انتقام بطريقة القدر
بقلم هبة الملا✍🏻✍🏻
........................
كولولهة
صارت بعد
والقلب حب اعيونهة
وكولولهة هم الشمس
والدنية ضلمة ابدونهة
تعال اكعد اكبالي
وشوف شيصير
كل دكة ونبض
تصرخ بآسمك
مو قرآن جيب الكعبة وياك
حتة احلف عليهة اشكد احبك
بعيوني اغار اعليك
موو قصدي اغثك
تزعل علية اشبيك
غير اني احبك🌹
.............................
اليوم اطلقو سراح روحي الانحبست من ثمانية اشهر بدون ذنب
صاااح القاضي هدووء بعد مبدت الاصوات تعلة من الطرفين
ادموعي نزلن واني مبتسمة
ماا اكدر اندار واشوف بكر واشوف فرحتة
حمدت ربي
طلعنة والتقت اعيونة
والنظرات كفيلة بالكلام
والحب
والشوق
اخذوو ورجعو للسجن لحد ما اكمل اوراق الخروج من القاضي
مرت يومين وباجر يكدر يطلع
مشاعري صعب اوصفهة
الكل فرح لسلامتة وفرحتي
كل اشوية واكلهم هيجي نطبخلة
هيج نستقبلة
احضرلة غرفة لو اخاف يروح يم عمتة
مخبوصة بجيتة
واروح وارجع ولمحت نفسي بالمراية
وفزيت مخروعة من منظري
هااي اشبية
لليش هيج ضعفانة
ليش سواد جوة عيوني
وجهي ذبلان
انتبهت حواجبي اثخان اخر مرة رتبتهن على زواجي
رحت صحت مامة وكتلهة وديني للصالون
واخذتنة مامة اني وسارة
رجعتني عروس
يمكن اني اول وحدة نمت من اهلي حتة يجي باجر ابسرعة
صار الصبح وانتظر اشوكت ايكوم بابة ويجي ادم ويروحون ايجيبو
وطلعو واتمنيت اطلع وياهم
رحت بدلت وكل اشوية اغير شكل اكول اخاف محلو لو ميعجبة
لحد مستقريت على بنطرون وابلوز
رتبت نفسي
وام ادم هم اجتي يمنة
اشوية ونسمع صوت الطبل والمزيقة
وطلعت مامة وام ادم وبيدهم علاكة الجكليت
وفاتو بالكراج ونزل ادم الطلي وذبحوو جوة رجلي لبكر
وام ادم اتهلهل واجة شبكهة وامي اطش جكليت
الجيران طلعو يتفرجون
واني والبنات انباوع من الجام همزين مضلل وماخذين راحتنة
وسلم على الجيران بقو يسآلون وفهمو السالفة وتحمدولة بالسلامة واترخص منهم وبقة بابة وادم برة
دخل وشافني
نزلت ادموعي
فتحلي آيدة
رحت ركض
لمني ابحضنة وشابكتة ولازمة ملابسة حيل
اخاف افتح واطلع اتخايل
اخاف دا احلم
لااا هاي صوتة وهوة يكلي مشتاااااك
ابحضنة نسيت التعب الشفتة
نسيت مرضي وتعب قلبي
نسيت السهر وعذاب الليل
ما ابتعدت من حضنة لحد ماعمتة خلت ايدهة على ظهري وكالت كرة عينج بزلمتج
ابتعدت منة وكتلة انت زلمتي وكل دنيتي
مسح ادموعي وباس راسي
وسلم على البنات
فات بابة وادم وكعدو اسولفون
عفتهم وصعدت حظرتلة الحمام الفوك وفرشتلة بالغرفة ونزلت رحت بالمطبخ
جانت مامة وام ادم وسارة وشمس وضحى
فتت خجلانة اشلون افهم مامة انوو بس اريد اينام وياية بالغرفة مو اكثر
رفعت راسهة امي : ها هباوي اشبيج
هبة : اةةة مامة اني حضرت الحمام الفوك لبكر وفرشتلة بغرفتي لان هسة اكيد تعبان وانتو موجودين فة اشلون اينام بالهول لو بالصالة
سارة : حتعرس الاخت . وضحكت
خزرتهة
ام ادم : ايي صدك هوة لهساع مداخل عليج
خررب خجلتني ومكدرت ابقة يمهم بعد
هبة : اني رايحة
الام : ديري بالج مامة وانتبهي وعلى الغدة انصيحكم خلي يرتاح الله يعينة
طلعت بدون كلام
خجلانة من اهلي حتة اكثر من يوم زواجي
فتت بالصالة وجان واضح التعب ابوجهة
هبة : بكر حضرتلك الحمام اذا حاب تغسل
بكر : ايي والله عاشت ايدج
واترخص منهم وطلعنة
بكر : ويين
هبة : فوك
وصعدت كدامة
وفات للحمام اشوية وصاحني اخذ ملابسة
مديت ايدي كتلة انطيني
فتح الباب وسحبني وسد الباب
هبة :عزةةةة عييب وخرر
احجي ومغمضة
فتحت شفتة صافن ومبتسم
هبة : بكر عييب من اهلنة شحيكولون علينة وخر فدوة بس خلي اطلع موو حتة اتبللت شووف
بكر :نزعي وليفيلي ومحد يحجي حرمتي انتي
فتحت وخزرتة
بكر : اشكثر حجيتي
دا اريد احجي
وصاحت مامة : هبببببة وينج
هبة :ها........
سد حلكي وكلي فضحتينة
هبة : موو على اساس حرمتك ومحد يحجي
بكر : ايي وج بس عيب من امج هسة اتكول لحكتة للحمام علمودج اني واذا علية هسة اسمع البيت كلة لو رايدة
دفعتة وطلعت مخبل ويسويهة اعرفة
طلعت ورحت للغرفة اريد ابدل فتحت الباب وطلعت مامة ابوجهي
باوعتلي وشافت ملابسي
وطنشت وكالت بنتي انتي بعدج ابنية لتنسين لتخلي ياخذج بستعجال
هبة : اةة مامة ليش صحتيلي
الام : اجيت احجي وياج وانبهج واذا عندج سؤال لو شي لتنسين اني صديقتج مو بس امج صح اختلفنة بالفترة الراحت بس يشهد الله علمودج باجر ربج يرزقج واتصيرين ام وتحسين بية كل همي سعادتج موقصدي اجرحج والفات مات واني امج
بس ايدهة : مامة حبيبتي اني اسفة ايجوز عليت صوتي وابتعدت عنج بس المتعرفي اني ما اكدر اتخلة عن بكر وجنت اتمنة تسانديني مو تدعين علية وهم فاهمتج واني الممنونة واعتذر مرة ثانية
أنت تقرأ
انتقام بطريقة القدر
Roman d'amourيُوجعني الآبتعاد عَنك ولا استطيع الاقتراب منك .. فقُل لي ، أيُّ الوجعين أخفّ ؟ قصة حقيقية تدور احداثها لشاب يود الانتقام لاهله في لبس قناع الحب لتكون الضحية فتاة لا ذنب لهى 💔 انتقام بطريقة القدر بقلم هبة الملا
