انتقام بطريقة القدر

البارت الثالث عشر

انتقام بطريقة القدر

بقلم هبة الملا✍🏻✍🏻

................
معقولة من تبتعد
بلفركة تتباهة ..
ومعقولة ماتختنك
من ذكرياتي تجي وتتلاكة وياها
زين انت مافكرت
اخر رسالة اشوكت دزيتلياها
مافكرت بية
ماصار عندك نقص
من فجئة تترك شخص وياك يومية
من توكع ابمشكله
ماترجع الذاكرة وتحتاجني اشوية
هسة اني خلي افترض ايامي تنساهن
ماعندي يمك صور بالصدفة تلكاهن
شو اني من اختنك بلليل اطلع الصور
واتعاتب وياهة !!!

........................

من فقدت الوعي ادم دار علية بطل المي وصحيت واتمنيت كل الصار كابوس
ادم: زينة انتي مووو
محجيت بس ابجي واهز ابراسي وكام ادم يسحب ابكر  من فوك حيدر المبقة بي عظم صاحي وبكر نازل علية غلط وضرب وفشار بلكوة ادم سحب بكر وطلعنة واني ساندني ادم وبكر عبارة عن كتلة غضب واعصاب
محجة وياية كلمة ولاا باوعلي وادم يحجي منا وبكر يصيح بي
ادم : موو هيج يابكر جان مآذيتة هيج
بكر : تسكت لو اشلون ولك شنوو ليش اذيتة لهلخنيث
للللك اخخ بس لو وياية مسدس جان ارتاحيت
فزيت من كلامة وحجيت ابخوف عفية يامسدس شنوو حتسوي باوكلي بمراية السيارة وخزرني
خفت منة ودنكت
ادم : يابة على كيفج لتخافين شوفي شكلج ايخوف على لحظة وهم تتخربطين
وصلنة للمزرعتنة نزلت ونزل بكر وياية وكال : ادم فوت السيارة وتعال
نفذ ادم وفوت السيارة وبكر كلي انتظري انفوت سوة
بكر : احجي على السريع سوالج شي
بجيت
بكر :لج هبة لتخبليني واحجي لزمج صخمج
هبة : اي ضربني ، وبجيت
بكر : اخذج
هبة : وين
بكر :لجهنم ان شاء الله
اجة ادم وحجة بكر : هبة حنفوت وياج ونحجي الصار وانفهم خالي واذا ردتي تنفصلين منة وانطلكج او تستمرون تحجي هسة لخالي لان لو سكتي حقج ايضيع

وفتنة بالبيت وما الي عين اباوع بوجه احد كأن اني السبب بالصار وحتة اخجل احجي
وبلش بكر بالكلام عن الصار وبابة عصب وصاح بية :اشوداج لبيتهم اريد افهم
ابجي واحجي واحس كلبي حيوكف من القهر : والله بابة اني مقبلت ومن كلي خابرت سارة حتة يجيني ادم واصلا كلمرة يتوسل واني ما اقبل
الاب : كرت عيني وليش محجيتي هااا
هبة : موقصدي شي والله ، وبجيت
بكر : على كيفك هية مو صوجهة صوج العار خطيبهة
تجيبة اهنا ويطلكهة وتفسخون وانتهة بس اذا هبة رايدتة وعاجبهة اتكمل هاي بعد ابكيفهة
الاب : اي نفسخ هيج واحد ميشرفني ولاا اآمن انطي بنتي
الام : على كيفكم مصار شي شاب وطايش يجي اهنا احجي ويا وفهمة
الاب : لاا مو طايش هذا مستهتر يجي وننهي الموضوع وكلمن يروح لدربة

عفتهم وصعدت منهارة واجتي وراية امي
الام : هبة احجيلي اشصار وشوداج لبيتهم وكم مرة رايحين للبيت قبل احجيي لتبقين ساكتة
هبة : عوفيني بحالي تعبانة
الام : احجي هبة اسآلج وجاوبي
هبة : اول مرة هاي اروح لبيتهم ومصار شي بس باسني وضربني وغلط علية
الام : ليش
هبة : لان خبل شمدريني اني ، عفية عوفيني هسة والله تعبت
الام : اشوو بكر دمة محروك اكثر حتة من ابوج
هبة :شلون يعني مفهمت
الام : هبة اذا اللبالي صح ياويلج
هبة : واني شمعرفني شنو ابالج
الام : اني مو غشيمة ودا اشوف نظراتكم وعيونكم تحجي
ارتبكت ومحجيت
الام : شوو سكتي ست هبة
هبة : يوو مامة عوفي المحلل البداخلج وخليني ارتاح
الام : حطلع حطلع بس خلي ابالج اني ما انطيج جنة للكبيسات فهمتي
هبة : ياجنة ياابطيخ مامة اشدتحجين ترة مدافهم اشقصدج
الام : ايصير خير
وعافتني وطلعت . واني كعدت حايرة بزماني وحضي ونصيبي المااعرف تاليتة شنو وشحيصير وية حيدر وحيقبل لااا