عشقك ♥️ حلالي💍*كاملة*

❣saison 7❣

بعد مرور يومين ...
فاتوا يومين مصرى والوا فيهم الهام رجعت صحتها و ايوب و اسلام غارقين مع خدمة .. 

على صباح ربي صونا ريفاي على ثمانية فوتت يدها لطابل دونوي تحوس على تلفون طفيه شافة ساعة شحال ؟؟ تبسمت حطاتوا نحات غطا عليها لبست في رجلها و راحت للحمام غسلت وجها و سنيها و دوشت خفيف .. نشفت شعرها و طماتوا كعكة و خرجت من حمام للبيت نشفت كور نتاعها و رطباتوا و جبدت سروال نوار سليم مع ليكات طويلة تحت ركبة منفوخة في يدين و مزيرة مع صدرها و مطلوقة من جيهة حزامها تتوسطها حزام في نوار لبسة باسكات بيضا لفت خيمار مارون على حساب ليكات مكيات خفيف جات سامبل مي تفتق .. هبطت تحت لقات امها و باباها برك شافوا فيها نخلعوا نايدة بكري ؟؟
تبسمت و قالت :صباح خير عليكم و راحت سلمت عليهم
سلمى : غير خير لالة وين بيها
الهام : ابه خارجة اليوم
سلمى : و في هذا وقت
الهام : ااابه ياك بابا قالك ؟؟
سلمى : لالا واش يقولي
الهام : بابا مقتلهاش
محمد :نسيت ابنتي ... مي انا معجبتنيش فكرة خدمة هذي روترات تاعي نعيشوا بيها
سلمى : واش من خدمة
الهام : ماما حابة نعاونكم شوية بابل يشري مصروف و انا نعاونوا فيه و تاتيك نعاون روحي شوية ..
سلمى : ااايهو قرايتك
الهام : نخدم غير في عطلة اصلا كرهت
سلمى : و مرام عبالها
الهام : نو معابلهاش اذا حبت تخدم معايا
سلمى :واش تخدمي
الهام : راح نحوس حتى و كان نلقى خدمة في مطعم نخدم عادي ..
سلمى : ربي يسهلك بنتي
الهام : امين ..

شربت قهوتها تحكي مع والديها دات صاكها حطت تلفونها و مفاتح و مصروفها من لي كانت مخبياتوا و خرجت ..
تمشات طلعت نتاعها غير جات توصل للمحطة راح كوس ..
الهام : اااوف دك نستنا نصف ساعة باه يلحق زاوج ...

جمعت تما بلاصات كيتمان و بقات دور فيles réseau sociaux تفوت وقت ..

عند اسلام ..
يومين لي فاتوا كنت شاغل روي في خدمة مرة نروح للسبيطار اما بومي كلةا مع مشروع جديد و صفقات ..

مهم ندت صباح دوشت خفيف و لبست سروال دجين في بلوا سيال مع كولغولي في نوار مزير على كور نتاعي مبين لي موسكل .. و غوداس في نوار تاني لبست فاست دجين و ريغلت شعري و شيت شوية بارفان و خرجت تلاقيت مع ايوب تسالمنا وهبطنا مع بعض جدة كانت تحت تستنا فينا من داك تنود على خمسة تصلي تبقى فايقة و في عشية تريح ترقد هكذا 
... فطرنا كامل مع بعض و غير طملت ندت
اسلام : انا نروح ايوب متقلش روحك بالماكلة
ايوب و فموا معمر : خليني
جدة : ياااااا عليا خليه ياكل في غردوا
اسلام : مهم مطولش
ايوب : اوك اوك

خرج اسلام ركب طونوبيلتوا و راح للشركة جات لبه سكريتار تمليلوا جدول اليوم ... خرجت وصاها تجيب ملفات معاها .. و هو بدا يخدم فتح pc و بقا يخدم .. حتى جا وقت غداء ..

نرجعوا عند الهام ...
ستنات نصف ساعة نزلت في سونتر بقات تخمم هي معندهاش شهادة باه نخدم في شركة امالى قررت تشوف خدمة في كاش مول ولا مطعم ..

فاتت على كل واحد و لي تسقسيه يقولها كونبلي قرب وقت غداء و بدات تفقد امل كملت نمشي حتى وصلت لوحد مطعم جاي فاخر و كل دخلت سقسات على مسؤول دلوها على بيروه دقدقت
**** :ادخل
دخلت الهام للبيروا و حكات : سلام موسيوا احم جيت هنا طلب عمل
طلع راسوا شاف فيها و بقا يخزر معاها كانوا شابفها و لا : اااامم اوك هذي اول تجربة ليك هتا و لا موالفة
الهام : لالا انا هذا عام فوت باك و فيهذي عطلة قررت ندخل نخدم نعاون عائلتي و نعاون روحي
***** : مليح اوك شوفي خدمة هنا مغيرة هذا مطعم مش مثل اي مطعم اخر هذا مطعم من طراز فخم و نستقبلوا غير رجال اعمال و اثرياء و معروف يعني منقبل حتى غلطة راح تفوتي بامتحان و اذا نجحتي فيه تنضمي للخدمة قبل تفضلي هذي ورقة عمريها بمعفومات لي لازمين و عشية جيبيهالي قبل راح تروحي مع سلوى هذي تخدم هنا ابقي معاها نهار كل منها توريلك كيفاه تخدمي و كل و تملي عليك طريقة عمل و تعطيك لباس رسمي غدوة تبدى امتحانك و من بعد نقولك لا تقبلتي و لا نو !!
الهام : اوك مرسي موسيوا **

خرجت حزست على سلوى حكات معاها و تفاهمت معاه كانت طفلة عاقلة بزااف و حنينة وراتلها كوزينة وين يطيبوا غير دخلت تفجعت كوزينة كس دايرة فيها غير لس شاف و كل لابسين لباس خاص بالطبخ بالون ابيض مع شابوا هذاك طابعتهم .. وراتلها وين يبدلوا ملابسهم ووين يخلصوا ووين يحطوا طلبيات ووين بلايص عادية و بلايض فخمة يعني هذا مطعم كبير مقصمن بطبقات جيهة فيها كراسا و طوابل و كاين جيهة فخمة فيها كانابي و دي بوف الله اللدوق رفيع .. كملت جولت نتاعها مع سلوى رتاحتلها نفسيا .. دخلوا للكوزينة يستلموا طلبية ...
سلوى : شوفي الهام راح نستلم طلبية هذي و انت شوفي كيفاه ندير باه في امتحان تخدمي موسيوا عصام صعيب و ميحبش اخطاء كل
الهام : اااووه اسموا عصام
سلوى : ااايه عيا معايا ..

كملوا يمشوا دخلوا مع جهة راقية غير عادة سلوى في مقدمة و العام وراها حاكمة كاي و تبع طريقة معاملة غير وصلوا و بدات تهدر سلوى : مرحبا بيكم في مطعمنا تفضلوا طلبية ..
غير بعدت و جات تحط طلبية و الهام بانت كلي كانت مدرقدتها و هنا تكون صدمة حياتها ..

.... يتبع
●●●●●●●●●●●●●●●●●●●●●●●●●●
هيلوا
بارت جديد ان شاء الله يكون اخد اعجابكم اسمحولي شوية قصير اما هذا كتبتوا في ليسي كي مقريتش حصة فيزياء خخخخ فيد قتلتي قلت نكتب خخخ

مهم بللليز طلعوا كرو بارطاجوها و نشروها عندكم خلوا ناس تقرى سيلتوبلي و الله تفاعل راهوا ناقص قرااف ديروا فوت ني مية و انا نكتب في هذوا ظروف 😭😭

اذا معجبتكمش فولولي نحبسها و خلاص علاع نتعب روحي هنا !!!

فوت باه نكمل 😔

Par ikram 🔥
#love you ♥️