كسره قلب

البارت 39

اسفه على التخير
#كسرة قلب

البارت 39

الجد "' من لكا احبابه نسى اصحابه "'

منيره "' لا يابوو انت الاصل غير انت اولهم عزيز كليبي شعندي غيرك احبل اجيب "'

كلنه ضحكنه على حجايتهه اجتي كعدت يمي وبوستني

منيره "' ما شاء الله عيني بارده عليج شنو هالحسن وينه حميد الاغم عايف هالحِسن وطالع غيره واحد يكابله ويكعد

مو خدود جنهه كيمر السده فوكا مربة توت حمره  "'

خجلت وحجيت

"' جزء من جمالج هذا حبوبه "'

منيره "' يا بنيتي وين الجمال اشو كرمشت وهذن تجاعيدي راح دورنه احنه هسه اجه دوركم بس "'

عضت اصبعهه وكملت
منيره "' لو اني حاضره اخلي هالاغم احمد ياخذج على كص ركبتي اخذج لابو تراب هذا النشمي الاصيل بس اله تلوكين "'

عكدت حاجبي باستغراب ماعرفت منو ابو تراب التحجي عنه

"' مقسومه حبوبه وهاي قسمتي وراضيه بيهه الحمدلله "'

منيره "' والنعم بـ الله "'

منيره "' هاا يحيان اشوو اربعه وعشرين ساعه جكارتك بيدك دعوفه لهل سمم راح يسمم ريتك وكلبك وكل جسمك يوليدي اتركه "'

رجع راسه ع التخم وما حجه

منيره "' ادريك متعوب يالغالي اخخ شبيدي واسويلك الحمل كله طايح براسك وهذاك الاغم احمد والاغم الاخ مروان نايميين ورجليهم بلشمس وانت التركض وتطارد حته تعيشهم عيشه هنيه بدون منيه

ماجذبو ابوك وجدك من كالو حيان زلمه حوك وكد حجايته وهوه الراف راسنه واحنه نظل رافعين راسنه بي من صغره لحد ما كبر

ولك حيان من جنت بلفه ( الكماط مال الطفل ) اول ما طلعت من بطن امك وشالك جدك كال هذا نشمي وكد حجايته ومن شافك شلون جنت حرك وعلى فد لكعه ما سكتت كال هذا ماخذ حقه بيده ومن شافت شلون من اذنو باذنك وكبرو  ومن شالك ابوك  سكتت كال هذا البار باهله وحنين وياهم ومن شاف ايدك اللي من اول ما طلعت من بطن امك مفتوحه كال هذا خير علينه ومرزوق وهو الراح يتوله عائلته
من جنت صغير مختلف عن الكل هادئ والصفه المحلوه بيك كتوم متحجي تحمس بروحك اذا شي يمسك بس رغم كل هذا شهم وكلهه التشوفك تتعجب بترباتك وكلامك الموزون وحجاياتك الحلوه وتعاملك الطيب ويا الناس

وتعبت وره موت ابوك صرت انته واليهم يوليدي "'

حيان "' تعبكم راحه تاج راسي عيوني الكم والله شاهد عليه بهذا كلامي الراح احجي اقصر على روحي وعلي وما قصر وياكم بعيوني اخليكم واليمسكم بمي امسه بنار ومستعد اظل طول العمر هيج في سبيل ضحكة جوري ومروان وراحة امي من تشوف ضحكتهم ومن اسمع صوتهم بلبيت احس ملكت الدنيا وشوفة احمد الله شاهد ما حسبتة ابن عمي بكد ما حسبتة اخوي ابن امي وابوي ورابين سوه واخوي الثاني هوه يشهد الله واهل البيت ( عليهم السلام)  على كلامي ومن اشوفج انتي وجدي واشم بيكم ريحة الغالي ابوي احس براحه نفسيه وجودكم وياي ونفسكم بلبيت يخليني مرتاح "'