتني عميمه ومشيت رجلي شويه خف وجعهه رجعت للبيت ادوشت وغسلت هدومي وحميت الاكل صبيت اكل لماما وبابا واكلو وانطيتهم العلاج وغسلت الاماعين بعدهه دخلت للغرفة شمرت نفسي على الفراش ونمت وخليت الضوا مشعول
# مريم
