جناح مكسور 😔💔
بقلمي : ميساء إبراهيم 💜
{7}
سعاد : كدي تعالوا غسلوا وشكم واشربوا ليكم موية يا بنات.. "صمود التفتت عليها وقالت ليها" صمود : شكراً.. بس نحن ما محتاجين مساعدة زول ناكر أمي.. "صمود وأخواتها مشوا وقعدوا في عتبة تحت لمبة الشارع".. فرح : يا صمود.. لي الناس بتكلهنا كدا؟!.. "صمود من شدة الزعل ما سمعت كلام فرح وبقت بتتكلم بصوت عالي وتقول"صمود : لي دايما بنثق في الناس الغلط؟!؟!..لي دايما الأبواب البنظن انها حتتفتح لينا بتتقفل في وشنا؟!؟!..لي دايما القدر بقيف ضدنا وما حصل وقف معانا؟!؟!.. أمل : دا شنو دا الكلام البتقولي فيهو دا يا صمود 😮.. انتي كدا بكلامك دا بتقللي من إيمانك بربنا!!.. البنمر بيهو دا اسمو ابتلاء من ربنا عشان يختبر صبرنا.. ونحن المفروض ما نيأس ابدا من رحمة ربنا ونصبر لحدي ما تفرج بإذن الله💜.. صمود : ونعم بالله.. استغفر الله العظيم واتوب اليه...... " الوقت اتأخر والدنيا ضللمت وصوت بكا نجاح ماالي الشارع.. لممن شالتها صمود وبدت تغني ليها في الغنية الكانت امهم سارة بتغنيها ليهم عشان ينوموا" صمود : *النووم النووم.. تعاال يا النوم.. سكت الجهاال(الأطفال).. تعاال يا النوم وجيب معاك الأحلاام.. وجيب معاك الآماال.. تعاال يا النوم وشييل كل الهموم.. وجيب معاك النجوم وزين بيها السمااء.. تعاال يا النوم وجيب معاك النور وضوي بيهو الضلاام.. تعاال يا النوم.. تعاال يا النوم 💜*.. "وبعد شوية نجاح نامت.... وفجأة ظهرت حجة كبيرة وقالت ل صمود".. حجة عواطف : الله!!! يا بنية.. صوتك حلااااتو!!!.. صمود : شكراً ليك يا حجة.. حجة عواطف : عواطف.. اسمي عواطف وقولي لي حجة عواطف.. صمود : شكراً ليك يا حجة عواطف 💜.. حجة عواطف : مالكن يا بنيات قاعدات في الشارع كدي براكن في الوقت دا؟!!.. مستنين أمكم؟؟.. فرح : أمي وابوي فووق في السماء.. "حجة عواطف انصدمت لممن خنت يدها في قلبها".. حجة عواطف : ربنا يرحمهم أن شاء الله.. معليش يا بناتي على السؤال .. أمل : مافي مشكلة يا حجة.. حجة عواطف : طيب مالكن قاعدات براكن كدا في الشارع.. تعالن تعالن اتفضلن عندي في البيت واحكوا لي الحاصل معاكن "أمل فرحت شديد وطوالي عايزة تقوم لكن صمود مسكتها وهمست ليها" صمود : عايزانا ندخل بيت غريب وما عارفين ناسو؟؟!!!!.. أمل : حسي نحن ما قاعدين في الشارع ومليان غربا!! .. حجة عواطف : مالكن بتتهامسن كدي يا بناتي.. ما تخافن مني.. انا حجة كبيرة وزي حبوبتكن.. راجلي اتوفى بدري ربنا يرحمو والله ما رزقني بأولاد يعني عايشة برااي.. تعالن تعالن معاي " صمود سكتت مساافة وبقت تفكر يمشوا ولا لا.. لكن أمل اقنعتها وقاموا ومشوا مع حجة عواطف بيتها.. واستقبلتهم بكل بشاشة 💜".. حجة عواطف : اتفضلن اتفضلن يا بناتي البيت بيتكن.. والله نورتن البيت الليلة.. أمل : بنوورك يا حجة.. "بعد شوية الحجة مشت تجهز ليهم في العشا ".. أمل : مش قلت ليك لو صبرنا بتفرج.. حسي شوفي كيف الله رسل لينا الحجة دي عشان تأوينا.. صمود : تأوينا؟!.. انتي فاكرة نحن حنقعد هنا طواالي؟!!!.. أمل : عايزانا نقعد في الشارع يعني؟!؟!.." صمود ما عرفت تقول شنو..... الحجة جابت العشا وجات ".. حجة عواطف : يلا غسلن يدكن وتعالن اكلن.. الحمام بيجاي.. أمل : ما بتقصري يا حجة... حجة عواطف : اها انتي اسمك منو يا عسل.. أمل : انا أمل ودي اختي الكبيرة صمود.. ودي فرح ودي اختي الصغيرة نجاح.. حجة عواطف : مااا شااااء الله تبااارك الله ربنا يحفظكن يا بناتي.. دايما كنت بدعي ربنا يرزقني بالذرية الحسنة بس الله ما كتب لي الولادة.. أمل : لي...يتبع
أنت تقرأ
جناح مكسور 😔💔
Aktuelle Literaturالحياة دائماً قد تعاكس طريقك فالرياح لا تسري كما تشتهي السفن!! لكن أحياناً تستطيع السفينة مقاومة الرياح والسير إلى وجهتها لكن بالطبع ليس بدون طاقمها! كما هو الحال في حياة هذه الشقيقات الأربع فحياتهن كالسفينة في عرض البحر ،فمن خلال مساعدة بعضهم البعض...
