انتقام بطريقة القدر

البارت العاشر

انتقام بطريقة القدر

بقلم هبة الملا✍✍

................

ماترتاح!!
ولك من هاج البحر وابعد علينا الكَيش
غادرت السفينة وخنت بالملاح !
وحشمت العواصف والمطر والريح
لذكرت الربا ولا كلت بيها ارواح
صحبة عُمر جانت والعُمر دربين!
اشو باول الخطوة وماي وجهك طاح!
💔💔💔💔
.................

اي دا انتقم داا انتقم من ابوج سمعتيي اني اتقربت منج مو حب بل انتقام ومثل القهر الاهلي شافو لخلي بيج وبهلج فهمتيي.....
وعافني وراح بدون ميفكر بحالتي ومشاعري وبصحتي ابددد .
جان انسان ثاني مو نفسة مستحيل
لااا هذا مو بكر الحنون
لو شافني مريضة ينجن
لو ضجت ينسيني همي
الانام على صوتة واشعارة
معقولةةة !!
انهاريت عقلي مديستوعب كلبي اذاني حيل امشي دا افهم من اهلي يعني صدك ! زيين ليش مكلولنة ليييش
فتت للبيت شفت مامة كاعدة وية ام صالح ديقلمون بانية وعادي عدهم الموضوع ومندمجات بلسوالف
شافتني مامة فتت من برة استغربت وكالت ليش مو على اساس نايمة بغرفتج انتي
هبة : مامة ويي وييين ب بابة
الام :شبييج ليش دتبجين جنتي
هبة :لتكوولووووون اشبيييج انتووو ذبحتوني انتي انتييي بلذاات ليييش مامة ليييش فهمينيييي
على صوتي نزلت ضحى وشمس يصيحون شكوو
هبة :تعالوو سمعوو طلع عدنة عمةة وابن عمة وضامين علينة
ضحى :ايي درينة وسارة راحت لزوجهة دتفهم منة ليش مكللهة
هبة :وعاديي عدكم
احجي وصارت نغزات بكلبي كلش قوية وبديت ادوخ والنفس بصعوبة اجرة
الام: شفتي كلهم اتقبلو الموضوع بس انتي لازم اتسويلي سالفة يالة ترتاحين
هبة : مااامة كلبيي ديوجعني
مهتم ورجعت تقلم بلبانية وانطتني ظهرهة عبالهة دا ادلع
اهنا فقدت كلشي
الحركة
النطق
الاحساس
الشي الوحيد الاحسة هوة كلبي ديوكف وروحي دتطلع بلبطيء
ورحت لغير عالم ...
هاي اني وين شنو اني متت وهاي الجنة لو حلم لوو وين شو اني عروسة والكل يبجي لييش
زين وينة العريس
منوو زوجي
شديصيرر احاجيهم وميجاوبون
اصيح ومامنتبهين علية واني ابنصهم
مااامة ليش دتبجين شصااير
لج ساارة شكوو دتسمعونيي ياعالم اشبيكم
بكررررر ويينك تعال اخذني حيخبلونيي
بكرررر
بكررر حبيبي تعالي  محتاجتك
وينك
بكررر
.
.
طوط
طوط
طوط
شنووو هلصوت اخخ ايدي هاي شنو  بي صدري شنو هلوايرات
اشجابني للمستشفى
ويين مامة
دخلت السستر والدكتور
الدكتور:الحمدالله على السلامة
هبة:اريد مامة
الدكتور : وضعج هسة تمام والنبض مستقر هسة انطلعج من الانعاش ونخليج بلردهة ومسموح لهلج يشوفوج ومنا لباجر وتطلعين لو بقة النبض مستقر .
وضربتني السستر ابرة بلوريد وسحبت دم وطلعت

واشوية وطلعوني من الانعاش لردهة الطوارئ اجة بابة باس راسي وكال اشلونج بنتي
محجيت ودرت وجهي وهوة فهم ما اريد احجي
الام: يمة هديتي حيلي من عمت عيني وسودة علية على هلنومة متلوكلج
هبة :مامة اريد اروح للحمام
الام : مامة السستر خلتلج جيس لان ممنوع الحركة عليج مصدكنة كلبج يُركد
هبة :لتخليني اسب السستر والاطباء كلهم صيحيهة خلي اتوخرة موتني واحس المثانة حطك
الام: اااوف من اعنادج
وبعد اربع ساعات طلعنة من المستشفى وفهمت من مامة من جنت بلبيت وكعت لاحس ولاا نفس وجابنة ابو صالح وامي وبابة لحكهم ورة مشوار جان نبضي فوك ٢٥٠ دكة بلدقيقة وضربوني ابرتين بلكانونة يالة بدة ينزل وصار طبيعي وبلتحاليل والايكو بين عندي بداية فتحة بلقلب صايرة بسبب صدمة !