احببتها منذ الصغر

البارت 9

عدنان:مريم انتي ماعدنچ شي يمي وهسه روحي
مريم:لا عندي شي يمك
عدنان:وشنو هذا الشي
مريم:گلبي
عدنان:شنو
مريم:اي گلبي ، عدنان انا احبك وانت تعرف هذا الشي
عدنان:وهسه شنو تردين مني
مريم:اريدك ، اريد نرجع اني وياك مثل قبل
عدنان: مريم علاقتنه انتهت وانا كملت حياتي

اشو هاي لزمت ياخه قميصي وگالت..

مريم:انت الي وحدي مستحيل اخلي وحدة تاخذك مني
عدنان:مريم شنو هل كلام
مريم:اي ، عدنان افهمني انا احبك
عدنان:بس انا لا ، مريم انتي تزوجتي ابن عمج يعني المفروض تحبين زوجچ مو اني
مريم:بس انت حب حياتي ،وبالنسبه لزوجي ف اني نهيت علاقتي وياه يعني اطلگت
حتى نرجع اني وانت نفس قبل ونزوج
عدنان:مريم ارجوج فهمي ، گتلج اني كملت حياتي وبعد كم يوم راح اخطب
مريم ( وهي تبجي):عدنان ليش ما داتفهمني اني احبك وعفت كلشي وراي واجيت حتى اكمل حياتي وياك وانت تگول اريد اخطب
عدنان:مريم ان..قاطعت كلامه وهي تحضنه وتگول
مريم:ارجوك عدنان لا تتخله عني اني احبك وراح ابقى احبك لاخر نفس بيه
عدنان:اني اسف بس اني احب بنت غيرج ، وهسه اني لازم اروح للبيت
مريم:بس عدنان

تركتها وصعدت سيارتي واتجهت للبيت
_______________________

گعدت من النوم ورحت للحمام خسلت وجهي وبعدين دخلت للغرفة شفت موبايلي
عدنان دايتصل بيه فتحت خط وگلت..

نور:هلو عدنان
عدنان:ليش تگولين عدنان
نور:لعد شنو اگول
عدنان:يعني مثلا گولي حبيبي
نور:اممم ، من اصير خطيبي اگلك
عدنان:هااا
نور:اي
عدنان:لعد يله باي
نور:شنو زعلت
عدنان:اي ، اذا متگولين حبيبي بعد ما احچي وياج
نور:لا ما اگول
عدنان:اوك باي
نور:باي

فصلت المكالمة وطلعت من غرفتي نزلت ودخلت للمطبخ جهزنه الطاوله اني وخلود
بعدين دخل بابا واخواني علي و احمد و سيف ، گعد بابا وگال..

الاب:نور اجو ناس عليج
نور:شنو
الاب:اي انتي مو گلتي اكمل دراستي بعدين ازوج
نور:بس بابا اليوم اتخرجت وانت تگول تزوجين
خلود:اي بابا نور اليوم تخرجت يعني بعدها تعبانه من الامتحانات خلي ترتاح شوي
بعدين احچي وياها بموضوع الزواج
سيف:انتي ليش تدخلين بشي ميخصچ
خلود:احترم نفسك سيف اني اكبر منك
الاب:كافي انت وياها ، نور بعد اسبوع يجون يخطبوچ
نور:بس اني ما موافقة
الاب:بس راح توافقين

اني عفتهم وصعدت لغرفتي واتصلت على عدنان ثواني ورد عليه وگال..

:الو
:عدنان
:شبيچ نور
:بابا يريد يجبرني على الزواج
:شنو
:اي وگال بعد اسبوع يجون يخطبوني
:اممم
:ليش مداتگول شي
:يعني شنو اگلج
:حاول تلغي خطوبتي اني ماريد ازوج
:اسف ما اگدر
:بس عدنان..

فصل عدنان المكالمة
نور:يعني كان يخدعني من گال يحبني. ... وبقيت ابچي لحد ما نمت

بعد مرور اسبوع...
مر الاسبوع بدون احداث بس نور تتصل على عدنان وما يجاوبها