جناح مكسور 😔💔

جناح مكسور 😔💔
بقلمي : ميساء إبراهيم 💜
                               {13}

"بعد أمل رجعت من المدرسة جابت معاها هدية وجات ل صمود وقعدت في الأرض قصاد صمود وبدت تبكي".. أمل : يا صمود أنا خجلاانة منك شديد.. يا أمي.. "صمود سكتت أمل وقالت ليها" صمود : عليك الله ما تقولي لي الكلمة دي لأني ما بستحقها!.. أمل : ما تقولي كدا يا صمود 😭.. انتي أمي ثم أمي ثم أمي.. عليك الله سامحيني.. لو رب العالمين بسامح انتي ما راضية تسامحيني.. وكلنا بشر بنغفل مرات ونغلط.. صمود : براك قلتيها.. دا رب العالمين الرحمتو واسعة بسامحنا.. بس نحن بشر قلوبنا ضعيفة زي الجزاز لو اتكسرت صعب تتصلح!.. أمل : عليك الله يا صمود سامحيني 😭.. وانا بوعدك اني اجتهد شدييييد وارفع راسك فووق شديد .. صمود : الوعود الما قدرها ماف داعي تقوليها.. ولو رفعت راسي فوق شديد رقبتي بتتكسر وانا اكتفيت من الانكسارات✋🏻.. "الكلمات دي صعبة شديد على صمود.. بس لاااازم تقولها عشان أمل تحس بالذنب وما تكرر غلطتها تاني!"... أمل : من زماان كنت بخطط لليوم دا عشان أفاجئك فيهو.. بس ما خطر لي انك حتكوني زعلانة مني 😭.. الليلة يوم 13/2 وانا كنت عايزة أعلن انو اليوم دا يبقى عيد الأخوة والصداقة رسمي.. زي ما عيد الحب بكرة.. قررت انو الليلة يكون عيدنا ي صمود لأنو الأخوة والصداقة أهم وقبل الحب! 💜.. هاك الهدية دي ي صمود عليك الله أقبليها 😭💜.. "صمود أوراقها اتشتتت وكلماتها اتبعثرت وما عرفت تقول شنو!.. حضنت أمل شديد".. أمل : مهما الأيام تحاول تفرقنا ما تخليني براي قصاد قساوة الدنيا.. واقيفي معاي جمبي حداي.. ولو مرضت ابقي دواي.. ولو حزنت ابقى نجمة في سماي💜.. صمود : انا داااايما معاك.. ولو ما جمبك حتلقيني جواك حداك.. يا أملي يا أجمل ملاك.. في الصيف حبقى ليك هوا.. وفي الشتاء حبقى ليك دفا.. ولو دنيانا اتغبرت حبقى ليك صفا 💜.. أمل : الله يخليك لينا يا أمي 💜.. صمود : والله يخليكم لي يا كلي يا أنا 💜.. فرح : لي كدا يعني.. انا زاتي عايزة أحدنكم "أحضنكم".. صمود : تعالي يا فرحتي وري أمل قواك الخارقة 😂💜...........
أمل : يا صمود الليلة طلبوا مننا القسط التاني في المدرسة.. "صمود من شدة الشمس البتقابلها كل يوم بقت عياانة".. صمود : كويس ي أمل.. بكرة ان شاء الله بمشي أدفعها.. أمل : انتي تعباانة الأيام دي!.. خليني اقعد في البيت الايام دي وانا الأشتغل.. صمود : انتي ما تشيلي هم حاجة غير دراستك وبس.. أمل : لكن انتي.. صمود : خلاص ي أمل الموضوع دا اتكلمنا فيهو كتير................ "صمود شالت قروش القسط وماشة توديها للمدرسة وعشان المدرسة قريبة مشت برجلينها.. وفجأة... جا موتر سريع وقلع منها محفظتها من يدها وسرقها" في اللحظة ديك صمود جاتها طاقة من مافي!!.. تعب الشهور داك كيف ممكن يضيع في لحظة واحدة!!!!.. جرت وجرت وراهو.. وهو عشان خايف بلتفت وراهو ويعاين ليها. لممن اتخبط مع ركشة!..صمود ما صدقت ولحقتو سريع شالت منو المحفظة وقعدت تكورك فيهو".. صمود : لو عايزة ممكن أبلغ عنك حسي بس عشان عارفة انك محتاج وانا عارفة الحوجة دي صعبة كيف! حأخلي عقابك ل ربنا بس... يتبع