بارت 33
ظهر اليوم التالي...
تاكلة راسها في شباك العربية وسرحانة..امجد صوتو وبحة الألم الفيهو امبارح وهي بتسمع فيهو بغني كانت متكيييفة بقدر ما كانت موجوعة وحزينة علي وجعو الظاهر من طريقة غناهو...وجعو الهي سببتو ليهو يوم كسرت قلبو واتخلت عنو في لمح البصر...انذار طوارئ رنا جوة قلبها لمن اتذكرت لحظة كان بغني براهو...في حاجة مضايقاهو...ودي تعتبر وحدة من حالات الطوارئ بالنسبة لقلبها...صح كان ماديها ضهرو وم شافت ملامحو بس تقريبا ايقنت انو ح كان عاقد حواجبو ومغمض عيونو...حفافظاهو..عن ظهر قلب..قلبها التايه في بعدو، لا قادر ينساهو ولا قادر يكون جنبو
فاقت من شرودها علي صوت دندنة اخوها وهو بغني بصوت واطي:راجيييييك
اتلفت عليهو بسرعة وقالت:الغنية دي بتعرفها من وين؟
عاين ليها بإستغراب ورفع اكتافو ونزلهم سريع وقال:بعرفها بعرفها...من وين كيف يعني؟
دانة وضحكت اكتر:قصدي يعني انو امجد غناها امبارح
فهد: اي عادي
دانة:اااا..طيب البغنيها منو؟
فهد:امجد شاكر...عاين ليها...ليه؟
دانة:ساي بس..شكلها حلوة
فهد:زابطة شديد..عموما امجد شاكر دا زابط
دانة اتنهدت وهي بتحرك راسها نظام اممممممم..عاينت بالشباك..ورجعت لدوامة تفكيرها...
في عربية تانية...
ماسكة يدو الشمال بيدينها الاتنين وخاتة راسها في كتفو..
قالت بشرود:احمد
احمد وهو مركز في السواقة:قلبو
نسرين وهي لسا سرحانة:خلينا نمشي نفحص عليك الله
عقد حواجبو وقال:لاااا
نسرين رفعت راسها من كتفو عاينت ليهو وقالت:حبيبي افهمني
احمد عاين ليها سريع ورجع عاين للطريق:افهميني انتي..انا م عايز افحص كأني متقعد من الموضوع بس ليه الاستعجال؟...كلو في وقتو حلو
نسرين:اي بس برضو م صح ياخ نقعد كدا..لازم نفحص عشان...
سكتت
عاين ليها وقال:عشان كل واحد يمشي في طريقو صح؟
رجع يعاين للطريق...وسحب يدو من بين يدينها
نسرين:لا حبيبي انا م قلتا كدا..انا قصدي...
قاطعها:قصدك ولا م قصدك...قلتيها قبل كدا ي نسرين وشكلها بقت ساهلة في لسانك
نسرين:احمد م كدا
مسح عينو اليمين بعصبية وم ردا..عاينت ليهو مسااافة..زعل خلاص وم ح يتفاهم تاني..اتنهدت بألم واتلفتت علي الشباك..عاين ليها وهي متلفتة علي الشباك بلع ريقو..م هاين عليهو يقسي عليها كدا بس هي بقت تقول كلام لا بنفع ولا ببقى💔...
في عربية تالتة...
فتحت الكيكة وهي بتقول:جربها والله حلوة شديد
انس:كدي اكليني اجربها
ألين ضحكت ومدت يدها عشان تأكلو
ران قاعدة ورا اتنهدت بزهج منهم واتلفتت علي الشباك
ألين اكلتو لقمة وقالت:هااا...ايش رايك؟
انس:م حلوة لكين حلوة
ألين رفعت حاجبها:ترجم لو سمحت
انس:هي م حلوة لكين حلوة عشان اكلتيني ليها..عاين ليها..بيدك
ران قلبت عيونها بزهج وهي متلفتة علي الشباك
ألين كر كر كر كر ضحكت
انس:تدوم وتربي جضوم وتغسلي لي ول عيالي الهدوم
ألين لسا بتضحك
انس عاين ليها ورجع يعاين للطريق وقال:بمناسبة الهدوم..انا ح جاي بيتكم بعد يومين
ألين:بيتنا نحنا؟ليه؟
انس:ثانكس ي دنيا علي حبيبتي الغبية..ي بتنا اقول ليك جاي بيتكم ح يكون ليه؟ جاي اشرب شاي مع ابوك
ران قاعدة ورا عاينت ليهو
ألين عاينت ليهو مسااافه بعدها صرخت وقالت:انسسسسس
انس ضحك:اضاني اضاني
ألين اتلفتت ورا لران وقالت:رانووووو سمعتي؟ح يجي يتقدم ليييي
ران ابتسمت ليها عاينت لانس وقالت:غريبة..مستعجل كدا مالك؟
كانت عايزة تعرف لو فهد شجعو زي ما هي طلبت منو ولا لأ
انس اداها نظرة سريعة بالمراية وقال:م مستعجل بي مدام بحبها وبتحبني نتأخر ليه؟
من كلامو كان واضح انو زعلان منها..اصلا هو معاملتو معاها اتغيرت من اعترف ليها وهي رفضتو داك....
ران اتلفتت علي الشباك وهي متأكدة انو فهد ليهو دور في راي انس دا...ظهر شبح ابتسامة علي خشمها وهي بتقرر تشكر فهد علي مساعدتو دي....
أنت تقرأ
قلوب تائهة
General Fictionسلاماً علي اصحاب العيون الساهرة علي الذين تبدأ معاركهم عند الواحدة صباحاً،اولئك الذين يشاركوت عقرب الساعة دقاته بأعينهم الذين تعجز حتي الموسيقى علي مقاسمتهم ليلهم، وحدها الذكريات من تستطيع ذلك..اصحاب الهالات التي تزيدهم جاذبية، اما الذين ينامون ليلا...
