جناح مكسور 😔💔
بقلمي : ميساء إبراهيم 💜
{8}
أمل : لي يا حجة بتقولي كدا.. نحن ما بناتك؟!.. "حجة عواطف دممعت لمن سمعت كلام امل 😢"حجة عواطف : بناتي.. والله بناتي.. انا خلاص قررت ما عايزة اعرف ااي شي عنكن.. بس عايزاكن تبقن بناتي من الليلة وتعيشوا معاي.. صمود : لالا يا حجة ما بنحب نتقل على زول.. ونحن حنقعد معاك الليلة دي بس وبعدين بنحاول نلقي مكان تاني نقعد فيهو ان شاء الله.. حجة عواطف : انا قررت والموضوع اتحسم خلاص.. انت حتقعدن معاااااي.. شايفة البيت كبير كيف وانا قاعدة فيهو براي.. صمود : لو مصرة خلاص حنقعد بس اكيد ما مجاني وحنشتغل عندك.. حجة عواطف : قاعدة تزعليني بكلامك دا والله!!!!.. أمل : خلاص ي صمود ما تزعلي حجة عواطف............
"صمود اتصلت على أحمد كمم مرة لكن ما رد عليها".. *وبعد مرور تلاتة شهور*... صمود : ما عارفة لي أحمد ما اتصل علينا تاني ولا برد على.. أمل : بكون مشغول مع مدرستو وسنة تالتة دي.. صمود : شكلو المسافة قدرت تخليهو ينسانا.. 💔.. حجة عواطف : يا بناتي.. تعالن تعالن.. أمل : نعم يا حجة عواطف.. حجة عواطف : اها عايزين تمشوا السوق متين عشان تشتروا حاجات المدرسة؟.. صمود : حاجات المدرسة؟!.. حجة عواطف : ااي يا بتي مالك مخلوعة كدي.. أمل : صراحة يا حجة.. "صمود سكتت امل".. حجة عواطف : مالكن يا بناتي اتكلمن.. صمود : المرة دي ما حأقبل تشتري لينا حاجة.. انا قررت أشتغل.. حجة عواطف : تاني عدتي كلامك المسيخ دا!!.. وحتشتغلي شنو كان سألتك.. صمود : ااي شي المهم اشتغل.. "صمود مشت الغرفة وبقت بتفكر تشتغل شنو.. بعد شوية اتزكرت حاجة.. مشت فتحت الشنطة الفيها حاجات المرحومة امها ولقت الخيوط.. سارة كانت بتعرف تخبط كوويس وعلمت صمود".. صمود : يا حجة عواطف.. عارفة أنن متعبنك معانا.. بس طلب آخير.. عندك ماكينة خياطة؟؟.. حجة عواطف : بس كدا.. ااي عندي..انتي بتعرفي تخيطي؟؟.. صمود : ااي يا حجة.. أمي الله يرحمها علمتني.. وحسي قررت اخيط هدوم وأبيعها.. حجة عواطف : لي كدا يا بتي؟!.. لي بتريدي الشقا كدا؟!.. انا القروش عندي وقادرة أوفر ليكن ااي شي.. صمود : انا مستحيل اقدر اعيش كدا.. أمي علمتني انو الحياة الكريمة ما بتجي الا بعد الشقا والتعب..." صمود اجتهدت بكل قوتها وخيطت ملابس كتيرة وبدت تبيع فيهم.. تحت الشمس الحارة وبين العربات بتبيع في الهدوم.. أمل دايما بتحاول تقنعها عشان تساعدها بس صمود دايما بتقول ليها"صمود: يا أمل.. الحيخلي بالو على فرح ونجاح منو لو اشتغلتي معاي؟!.. وانا بعمل دا كلو عشانك.. عشان تمنحني تامن وتدخلي الثانوي.. أمل : اها وانتي؟!؟!.. صمود : انا مالي؟!.. أمل : انتي اكبر مني.. المفروض انتي التمتحني تامن اول مني.. صمود : طيب قولي انا وانتي امتحنا سوا.. الحيخلي بالو على فرح ونجاح منو؟!.. ما بقدر اخليهم.. أمل : خلاص طيب امتحني اول مني.. وانا الحأخلي بالي على البنات.. صمود : لالا لالا.. أمل : خلاص طيب امتحني من البيت.. صمود : كيف يعني ؟!.. أمل : كل ما يدونا درس ولمن ارجع نزاكرو سوا وبعدين.. يتبع
أنت تقرأ
جناح مكسور 😔💔
Ficción Generalالحياة دائماً قد تعاكس طريقك فالرياح لا تسري كما تشتهي السفن!! لكن أحياناً تستطيع السفينة مقاومة الرياح والسير إلى وجهتها لكن بالطبع ليس بدون طاقمها! كما هو الحال في حياة هذه الشقيقات الأربع فحياتهن كالسفينة في عرض البحر ،فمن خلال مساعدة بعضهم البعض...
