جناح مكسور 😔💔

جناح مكسور 😔💔
بقلمي : ميساء إبراهيم 💜
                        {14}والاخيرة🔥

أحمد : ي صمود أنا وصلت الخرطوم وحسي راكب في عربية اخو صحبي وماشين للبيت الأجرناهو.. صمود : اهااا.. حمد الله على السلامة نورت الخرطوم والله.. "صمود واقفة في مظلة ومنتظرة العربات تقيف عشان تبيع".. أحمد : بنورك والله.. دي شنو الجوطة الجمبك دي انتي وين.."صمود ما عرفت ترد عليهو وسكتت مسافة وقالت ليهو" صمود : يا فرح يا فرح وطي صوت التلفزيون دا مالو عالي كدا.. دا التلفزيون يا أحمد.. أحمد : امممم.. معقولة عالي للدرجة دي!.. صمود : ااي عالي شديد.. يلا ي أحمد لي بعدين عندي شغلة دايرة اتمها.. أحمد : خلاص تمام.. باي.." العربات وقفت وصمود حايمة بين العربات عشان تبيع الملابس.. وقفت جمب عربية عشان تعرض حاجاتها وفجأة..." أحمد : صمود؟؟!!!!!.. صمود : أحمد!! 😳.. "أحمد فتح باب العربية سريع ونزل.. صمود ما عرفت تعمل شنو.. عاينت ليهو مسافة ومشت سريع عشان ترجع البيت.. أحمد بقى لاحقها وبنده ليها "..أحمد : صمود اقيفي.. صمود استني.." بس صمود من ردت عليهو لحدي ما وصلت البيت ووقفت جمب الباب.. أحمد لحقها ووقف قصادها".. أحمد : لي كدا ي صمود؟!.. لي بتعملي كدا فيني؟!.. لي بتكذبي علي؟!!؟؟!.. صمود : دايرني اقول ليك شنو يعني.. اني بشتغل بياعة!. ولا اقول ليك انو المرا الأمي اعتبرتها صحبة وسند خزلتنا وكسرتنا!.. اقول شنو وأخلي شنو.. أي زول فينا الفيهو مكفيهو..لي اشغلك بمشاكلنا وريني لي؟!!!!!.. أحمد : عشان انتو جزو مني وانا جزو منكم.. عشان انتو عيلتي الوحيدة.. عشان انتو الأمان الما لقيتو الا في وجودكم.. ما كفاية انكم رحلتو بعيد وخليتوني براي!!.. من ما مشيتو انا فقدت ااي شي.. فقدت الضحكة والفرحة والسعادة.. فقدت السند وفقدت الحنان!!.. حياتي بقت كئيبة والسواد ماليها... مشيتو وشلتو معاكم قوس قزحي وخليتوني باهت!..صمود : انت عارف انو لو ما الظروف جبرتنا ما كنا حنخليك ي أحمد.. ما كنا حنخليك والله.. أحمد : الظروف الظروف الظروف!!!..لي الظروف قاسية معاي كدا؟؟.. لي يا الظروف ليييييي!!!.. صمود : ولا تزعل ي أحمد أن شاء الله كلو ل خير 💜.. أحمد : ان شاء الله ي صمود 😢.. صمود : تعال اتفضل أعرفك على حجة عواطف.. أحمد : حجة عواطف منو؟!.. صمود : أطيب خلق الله.. تعال اتفضل.. " صمود دخلت وكلمت حجة عواطف وحجة عواطف استقبلتو بكل بشاشة 💜.. فرح انبسطت شديد بشوفة أحمد وبقت بترقص وبتغني" فرح : اححمد جا اححمد دا..."أحمد شال فرح وطيرها في الهوا 😂" أحمد : يلا انا أستأذن بعد دا.. "صمود وصلت أحمد لحدي الباب" أحمد : اصحابي من قبيل بتصلوا علي.. حيكونو شاميني شم 😂.. صمود : انت زاتك بالغت😂.. أحمد : الليلة يادوب حسيت اني قادر اتنفس كويس .. وكل ألواني الزاهية رجعت تاني!.. صمود : الله كريم ي أحمد.. ان شاء الله ربنا يصبرنا كلنا 💜.. أحمد : ان شاء الله 💜.. يلا سلام.. صمود : وعليكم السلام......................*بعد مرور سبعة سنين*... أمل : حجة عواطف.. ي حجة عواطف قومي صلي الصبح أذن خلاص.. ي حجة عواطف اصحي.. ي حجة عواطف قومي "حجة عواطف ما استجابت ل أمل نهائي... وبعد محاولات أمل الكتيرة عشان تصحي حجة عواطف.. اكتشفت انو للأسف حجة عواطف رحلت خلاص 😭💔".... "صمود وأخواتها ما استوعبوا الحصل!!.. فقدوا امهم للمرة التانية 😭💔.. البيت الكان مليان فرحة وسعادة اتقلب وصوت البكا والنواح ملى كل الأركان!!!...... وبعد ما ايام العزا انتهت.. مشاكل صمود وأخواتها لسسة ما انتهت والعقبات لسسة ملازماهم.. ظهروا وراث لبيت حجة عواطف ورموا صمود وأخواتها في الشارع بدون اي رحمة!!.. ماف اي واحد من الوراث كان بزور حجة عواطف أو بسأل عنها...بس بعد اتوفت ريحة الجشع فاحت والكلاب اتلمت!!.. صمود وأخواتها قعدوا في بيت صحبتها كم شهر ....اخو صحبة صمود أتقدم ليها وصمود ما قدرت ترفضو بعد المعروف القدموهو أهل صحبتها ليهم.. عرستو وولدت منو ولد وسمتو أحمد!.... وبعد ما مرت السنين وصمود وأمل اتخرجوا من الجامعة وأحمد كبر وبقى عمرو 3 سنين ابوهو اتوفى للأسف 💔... وفي يوم من الايام فرح كانت عيانة شوية قامت صمود ودتها للمستشفى وساقت أحمد معاها.. أحمد صعب.. بنطط كتير وبتجارى من هنا ل هنا لحدي ما ضاع من امو.. وبقى ببكي وبكورك : أمييييييي.. أمييييييي😭.. لمن جاهو راجل وشالو وخلاهو يسكت وهداهو.. الراجل : اسمك منو ي حلو.. اسمي احمد.. ما شاء الله انا زاتي... فجأة صمود جات وشالت أحمد من الراجل وبقت بتبكي وتكورك في أحمد.. عاينت للراجل عشان تشكرو وفجأة " صمود : أحمد 😳.. أحمد : صمود!!!!.." وبعد مرور كم دقيقة من السكوت والصدمة!.. أحمد : ما شاء الله ولدك أحمد كبر.. صمود : الله ما ضراك.. *وقفة*.. عم السكوت وسط كل الشوق والحنين.. وقلوبهم طافية فوق الدموع والأنين.. دموع الفراق الطووول وليهو سنين..افترقوا بعد ما كانوا شريان ووتين.. لبعض بس دربهم اترسم بالحبر الحزين!!!!.. 💔 ".. هل دي النهاية؟؟!... لالا ما النهاية.. 💜
" أحمد كان عارف بكل الحاصل مع صمود.. بس بعد ما اختارت غيرو ما قدر يرجع ويشوفها وهي ملك زول تاني وما ليهو.. فرح.. فرح شديد لمن عرف بموت راجل صمود.. قلبو رجع ينبض من جديد ولسسسة عندو أمل ما ليهو حدود... ولمن قابل صمود في المستشفى حكى ليها حاجات قديمة".. أحمد : متزكرة ي صمود لمن سألتيني لي ما كنت برد على مكالماتك وما كنت بسأل عنكم فترة طويلة وانا جاوبت ليك انو عندي ظروف!.. صمود : ااي متزكرة.. وقلت ليك حأستناك لحدي ما يجي اليوم وتقدر تحكي لي.. أحمد : اليوم جا ي صمود.. وانا حأحكي ليك الحصل... صمود : اها احكي سامعاك.. "أحمد الدموع ملت عيونو وسكت مسافة وتاني اتكلم وقال"احمد : امي يا صمود امي!!!.. صمود : مالها عمتي سوسن؟!.. أحمد : في نفس اليوم المشيتو فيهو الخرطوم.. مرام شافتكم وكلمت أمي... وامي و مرام ركبوا مع ود الجيران العربية عشان يحصلوكم و... "أحمد ما قدر يمسك دموعو وبقى ببكي شديد ".. صمود : استهدى بالله ي أحمد.. حصل شنو تاني؟!!.. أحمد : عملوا حادث.. وامي اتشلت شلل كلي وما بتقدر تحرك غير عيونها.. ومرام ما جاتها حاجة.. بعد ما دخلت الجامعة ووصلت سنة 4 و أجزت ورجعت البلد لقيت الحال مقلوب.. مرام عرست بقدرتها!!.. وخلت امي في الحالة دي مع بت خدامة.. ولقيت البت دي بتعامل أمي معاملة الكلاب!!..." صمود انصدمت شديد وبقت بتبكي بس.. بتبكي من كل الذكريات الكعبة العاشتها مع عمتها.. بتبكي من جزاء الله ل سوسن.. بتبكي من مشاعرها المتلخبطة.. 💔".. صمود : ارح ي أحمد.. أحمد : وين؟؟؟.. صمود : ل عمتي سوسن.. أحمد : متأكدة؟؟.. صمود : ااي ي أحمد.. أحمد : المرة دي ما حأخليك تبعدي مني وما حأسمح ليك تشيلي مني صمودي!.. لانو المرة دي انا حانكسر بالجد ي صمود... وانتي القوة الوحيدة المخلياني صامد لحدي حسي ي صمود! عليك الله ما تكسريني 💔.. صمود : ي أحمد كيف اكسرك وانت الوحيد الخليتنا انا واخواتي نرجع نطير ونرفرف في السماء بعد ما جناحنا انكسر!.. ي أحمد انت البيت السكنت جواتو بعد ما اتنفيت من وطن أمي.. ي أحمد انت الإخلاص وانت الوفاء........."صمود وأحمد مشوا البلد.. وبعد ما وصلوا صمود وقفت مسافة قصاد باب بيتهم..." أحمد : ما تخافي ي صمود.. انا هنا .. صمود : ما خايفة ي أحمد.. مادامك جنبي ما حأخاف.. "صمود دخلت البيت و خطت خطواتها لحدي ما وصلت ل عمتها وقعدت قصادها و دموعها جرت زي النهر!".. صمود : عمتي!... ما عارفة ابدا من وين.. ما عارفة اقول شنو وأخلي شنو.. انا رجعت ي عمتي.. انا صمود.. بس الفرق انو اسمي اتغير من صمود الخدامة ل صمود الدكتورة!.. انا ما رجعت عشان اعاتبك.. ولا عشان افتح دفاتر قديمة...وعشان أمي ربتني صح.. انا رجعت عشان أعمل الواجب.. الواجب الاتخلت عنو بتك مرام! ..وعارفة انو شوفتك لي عذاب .. عشان كل ما حتشوفيني قدامك حتحسي بالذنب!.. انا عافية عنك ي عمتي.. بس السؤال هل انتي حتقدري تعفي ل نفسك؟؟؟!!.. "العمة سوسن الدموع ملت عيونها وبقت بتبكي ساي!".. "صمود مسحت ل عمتها دموعها وجابت ليها أحمد و قالت ليها" صمود : دا أحمد ولدي ي عمتي............"احمد وصمود عرسوا وجابوا بت وسموها سارة 💜".. أحمد : ي صمودي.. بحبك حب قدر مطر الخريف.. قدر كل المدن والريف..و حأفضل احبك لحدي ما نبضاتي تقيف 💜💜.. صمود : ي أحمدي معاك السعادة عادة والحزن ماليهو وجود.. يالحبي ليهو ما ليهو مقياس وما ليهو حدود.. انت الربيع وانت الورود 💜💜
.
.
.
النهاية....