بارت 32
مساءً...
قاعد جنب المسبح ومدخل كرعينو جوا الموية…وسرحااان في ضو القمر العاكس فيها…اتنهد وهو بتذكرها وبتذكر حركاتها اتذكر لمن قالت "مدنياااااو" لمن شافت آماليا الصباح بحبها بكل ما فيهو..بحبها وعارف تماما انها م ح تكون ليهو بس م في يدو شي..الحب م شي اختياري…قطع شرودو صوت انثوي بقول:ممكن اقعد؟
عاين لقاها ران اتنهد وقال:اكيد
قعد بعيد شوية منو عاين لانعكاس القمرة في المسبح بعدها قالت:القمرة الليلة حلوة صح؟
حرك ليها راسو نظام اي وم ردا
ران سكتت مساافة بعدها قالت:بتحبها من متين؟
عاين ليها لقاها بتعاين للموية رجع يعاين للموية وقال:م عارف..احتمال من اول مرة شفتها فيها بعد جينا من دبي
اتنهدت وقالت:انس طرح ليها
عاين ليها بسرعة:وراها؟
ران حركت راسها نظام اي
فهد رجع يعاين للموية وهو بقول بمرارة:م وراني انو ح يقول ليها
ران:متذكر انك وعدتني انك تساعدني؟
فهد عاين ليها باستفهام:اي متذكر
ران:وكان قلنا ليك ح احتاج ليك في الوقت المناسب؟
فهد بنفاذ صبر:اها
ران:انس لحدي هسي م وراك لأنو م فضى بس لمن تجو تنومو ح يحكي ليك اكيد ح يكون فرحان انها وافقت بحبو وكدا فاا ح تقوم انت تقول ليهو اتقدم ليها
فهد عاين ليها بخلعة
ران:فهد انت لازم تساعدني..نحنا الاتنين هدفنا سعادة ألين انت بتحبها وانا صحبتها
فهد:بتطلبي مني اقول لانس يتقدم لحبيبتي؟
ران حركت راسها نظام لا:لا ي فهد ألين م حبيبتك..ألين حبيبة انس وحاليا مربطة معاهو
فهد بلع ريقو بمرارة
ران:لازم يتقدم ليها ويعرسو عشان نخلص من الموضوع دا
فهد:وانتي العرفك شنو انو انس ح يجي يحكي لي وخصوصا الليلة؟
ران حركت اكتافها نظام م عارفة:م ادرى..حافظة انس انا
فهد عاين ليها مساااافة:ران انس كان بحبك
ران عاينت للمسبح بتشتت:فهد خلاص م ح نعيد ونكرر في القصة
فهد عاين للمسبح:انتي بتتهربي
ران:اتهرب من شنو؟
فهد:يعني انس بحبك تكسريهو وتخليهو يتزوج ألين..ليه؟
ران:انا محتاجة زول يطمني وانس م مطمني
فهد عاين ليها مسااافة
ران:بالنسبة لي الامان اهم من الحب..عاينت ليهو..والاتنين انا م حساهم مع انس
فهد قوس ليها خشمو وميل راسو شوية نظام اوكييه
ران:المهم لازم تعمل القلتو ليك ماشي؟
فهد اتنهد:حاضر
ران ابتسمت ليهو وقالت:يلا انا ماشة
ومشت خلتو زي المرة الفاتت…شنو هو الحاضر؟ ح يقول لأنس اتقدم لألين؟ ألين البحبها هو؟…
في السطح…
قاعدة جنبو في الكرسي وكرعينها فوق كرعينو وبتلعب باصابعو
انس:ألينوو
ألين:همممم
انس:بحبك
ابتسمت ورفعت راسها:من متين بتحبني؟
انس بتفكير..صحي من متين بحبها؟:من ما لقيت نفسي م بقدر اتم يومي الا اتكلم معاك
خلخلت اصابعها في مقدمة شعرها عشان ترجعو لورا
انس:شعرك حلووو
ابتسمت:حلوة عيونك
قرب وشو منها:بالجد؟
ارتبكت من قربو الشديد ليها ابتسم لمن شاف توترها وقال:شوفيهم حلوين؟
لزتو لورا وهي مبتسمة بخجل منو
ضحك علي خجلها عمرو م اتوقع يشوفها بالصورة دي..طول عمرو بشوفها مجنونة ومشكلجية ولسانها طويل بس الليلة..وفي حضنو بقت ألين تانية ألين رقيقة خجولة عاشقة….
"قليلين ادب😑👋🏻"
أنت تقرأ
قلوب تائهة
General Fictionسلاماً علي اصحاب العيون الساهرة علي الذين تبدأ معاركهم عند الواحدة صباحاً،اولئك الذين يشاركوت عقرب الساعة دقاته بأعينهم الذين تعجز حتي الموسيقى علي مقاسمتهم ليلهم، وحدها الذكريات من تستطيع ذلك..اصحاب الهالات التي تزيدهم جاذبية، اما الذين ينامون ليلا...
