جناح مكسور😔💔
بقلمي : ميساء إبراهيم 💜
{10}
طواالي أدت البت الفستان من دون تفكير ".. البت : شكراً ليك يا عسل.. الأبو : لالا ما ينفع كدا.. لازم ما تتعودي على الحركات دي.. يلا رجعي الفستان.. صمود : ماف مشكلة يا خال.. أصلو في الدنيا الكئيبة دي ماف أجمل من بسمة طفل!.. " الراجل عجبو كلام صمود شديد وشكرها وقال ليها : الدنيا الكئيبة دي لو فيها زيك اتنين بس كانت بقت سعيدة.. صمود : تسلم يا خال.. الأبو : الله يسلمك يا بتي............. أمل : صموووووووود.. يا صمووووود تعالي شوفي نجاح 😭.. صمود : في شنو يا امل!!!!.. أمل : نجاح أبت تفتح عيونها وجسمها مسخنننننن.. " صمود اتجننت وساقت نجاح المستشفى سريع.. بعد ما الدكتور كشف عليها قال لازم يعملوا ليها عملية تنضيف كلى في أسرع وقت.. لمن صمود مشت للإشراف قالو ليها ما ممكن يعملوا العملية الا بعد تدفع قروش العملية.. صمود ما معاها قروش كافية وحاولت تقنعهم انها حتدفع العليها بعد ما العملية تتم.. بس ابدا ما رضوا.. صمود بقت بتكورك فيهم لممن داخت 💔"....*بعد مرور عدة ساعات*.. صمود : نجاااااح.. وين نجاااااح؟!!!!!.. أمل : نجاح كويسة يا صمود وعملوا ليها العملية ونجحت بفضل الله تعالى.. صمود : الحمد لله 😭😭😭😭.. بس كيف!!.. أمل : الدكتور وافق يعمل العملية بالمجان.." صمود قامت طوالي عشان تمشي تطمن على نجاح وتشكر الدكتور.. وأول ما دخلت لقت الدكتور قاعد.. قالت ليهو" صمود : شكراً يا خال.. يعني دا انت الدكتور!!.. الدكتور : ما حنسى معروفك مع بتي ابدا.. عشان حبيت ارد ليك الجميل.. صمود : شكراً ليك يا دكتور 💜.. الدكتور : شكراً ليك انتي يا بتي...." نجاح اول ما شافت صمود بقت بتضحك وتقول ماما.. ماما " صمود : حبيبة ماما!................
أحمد : صمود.. كيفك وكيف اخواتك ان شاء الله بخير.. صمود : كلنا بخير والحمد لله.. أحمد : احكي لي صحبة امك بتعاملكم كويس ولا كيف؟!.. "صمود ما حبت تحكي ليهو و تكلمو بالمشاكل المرت بيها ابدا عشان ما يشيل همهم ".. صمود : ااي الحمد لله بتعاملنا زي بناتها.. أحمد : طيب انا عندي ليك خبر.. صمود : اها قول.. أحمد : انا ناوي أقدم ل جامعة الخرطوم أن شاء الله " صمود طارت من الفرح وما قدرت تعبر!" صمود : احلف!!!!!.. أحمد : والله ان شاء الله.. حأجي اقعد مع أصحابي في شقة إيجار.. صمود : اها وعايز تقرى شنو؟!.. أحمد : هندسة معمار أن شاء الله.. عشان بعدين أخطط بيتنا.. صمود : بيتنا؟!!!.. أحمد : لالا قصدي بيتي بيتي.. " صمود قعدت تضحك😂".. صمود : اهاااا تمام والله.. احمد : مالك بتضحكي😂.. صمود : لالا ولا شي فرحانة بس.. أحمد : أن شاء الله دايما 💜.......
" مر الشهر وصمود لمت قروش كويسة عشان تقري بيها أمل.. سجلت أمل في مدرسة حكومية قوية وقريبة منهم.. وقبلوها.. الصباح صمود بتقعد مع أخواتها.. وأول ما تجي أمل من المدرسة بتمشي تشتغل لحدي المغرب.. وأول ما ترجع البيت بتقعد تقرأ مع امل دروس اليوم.." صمود : يا امل.. نفسك تبقي شنو لمن تكبري؟.. أمل : والله فكرت كتير في الموضوع دا وقررت ابقى محامية أن شاء الله.. صمود : واشمعنا محامية؟.. أمل : عشان ادافع عن حقوق الناس وأحاول بقدر الإمكان امنع الظلم بين الناس.. صمود : ما شاء الله عليك.. فكرتك عن المستقبل جميلة!.. أمل : اها وانتي يا صمود.. حلمك تبقي شنو.. "صمود سكتت مسافة وقعدت تفكر جواها وتقول... يتبع
أنت تقرأ
جناح مكسور 😔💔
Ficción Generalالحياة دائماً قد تعاكس طريقك فالرياح لا تسري كما تشتهي السفن!! لكن أحياناً تستطيع السفينة مقاومة الرياح والسير إلى وجهتها لكن بالطبع ليس بدون طاقمها! كما هو الحال في حياة هذه الشقيقات الأربع فحياتهن كالسفينة في عرض البحر ،فمن خلال مساعدة بعضهم البعض...
