انتقام بطريقة القدر
هبة الملا ✍🏻✍🏻
.............
لقد كنا الضماد لبعضنا
فلماذا اصبحنا الجروح ..؟!
.........................
سارة: هبة ولدت وهاي اول مرة انشوف طفل عمرة لحظات
اجتي جنة بيضة وحمرة وتصرخ بس سبحان الله من خلتهة على صدر هبة رئسا سكتت
وهبة جانت تصرخ من الوجع من شافتهة نست الالم رغم ولادتهة جانت صعبة
وباجي ام صالح ولدتهة كالت متلحك الطريق وصدك جان ملحكت لو رايحين لمستشفى
وهبة وجهة صار اصفرررر
وشفتهة بيضة
وكالت بردانة ونعسانة
وغمضت عينهة ورخة جسمهة وفصلت لغير عالم
ام صالح كالت النزيف مديوكف عدهة
وركض اتصلنة بالاسعاف
اجة عمي كام يصيح وسب بينة اشلون ولدت بالبيت
وعمتي اتكلة غير انت وابو صالح مموجودين وام صالح كالت متلحكون
عمي انحبص وصار ربع ساعة والاسعاف ما اجتي
اجة ولفينة هبة كلش زين وشالهة عمي وخلاهة بالسيارة وراحو ويا عمتي وام صالح واخذو الطفلة وياهم
وبقينة احنة نتكلب على حالهة وندعي ربي ايسلمهة
شمس اتصلت تسلم علينة مكتلهة عن الصار كلت نطمن على هبة بالاول
سديتة منهة بعد ما اطمنت عليهة هية مرتاحة واحمد امراعي الله بيهة
حمدت ربي واخيرا اكو وحدة من عدنة مرتاحة
ساعتين واتصل عمي كال هبة صحتهة زينة بس حيباتون وحيرجع ايرجع باجي ام صالح ويرجع للمستشفى
؛؛ هبة
كعدت بالم فضيع وبطني توجعني
شفت مامة يمي وسئلتهة عن بنتي وينهة
كالت اخذهة بابة وام صالح ديلقحوهة
هبة : مامة شنوو اني مووو ولدت بعد المفروض ماكو الم
لام : دحمدي ربج يمة جان شالو رحمج الة اشوية
هبة : ليش
الام : نزيف صار عندج وانطوج ابر اتوقفة وجسمج مجان يستجيبلة الة بعد وين
هبة : اريد بنتي
الام : رجلج اشوكت يعرف صار اب
هبة : مامة موكتة هالكلام
الام : مراضية على تصرفج ابد
محجيت بعد مامة دا ادكلي على الوتر الحساس اتريد كوة اكلمة لبكر حتة يعرف اتكول حرام اتظمين علية ولادتج وبنتة واني اعصب اكلهة هية بنتي وحدي مو بنتة
وتزعل ومتحاجيني
اشوية واجتي ام صالح وجابتلي بنتي واتحمدتلي بالسلامة ورجعت بالبيت
الام : خلي اخابر ابوج يجيب حليب وممة
هبة : لااااااا هسة اني ارضعهة
الام : ويين انتي هسة بيج حيل
هبة : مامة بنتي متشرب ممة اني ارضعهة
الام : ام راس اليابس انتي تعبانة ومتكدرين هسة اتغسلين والطفلة هسة عمرهة ساعتين ونص وكلشي مراضعة
هبة : حتة لوو حليبي افيد ويقوي مناعتهة ماارضع بنتي حليب قواطي ابد
وكمت وجتي السستر ساعدتني غسلت واجيت كعدت بس ممرتاحة اريد اتمدد واذا اكول لمامة اتكول انامي وحشربهة ممة فة بقيت ساكتة وخلتهة ابحضني واخيراً
عبارة عن ملاك وريحة البرائة اتفوح منهو
اتمنيت لو بكر يمي هسة جان اكيد طار من الفرح وهوة جانت امنيتة اتصير عدنة ابنية
ضليت بالثلاث ساعات يالة اتعلمت ارضعهة وهية قبلت ترضع ومامة جانت فوك راسي اتعلم بية لدرجة اخر شي كلت معقولة حفشل واجيبلهة حليب وممة
بس اخر شي نجحت
محتاجت انخليهة بالخدج
وصحتهة و وزنهة زينة
ثاني يوم رجعنة للبيت واستقبلتنة سارة بالجكليت والهلاهل
وحايرين ابنتي واني نسوني
جانت سارة فارشتلي بالصالة وكاروك بنتي هم يمي
سارة حضرتلي الحمام وغسلتلي ونشفت شعري واجة على بالي بكر لو يعرف شحيسوي اكيد ياخذهة مني لو لاا
زين هوة هم يشتاقلي مثل ما اني مشتاقتلة
معقولة لسة ماحن علية
وصحيت من افكاري من سارة كملت من شعري واتحاجيني وممنبهتلهة عرفتني افكر ابكر
أنت تقرأ
انتقام بطريقة القدر
Romanceيُوجعني الآبتعاد عَنك ولا استطيع الاقتراب منك .. فقُل لي ، أيُّ الوجعين أخفّ ؟ قصة حقيقية تدور احداثها لشاب يود الانتقام لاهله في لبس قناع الحب لتكون الضحية فتاة لا ذنب لهى 💔 انتقام بطريقة القدر بقلم هبة الملا
