عشقك ♥️ حلالي💍*كاملة*

❣saison 37❣

بون لي تقرى تفوتي طلعولنا فوت يرحم والديكم .. طاغيو ناس تقرى...
☆☆☆☆☆☆☆☆☆☆
نهار جديد و احداث قنبلة .. تبعوا حتى تالي ..
ندت صباح فرحانة نوعا ما طاقة إيجابية تغلغت وسطي .. حاسة بتفائل و الله اعلم على كل حال حمد لله..
دخلت للدوش لي في غرفة دوشت دوش الله الله نحيت تعب سفر بيه و خرجت بسورتسدبان فاتحت فاليزات و خيرت واش نلبس ... قلت اليوم نلبس سروال نوار عريض وزدت معاه قمجة بيضة و زدت بلازار كلاسيك شوية طويل قد ميغطي درياني و طالون نوار مكييت مكياج سامبل و غمقت شوية روج  لفيت حجابي نوار و حطيت عليه نوادر متاع شمس .. رشيت برفان و لبست ساعة و سنسلة طويلة شوية فيها فراشة .. كنت شابة احم احم.. ديت معاه صاك كبير حطيت فيه pc و حوايج خدمتي و تلفوني و دراهمي و هبطت تحت عندهم ماما تخلعت بسكوا ستايل متاعي تبدل و رجعت نلبس معظم اوقات كلاسيك كثر من لي كنت نلبس بكري سبور بزااف .. تقهويت معاهم و خرجت طونوبيل حومة تما تخلعوا جامي شافوها شغل كلشي فيمي فيها و متبينش شكون داخل .. ركبت و قلعت اما كي جيت ندور حبست حدايا طونوبيل نوار تانيك شابة كانوا مهبطين زجاج متاعها دورت راسي مامنتش واش نشوف بعينيا !! هذا اسلام صح !! مبصح رجع يكمي (يدخن)!! واش صرى تغير بزااف اما زيان صراحة .. بقيت ساهية فيه حمد لله زجاج ميبين والوا حتى نسيت روحي و سمعت زمامير ورايا قلعت نجري مخلية غبار و رايا و هاربة من واقع ..

هل سيكون لقائنا مفاجئاً ام ماذا ؟؟ متى يرتاح داخلي و تنطفئ نار شوق لاهبة في كياني !! الى متى سابقا صامدة 💔

حبست حدا اوتال (تعقلوا كي قتلكم جا معاها واحد تبعوا لتالي دك تعرفوا) كان كاين باص خاص كنت استاجرتوا لهذي مدة لي راني فيها ..شوية و يهبط طاقم طبي خاص بالهام ملقبة بايفاا .. هذا هو نجاحي لي حاربت بيه ناس و حمد لله.. كل سلموا عليا ..طلعوا كنت انا و زوج طونوبيلات معمرين رجال (حراس) وحدة قدام من بعد سيارتي و باص و من بعد سيارة حراس اخرى .. لي يشوف يقول والي فات طريق تغلقت .. كل ..حسيت بنوعية انجاز لي درته اليوم ندرب دربتي جزائر كل راح تحظر لايف راح تفتخر بي بنت بلادها واش دارت !!

دخلنا في وحد اوتال كبير حفلة كانت في جاردان دخلت للجناح خاص بيا و بالطقم طبي انا ديت غرفة و خايتلهم جناح كلو ليهم .. كل لي كانوا تما امركيين و يحكوا بالانكلزية برك يعني لقاء راح يكون بالعربية و لطن جبدت معايا مترجمين بته يترجموا للطاقم طبي .. شوية ستراس حكمني و قلبي تزير عليا حسيت حاجة راح تصرى!! اما ستخفرت .. سقمت مكياج و لبستي و خرجت انا اولى و طاقم طبي ورايا ...

دخلنا مع ارض حمراء و عليها ورد ترحيب كان كبير صحافيين بزااف .. اسئلة تتراما .. كنت نتبسملهم برك و نمشي بكل ثقة .. حبست عند منصت حكيت مع ليزاجون كنت نستنا يعيطولي و نطلع جمعت في كرسي و بقيت نسمع واش تحكي
(كلام هذا بالعربية )
مشرفة :مرحبا بيكم شكر تام لحضوركم و تلبية دعوة .. كلكم عارفين واش راح يصرى في هذا
نهار كبير بالنسبة لينا هذي اول نقطة مهمة خطينالها في عالم طب .. شكر خاص لدكتورة لي تشجعت و قدمتلنا هذا دعم خاص (طاقم طبي خاص ليها) مرحبا بيك دكتورة ايفا بيناتنا ..