جناح مكسور 😔💔
بقلمي : ميساء إبراهيم 💜
{5}
وانت دايما بتشوف أفعال أمك وما عندك الشجاعة الكافية عشان تواجهها وتقول ليها انتي غلطانة ي أمي 😐.. أحمد : براك قولتيها *يا أمي*.. يعني دي أمي وما بقدر أقول ليها كدا.. حتي نفسك مكاني وبعدين تعالي عاتبيني 🙂.. صمود : الحق والباطل ما بعرفو كبير وصغير.. أحمد : كلامك صح لكن.. صمود : خلاص ي أحمد خلاص.. كفاية مبررات عليك الله!! 😐💔.... "مر الأسبوع وجا وقت العرس والوضع متأزم شديد عند صمود وأخواتها".. "صمود وأخواتها يبكوا سااي وما عارفين يعملوا شنو".. أحمد : ما تبكي يا صمود.. دموعك غااالية والله.. وبتتحلي أن شاء الله.. انتي بس قوي إيمانك بربنا وبتفرج بإذن الله 💜.. صمود : أن شاء الله 😭💜.." مرت الساعات والعرس قررب بس فجأة أحمد دخل غرفة صمود وأخواتها وقفل الباب وقال ل صمود ".. أحمد : صمود ماف وقت ستفي هدومك وهدوم أخواتك سريعع.. في عربية مستنياكم برا حتوديكم لحددي العنوان الأدتو ليك أمك.. يلا سريععع.. "صمود ما عرفت تقول شنو بالصدمة.. 😶..جهزوا حالهم سريع سريع لحدي ما ما جا أحمد تاني وشال الشنط وفتح ليهم الباب وركبهم في العربية.. أدي صمود موبايل وقال ليها" أحمد : هاك التلفون دا بتلقي رقمي مسجل فيهو.. أوول ما تصلوا دقي علي وطمنيني عنكم 💜.. " صمود بدت تبكي 😭".. أحمد : حسي الدموع دي لزومها شنوو 🤨.. صمود : دي دموع الفرح 😭.. والله ما عارفة أوفيك حقك كيف!!.. بالجد شكراً من جوووة قلبي😭💜.. أحمد : دا أقل شي ممكن أسويه عشان أوفي نص حقك وعشان اقدر أسامح نفسي 😞.. المهم ما تنسينا بدعواتك بس ف تالتة دي.. صمود : أن شاء الله بالتووووفيق.. وان شاء الله من الأوائل.. أحمد : يلا في أمانة الله💜.. لو جعتو في الطريف في شنطة بنية كدا فيها أكل وموية.. صمود : ما بتقصر والله.. أحمد : يلا مع السلامة 💜.. "لمن العربية اتحركت أحمد كان واقف لسسة بعاين ليهم.. والبسمة مرسومة في وشو.. بس من جواتو نار بتغلي 🔥.. وبقى زي التايه في أفكارو.. وفي قلبو مشاعر رااسخة.. وفي عقلو سؤال بس وااحد : *كيف حأقدر على فراقها؟!! 💔💔...." أحمد مشى غرفتو سريع وقفل الباب واتغطى بالبطانية وعمل نفسو ناايم.. لحدي ما جاتو أمو بتكووورك".. سوسن : اححححمد.. الحقني ي أحمد.. الشيطانة ما لقيناهاااا.. أحمد : بسم الله الرحمن الرحيم.. مالك ي أمي بتكوركي كدا!؟؟؟.. سوسن : الما بتتسمى دي ما لقيناهاااا.. أحمد : انا صاحي من النوم وعيان شديد عشان كدا ما قادر افهمك.. كدي برااحة برااحة كدا الحاصل شنوو.. سوسن : ياخ صمود الوسخة ما لقيناهااا.. أحمد : شنو؟! 🤨.. ياخ كدي استهدوا بالله وفتشوها كويس بتلقونها هنا ولا هنا.. يعني حتمشي وينن؟!؟.. سوسن : فتشنا البيت دا كلوو حتتة حتتة وما لقيناها هي وأخواتها.. مرام : أممممي.. ياااا أممممي.. سوسن : ما ناقصاك حسي ي بتي.. في مشكلة هنا قاعدين نحل فيها.. مرام : يا أمي.. انا قبيل شفت بنات كدا راكبين عربية والعربية اتحركت اتجاه الظلط.. سوسن : سجم خشمي 😲.. دا شنو الكلام البتقولي فيهو دا ي بت؟!!!!.. مرام : والله العظيم.. "سوسن قرصت مرام قرصة حاارة كدا".. سوسن : ومالك ما تكلمتي من قبيل!!!!!.. "مرام الدلوعة قعدت تبكي".. مرام : وانا العرفني شنو انهم حيكونو صمود وأخواتها 😤.. سوسن : ووب علي انا يا.. يتبع
أنت تقرأ
جناح مكسور 😔💔
Ficção Geralالحياة دائماً قد تعاكس طريقك فالرياح لا تسري كما تشتهي السفن!! لكن أحياناً تستطيع السفينة مقاومة الرياح والسير إلى وجهتها لكن بالطبع ليس بدون طاقمها! كما هو الحال في حياة هذه الشقيقات الأربع فحياتهن كالسفينة في عرض البحر ،فمن خلال مساعدة بعضهم البعض...