جناح مكسور 😔💔
بقلمي : ميساء إبراهيم 💜
{3}
وبتقول : احلييييييلك يا الطيبة.. احليييييك يا السمحة " بعد المرا مرقت صمود دخلت المطبخ وبقت بتعاين لعمتها سااي".. صمود : احليك يا الطيبة؟؟!!.. جاية تبكي عليها حسي بعد ما كتلتيها بأفعالك؟!!!... "العمة سوسن مسحت دموعها وبقت بتتبسم".. سوسن : الكلام دا قوليهو لأبوك العوقة الما عندو فلس وعايش على قروش اختو 😏.. صمود : دموعك دي خليها ل يوم تاني.. وبعدين بكاك على أمي دا ما اسمو نواح.. اسمو نبااح.. زي ما الكلاب بتنبح في الملائكة انتي بتبكي على أمي.. بس كلنا عارفين انو أمي ملاك.. المشكلة انك ما عارفة نفسك شنو!!.. "العمة رفعت يدها عشان تدي صمود كف.. بس صمود مسكت ليها يدها". صمود : وبراك قلتيها عايش على قروش اختو.. اختو المفروض تراعي ليهو مش تشغلو وتشغل بناتو خدمات عندها.. سوسن : وكنتي عايزة تاكلي وتشربي ببلاش يعني 🙄..صمود : الكلام معاك ما بنفع ولا بحرك جواك شي!!!.. انا ما عارفة انتي مخلوقة من شنو والله!!!.. شكيتك لي الله بس😑💔.. " صمود كبت الموية وماشة توديها ل فرح".. سوسن : ختي الموية دي وامشي شوفي ليك حتة تانية تشربي منها.. دا مطبخي ودي صبارتي ودي... صمود : اها قولي دي مويتي كمان.. دي موية الله!!.. " وطلعت من المطبخ طوالي".. أمل : ي صمود نجاح دي ما رضعت من الصباح.. اها الحيرضعها منو؟؟!!.. صمود : بتتحلي ي أمل.. بتتحلي بإذن الله 💜.. "صمود مشت فتحت دولاب أمها وشالت الحثالة.. لقت فيها جنيهات كدا يااادوب تشتري ليها البززة.. وأثناء ما بتعد في القروش جا أحمد ود عمتها سوسن واداها قروش.... أحمد : هاك القروش دي أمكن تحتاجي ليها.. والبركة فيكم.. صمود : البركة في أمة محمد.. شكراً ليك بس ما محتاجة مساعدة اي زول 🙂.. أحمد : وحسي انا بقيت اي زول 🤨.. مش داايما كنتي بتقولي اني اخوك.. والاخو لو ما وقف معاك في الأوقات الزي دي.. يقيف معاك متين؟!!!..امسكي ي بت القروش دي وبطلي هبل " صمود سكتت شوية وما عرفت تقول شنو 😶".. صمود : هاك القروش دي.. أحمد : يا الله يااخخخ 😑.. صمود : قصدي هاك القروش دي وامشي الدكان جيب بززة ولبن وحفاض.. أحمد : اهااا. لو كدا تمام حاااضر وما عندك اي مشكلة 🤗........
*وبعد مرور ستة شهور*.. سوسن : صمووووود.. ي صمووووود تعااااالي هنا سريعععع.. صمود : مالك بتكوركي كدا.. شايفة نجاح نايمة 😐.. سوسن : استحمليني شوية.. اصلا حترتاحي مني وحأرتاح منك قرييييب أن شاء الله 😏.. " صمود ما فهمت كلام عمتها"... سوسن : جاك عريس.. ما عارفة شايف فيك شنو سمح بس المهم حتفك من خلقتك دي!!.. " صمود اتكسرت من جواتها وخنقتها العبرة.. بس ما ظههرت ضعفها قدام عمتها وبقت بتكورك في عمتها"... صمود : عشان أبوي اشترك معاك في شغل وبسبب غلطة وااحدة بس خسرتي قروشك.. وشغلتي ابوي خدام وشغلتي أمي خدامة عندك.. وحتي نحن الصغار الما عندنا ذنب شغلتينا تحت رجلينك 😐💔💔.. عمري حسي 15 سنة وما خليتي ابوي يدخلنا المدرسة.. عشان أمي قااارية ومتثقفة وانتي جاهلة عايزانا نكون زيك.. بس نحن عمرنا ما حنكون زيك لأنو الجهل ما عدم علم بس.. الجهل عدم الأخلاق والأدب.. وانتي أميرة الجاهلين والله... نففسي افهم انتي فاضية من جواتك؟؟!!.. ما عندك مشاعر ولا ضمير ولا ذرررة احساس 😐💔💔؟؟!!.. لو اصلا نفسك تعرسي ل زول.. امشي عرسي ل بتك الطووول عمرها.. يتبع
أنت تقرأ
جناح مكسور 😔💔
Fiction généraleالحياة دائماً قد تعاكس طريقك فالرياح لا تسري كما تشتهي السفن!! لكن أحياناً تستطيع السفينة مقاومة الرياح والسير إلى وجهتها لكن بالطبع ليس بدون طاقمها! كما هو الحال في حياة هذه الشقيقات الأربع فحياتهن كالسفينة في عرض البحر ،فمن خلال مساعدة بعضهم البعض...
