انتقام بطريقة القدر
بقلم هبة الملا✍🏻✍🏻
.......................
رايح عالمقهى وراج بساع
مو هذا كلامك يمه ليه؟
لـيـش اتعـطـلت يمه العـصر فـات
وبـدت تعـصر بروحـي المغربيه
هلاهل ترسن بصدري وبيدي جكليت
اتاني او خبر عاجل طكني بالكاع
انفجار بمقهى العــــــــامريـــــــــه
ولـك يـمه وصـلتـك ازحـف ازحـوف
لأن رجـليـه ماتـن كبـل ايديـــــــــــــــــه
ولــــــــــــــــــــــــــــــــــــكــيـــــــت
جــثه تـصيحلي مـن بيـن الرمـــــــــــــاد
كـلت مـو هـيه!!وانـه ادري هيـــــــــــــــــــه
حاجيني دخيلك ياضـــــــــــــــــــــــــــوه العين
الشضية صابتك ,مو بيك بيـــــــــــــــه
انا اشتاكيت ابوس اجفوفـــــــــك اليوم
ابكد مابوست انت بديـــــــــــــــــــــــــه
....
يـاجـف القـدر المـن انمــــــــــــــــــديت
ليـــــش اتنـاوشـت نجـم الثريــــــــــــــــــه!
ابني الي بجت لمصابه الحمامــــــــــــــــات
واغتـاظ الكـمر وانخسف ضيـــــــــــــــــــه
ابنــي ابـــن العـراق وامـــــــــــــــــه بغداد
ياهو الكتــــــــــــــــــب مجهول الهويـــــــة
.....................................
سارة كلبت بالفيس على موقع العامرية بالكت اكو اخبار عنهم
وصااااحت سارة : وج يمة لاااااااااااااااا
كلنة صحنة شكووووو
سارة : منزلين اسماء المصابين وادم وبكر واحمد من ضمنهم
اتهسترنة بالزايد مندري نبجي
لو انحير بآمي الحتوكع علينة
محصلناهم كلة مغلق
هبة : زيين مصطفى ليش هم مغلق اذا مابي شي وينهم دخيلكم ربي احميهم
ابوية ميجاوب
صارت بالعشرة ونص وممحصليهم ولا ابوية جاوب
لحد مدخلو علينة بيت خالتي
وزفتلنة خبر استشهاد اخوية مصطفى
امي فقدت وتصيح جذب هسة يجيي ولكم ابني عريس داا اجهز لعرسة
وضحى وسارة مكابلتهة وتصرخ
اني شمس حرنة بأمي بس اريد اهديهة
وعلى صوتنة الجيران اجوي وفاتو النسوان واصوات البجي علت ابيتنة
ذاك الاسبوع صوت الهلاهل مالي الفرع وهسة اعياط امي ايجيب التايه
حصلنة احمد وصوت اعياط اهل الضحاية بالمستشفى نسمعة كال ادم مصوب ابجتفة وبس يكملون اخياطة يجون وهوة وبكر جانو بالحظة الانفجار جانو عبور الشارع ديشترون تلفون فة مااتئذو بي
لحد الساعة بتلاثة وربع باليل اجوي وادم جتفة ملفوف
واحمد وبكر اعيونهم جمر
وابوية اووف اول مرة اشوفة مكسور وظهرة محني ومتحمل وضغطة صعد لدرجة كام ميشوف
حالنة بس الله يعلم بي اشصار بينة
من الصبح العامرية كلهة صلت على شهدائهة جانو ضحاية اهواية
مكان الانفجار صار ابنص مقهى وقاعة باليارد وجانت طابق ثاني مليان شباب ابعمر الورد البيهم خريج والبيهم طالب والبيهم عريس مثل مصطفى
والطابق الاول جان مجمع طبي مليان اطباء ومرضة وكبار بالسن
والطابق الارضي مرطبات والعاب مليان اطفال وامهاتهم
من كلبيت طلع شهيد ومصابين اكثر
أنت تقرأ
انتقام بطريقة القدر
Romanceيُوجعني الآبتعاد عَنك ولا استطيع الاقتراب منك .. فقُل لي ، أيُّ الوجعين أخفّ ؟ قصة حقيقية تدور احداثها لشاب يود الانتقام لاهله في لبس قناع الحب لتكون الضحية فتاة لا ذنب لهى 💔 انتقام بطريقة القدر بقلم هبة الملا
