انتقام بطريقة القدر
بقلم هبة الملا✍🏻✍🏻
..................
أسد شباج حسنك لو تعديت
واضيف اتراب جدمك وردة البيت..
واسألك لو طفح حسنك بالعيون .
حلو بطبعك يالاعنج لو تحليت
والمك لمة الخاطر بالعتاب !
وانشدك من عطشتك ليش ماجيت؟
نده روحي النسيم وليك حنيت..
ومثل كطرة ندى بوردك تبدت ..
تمنيتك تجي بكَدما تمنيت
حتى انشدك من عطشتك ليش ماجيت؟.
........................
عافني ومشة لغرفتة
وكال : سدي الباب وراج
مهتميت ولحكتة
وبالي نصالح ونرجع مثل قبل
مفكرت بغير شي كل همي اصالحة
شفتة اتمدد على السرير
بكر : اطلعيييي
هبة : كووم خلي نحجي لتنام كوووم يلة ترة كل الصار ابسببك وانت الوصلتنة لهنا ومرضتني وبهذلتني وية واحد ميخاف ربة وكلل هاي اني الدائراضييك كووووم لتنام كوووم
بكر : بعد بعد علييي حسج خلي الناس تسمع اصياحج
هبة : كووووووم
بكر : وجججع لتصيحين ، وكام ابعصبية وراح بلهول وكعد على القنفة وايدة على راسة ويهز برجلة
خفت اكعد يمة ليضربني شكلة جان معصب
طلع جكارة و ورثهة وكملهة ومنطقت حرف
طلع الثانية كتلة اني اهم اريد اشرب وياك
بكر : حتة اعدمج بيهة
سكت ورد حجة : اهلج يدرون بيج انتي عندي
هبة : لاا طلعت من الامتحان واجيتك
بكر : كومي دا اوصلج
هبة : محجينة
بكر : اييي كلام بينة ماكو غير السلام وهاي المرة اجيتي وحعديهة مرة ثانية قسماً بالله ياهبة اكسر رجلج
هبة : اعيدهة وكل يوم اجيك لحد مترجعلي
بكر : لج انتي متخافين على نفسج وسمعتج من تجين لشقة شاب عزابي هااا العالم بالمجمع لو شافوج تجيني شحياخذون عليج نظرة هااا
اهنا كلامة صحاني
وعيت على تصرفي
على واقعنة
على سمعتي
سمعت اهلي
صح بكر اني احبة واثقة منة بس يبفة الشيطان حاضر كل وقت
نزلت ادموعي
حسيت نفسي رخيصة
بدون كرامة
خجلت من روحي
من بكر
من تفكيرة
معقولة فاهمني بغير قصد
احجي والعبرة خانكتني
هبة : بكر والله وغلات بابة اجيت بس اعتذر منك ونصالح اني مو مثل متفكر
بكر : اعرف اعرف بس ياهبة احنة ناسنة مترحم ولو شافوج وحجو شي اني شصخم بالحظتهة لان سمعتج اتهمني هيجي حاجيتج ، هسة كاومي غسلي وحفوت ابدل ونطلع دا اوصلج
نفذت بدون كلام ولاا اباوع الوجهة
طلعنة وكتلة مبية انزل الدرج كلبي ديوجعني
اتنهد وكال شاربة علاجج
هزيت راسي بلاااا
بكر : لييش مشربتي لخاطر الكعبة
هبة : نسيتة هسة ارجع واشربة
صعدت ابصفة بالسيارة ويحاجيني بهدوء
بكر : اشلونج بلامتحانات
هبة :زينة
بكر :بقالج بس سنة وحدة وتتخرجين وتكونين واعية اكثر من هسة
محجيت
بكر : اتريدين نروح لمطعم ناكل
هبة : لا رجعني للبيت اخاف احد ايشوفنة ويفهمنة بغير قصد
باوعلي وبتسم هز براسة : هااا ام اللسان اتقلدين مووو
هبة : لا مو انت هيجي كلت فة دا اسمع كلامك
بكر : اويلي ول انتي لو من صدك تسمعين كلامي جان اني ملك زماني
أنت تقرأ
انتقام بطريقة القدر
Romanceيُوجعني الآبتعاد عَنك ولا استطيع الاقتراب منك .. فقُل لي ، أيُّ الوجعين أخفّ ؟ قصة حقيقية تدور احداثها لشاب يود الانتقام لاهله في لبس قناع الحب لتكون الضحية فتاة لا ذنب لهى 💔 انتقام بطريقة القدر بقلم هبة الملا
