نلقاكم روبلتوها في ليكومنتار و جمجموا حلقات !! متنسوش 🥺
☆☆☆☆☆☆☆☆☆☆☆☆
نروحوا جرية عند الهام 🤦🏻♀️ ..
ركبت طونوبلتي قلت نروح لسوق نشري شوية فاكية و سقايط .. هذي شحال 10 سنين مرحتش للمرشي توحشت والله في لندن مكانش سوق هكذا بالطوابل غير لي بوتيك و لي مول سونس كومترسيال حوانيت ..الخ شعل حالة نقية و متقدمة توحشت داك تحاس و حالة هذيك ..شريت فاكية كل انواع لي مكنتش نلحق نشريها كانت غالية شريتها هههه راني نخلص بالدولار ولا اورو (معابليش بواش يخلصوا في لندن افهموا برك) صافي كي نصرفهم هنا تجي كثر ليسونيال .. شريت واش حبيت و حطيت في طونوبيل و رحت لسوبيرات شريت نصف سقايط منها لولاد مرام و لينا في نفس وقت ..
طلعت لوطوا رجليا وجعوني من كعب جاب ربي راني حاطة كونفارس هنا .. لبستها و نحيتوا و رحت لدار دخلت مع حي هذاك لاقتلي طونوبيل نوار وسط طريق قريب ندير كسيدون فرينيت على طول جهدي حتى درت صوت لدرجة وصلت دربت ظهري مع كرسي توجعت شوية بقيت نشوف مع طونوبيل ني شايفتها اما مش عاقلة !! حتى تفتح باب و هبط منها راجل اااه اصبروا هذا اسلام !! واش جابوا ياربي صبر ..جا يمشي ليا نفس مشية هذيك مزال مبدلها زاد زيان قرقبلي في كاروا هبطتلوا زاج شفت فيه بصف عين و قتلوا : واش تحتاج وجهك صحيح تزيد تقابلني !!
اسلام : اهبطي !!
الهام : انت مريض صح
غلقت زاج اما هو فتح باب و دخل راسوا و دنا ليا باه ينحي سبتة نيفي كان عند رقبتوا غمضت عينيا و انا نشم في ريحتوا بعد عليا فقت مع روحي فتحتهم مخلانيش نكمل و جبدني من طونوبيل خرجني
الهام : واش هذا تصرف !! التزم حدودك موسيوا مناش نلعبوا لعب صغار
اسلام ساكت برك و يشوف فيها تايه في عينيها زرق ..
الهام : مشي ني نحكي معاك ديجا بعد من قدامي
دزاتوا و جات تركب حكمها من يدها دورها ليه حصرها مع طونوبيل يدها مشدودة كاين وحدة برك تعافر فيه باه تبعد عليه !! تبخر واش كان راح يقول تبعها و ستناها ايه يقطع طريق عليها من بعد !! نسى واش كان راح يقول
شافت فيه و قالت : راك وجعتني بعد يديك راح ندمك على نهار لي خممت تمسني فيه نحي يدك
اسلام : واش راح ديري
يااا ناس راهو حكا و اخيرا سمعنا صوتك !!
الهام : مدخلك
اسلام : تبدلتي
سكت و هو كمل يحكي : زيانيتي و لسانك زاد طوال على قبل
الهام : كملت !!
اسلام شاف فيها : لا مزال باقي بززاف كلام جاب نحكيه اما .. خلاص انسي
الهام : بعد من طريقي و هذي آخر مرة نزيد نشوفك فيها
نحا يدوا من طونوبيل و قرصها من نيفها: حسابك من بعد على واش دايرة في فمك و وجهك رجعتي تخلعي تقول ميتة خارجة من قبرها !!
الهام : ااااامم انا راهوا عاجبني
اسلام : الهااام
الهام : ايفا
اسلام : الهام
الهام : قتلك ايفا
اسلام : انت تبانلك ايفا بصح انت الهام حتى و كان تحاولي تغيري روحك كليا نقدر نفرزك بين ملاين ..
قربلها و قالها : مبقاش قد لي فات و تخلصي كامل واش درتي في 10 سنين
الهام : واش تقصد
بعد منها شاف فيها و مرة في شواربها و قالها : افهميها كيما تحبي باسها في خدها و راح و خلاها تاهية تخمم تأففة و دخلت لطونوبيل م
تمروح على وجها سخانة طلعت معاها فات حبس عندها هبط كاروا و قالها : نتلاقوا غدوة ان شاء الله غمزلها و راح !!
واش قصدوا بنتلاقاو هذا خرف خلاص كملت طريقي لدار هبطت حوايج و دخلت كانت مرام تلبس لولادها تخلعت قتلها: وين دايتهم !!
مرام : رايحة لداري راني غير هنا اقطعي طريق تجي ليا شرينا وحدة قريبة ليما و بابا
الهام : اااه اوك مالى هاكي حقك و حق ولادك و مسود سعد متاعك
مديتلهم حقهم و دعتهم و طلعت للبيت دوشت لميت شعري في سافرفيات و لبست بيجامة و هبطت عند ماما ..
الهام : واش يما نعاونك شوية
سلمى : حطيلي طابلة برك خلاص ني كملت
الهام : اوك ....
بديت نحط في طابلة عيطت لبابا جمعنا حنا ثلاثة تعشينا مع بعض !! حتى نطق بابا
محمد : ااايه يا سلمى شفتي بنتي كي شرفتني ناس كل راهي تحكي عليها
سلمى : حمد لله مام مرام حمد الله دات شهادتها و فرحتنا بحفيدات عقبا لالهام ان شاء الله
حصلتلي ماكلة رجعت نسعل حتى مدتلي ماء ماما : بسياس عليك يا بنتي
الهام : فاتت هكذا ااايه كملوا كولوا !!
كملنا تعشينا لميت ماعين على ماما غسلتهم و حطيت فاكية و مكسرات مع شوية سقايط من لي شريت و خليت شوية ليا نطلعهم معايا في ليل ...
حطيتلهم في صالون كلينا و ضحكنا قصرنا تفرجنا كامل مع بعض من بعد كل واحد طلع لبيتوا .. ليمت حوايج حطيتهم في كوزينة غدوة و نغسلهم و رحت لبيت فرشت بلاصتي جبت pc تاعي و شوية دوسيات نتع مرضى فتحت اماي نشوف واش وصلني راح نشخص حالاتهم و نقولهم واش يديروا برك بسكوا منقدرش نعالج منيش تما ..
كملت خدمت شحال من دوسي من بعد رحت نقلب في وراقي متاع طاقم طبي و شراكة !! شفت ساعة لقيتها 00:00 راني فت وقت جمعت حوايج و حطيتهم بعيد و رفدت تلفوني نكونكتي شوية و ناكل !! من بعد رقدت ديراكت ..
... يتبع
●●●●●●●●●●●●●●●●●●●●●●●●●●
هذا بارت تابع للبارت لي قبل صح قصير اما راح نعوضكم بارت طويل ..
اعطولي توقعاتكم منهم يجوني افكار !!!
واش راح يصرى غدوة !!
كيفاه راح تكون ردت فعل الهام كي تشوف اسلام ؟؟
دور فهد في كرو واش هو !!
رايكم في احداث!!
و متنسوش فوت بليييز 🙏🏻
بليز روحوا ليها عندها كتاب هااايل !! انا جربت فيه و وفوت وقت شباب معاهت لكل كاتبات طاغيو ناس تشارك !!!
هاو بروفيل نتاعهااا !!
So-_-sarah1
متبهدلونيش ♥️😂
Par ikram🔥
#love you ♥️
أنت تقرأ
عشقك ♥️ حلالي💍*كاملة*
Humorطيط طيط ... وسع وسع 🏃♀️💃 جيت و حبت معيا جديد 🆕️ .. كرونيك هايلة و واقعيا 90% .. كرونيك هذي رابعة نتاعي طبعا من مخي شميل 😂 تعتمد على : حب .. حلال .. رومنسية .. مشاكل .. قدر .. من بعد دزيدوا تعرفوا اكثر ... نحكوا شوية على كرونيك😍: هي كرونيك...
