عشقك ♥️ حلالي💍*كاملة*

❣saison 22❣

مرسي على 1.2k قارئ والله فرحتوني عقيال الفوت ان شاء الله كيما لي كرو لي قبل ..
قرائة ممتعة 🙏🏻
☆☆☆☆☆☆☆☆

الهام: شخصك !!
اسلام :تعلمي تهدري برهوشة !!
الهام : بلع فمك
اسلام : الهااام راني كبير عليك خلي قدر بيناتنا. 
الهام :اااام كبير في لاج و صغير في عقل 😒

مدارش عليها عارف دك يلصقوا و قالها : اصبري نخرج طونوبيل من بارك ..
الهام : اوك ني نستنا عند عتبة باب خالتي
اسلام : اوك

ستنات شي خمس دقايق حتى حبس حداها طونوبيل سبور من نوع فخم في نوار زجاج فيمي متشوفي والوا مي لي لداخل يشوفك قاع واش ديري ...

درت روحي منخلعتش عاود يقول عمرها مشافت طونوبيل ولا .. نلعبها حاجة كبيرة 🤭
هبطلها زجاج و شاف فيها : هيااا متركبيش
الهام بتشناف : ني طالعة اصبر

اسلام يحكي..
خرجت من دار بعد كلام ماني .. خممت في كلامها هو مزال وقت باه نزوج ولا منيش نخمم  مامبا فيه .. اصلا لاج تاعي ميناسب !! مزالني صغير مزال نطور شركتي و نكون روحي مليح شغل زواج مسؤولية كبيرة و خص تكون كبير في مخك و قراراتك حاكمة ولا مش غير رواح و زوج ؟؟ و من بعد تحصل !!

مهم تمشيت مع حومة كانت خاوية و مكانش بزاف ناس برى !! سو مشيت على خاطري .. و خممت مليح في بيان .. وصلت لساحل جمعت و جمعت رديت نفس حتى محسيتش بروحي قاااع .. رجعت للدار و اول ما وصلت رسلت ميساج لالهام حبيت نفوت وقت معاها و نتعرف عليها اكثر صح عندي شوية معلومات عندها مي نحب نكتاشفها اكثر ..

وقفت عند باب نستنا فيها شي ربع ساعة ولا لقيتها تبلع في باب تبسمت معاها و قتلها نجيب طونوبيل .. ركبت و خرجنا من حومة ..
الهام : ااا وين رايحين
اسلام : وين تحبي
الهام : بااارك
اسلام : منيتك راكي كبيرة
الهام : ناس شوابن راهم يروحوا للمالديف و يحوسوا من بلاد لبلاد و انت على بارك قالك صغيرة اصلا في عمري 18 مزالني في عز شبابي
اسلام: درتيلنا محاضرة طويلة على تاع جامعة ..
الهام :صاي حبس نروح وحدي
اسلام : تسمري في بلاصتك تشوف
شنفت و قاتلوا : عندك موسيقى
اسلام : لالا منسمعش
الهام : اااام شغل بلوتوث نزهيلك طريق
ساعفتها و شعلتلها بلوتوث و طلعت روحها شيرة مهبولة تصفق و تزغرت و ترقص و فرحامة قاااع شكاين مخلات سناب لا ستريات والوا والوا .. واحد يتمنى يبقى يشوف في منظر هذا .. مزية مدرناش كسيدون بسكوا وقت كامل و انا نشوف فيها .. وصلنا للبارك .. حبست في باركينك و هي سقمت خيمارها و سقمت روج شفت فيها بنصف عين : واش هذا تاني
الهام : روج
اسلام : لاه بصح !!
الهام : تخاف يفوت واحد زل شباب و قاع لازم نكون شابة باه نافيقي على زماني غير هاااك 😂
اسلام : ااااممم غير كافية ؟؟
الهام : لالا شوف هذاك لي لابس الأزرق شت كي داير هذي امه توحمت على ميسي 😂
اسلام : اااام مشي شباب 😒
الهام : يااااه كلبة عندوا مدامة شو كي دايرة مصفارة عندك كي تتعلوك يووووه على منكوبة مسكينة 😂 غير روحي راهوا يتبهلل عليك 😂
اسلام : ربي يهديك
الهام : اسلام شوف هذي وياااا قداه سمينة هذي تفوت عليا تبزطني غير هاك 😂
اسلام بلا ميفيق : هههه منخيهاش توصلك
الهام :هاااا *حمارت من حشمة 🤭*
اسلام : احم هيا نهبطوا ..