جناح مكسور 😔💔
بقلمي : ميساء إبراهيم 💜
{6}
سوسن : ووب علي يا احمد.. الليلة أودي وشي ويبين من النااس 😩.. قومي يا مرام امشي لود الجيران خليهو يجي يسوقنا العربية عشان نفتش البنات ديل.. أحمد : والله لن عايزين تفتشو فتشوا برااكم.. انا عياان وما حأقدر أقوم من السرير زاتو.. مرام : وانت القال ليك امشي معانا منو حسي 🙄......
أمل : يا صمود انا جعت والله.. صمود : طيب دقيقة اشوف الشنطة البنية دي.. " لمن صمود فتحت الشنطة لقت فيها الأكل والموية.. ولقت معاهم بكتة حفاضات لنجاح وكم كيس لبن بدرة.. وفي جيب كدا فتحتو لقت فيهو قروش".. صمود : والله بالغت شديد يا أحمد!!!..... "صمود كانت راكبة ورا مع أخواتها.. بعد شوية لاحظت للسواق بعاين ليهم بالمراية بنظرة غريييييبة.. حممرت ليهو ما نفع!!.. نزلت عينها بررضو ما نفع!!".. أمل همست ل صمود : الراجل دا مالو بعاين لينا كدا.. صمود : ما تخافي.. ما تخافي.. "ولحسن الحظ أحمد ضرب ل صمود.. صمود بقت بتتكلم معاهو بصوت عاالي عشان السواق يسمعها ".. صمود : اااي يااا أحمد.. اتصلت في الوقت المنااسب والله.. أحمد : مالك بتتكلمي بصوت عالي كدا؟!؟!.. "أحمد حس انو في حاجة غريبة حاصلة لممن بقى برجف!!".. أحمد : مالك يا صمود في حاجة حاصلة معاكم؟!؟!.. صمود : ااااي يا أحمد.. نحن كووويسين الحمد لله.. اووول ما نصل حتصل عليك.. أحمد : يا صمود.. اووووعى يكون السواق دا مضايقكم!!!!!.. صمود : ااااي يا أحمد.. لكن ما مشكلة كوويس انك اتصلت.." أحمد قلبو ارتعب وبقى ما عارف يعمل شنو 💔💔".. أحمد : يا صمود اتحصنوا.. واعملي حسابك وخلي بالك.. صمود : ان شاء الله يا أحمد أن شاء الله.. بس زي ما قلت ليك اوول ما نصل حأتصل عليك طواالي.. ما تخاف علينا نحن كويسيين والله في... "ياادوب السواق نزل عينو وأبدا ما رفعها تاني.. وأحمد بقى بتصل على صمود كلللل دقيقة لحدي ما وصلوا".... فرح : حسي نحن وين يا صمود؟.. صمود : نحن في الخرطوم يا فرح.. أمل : اها وحنمشي وين حسي؟؟!!.. صمود : ما معروف القدر حيودينا وين.. بس اي شي مكتوب حيكون خير بإذن الله💜.... حسب العنوان المفروض البيت يكون هنا.. كدي عاينو في بيت بابو لونو أخضر وجمبو زير.. فرح : يهداك يهداك.. الباب داك لونو اخضل ودمبو زيل.. صمود : شطوورة يا فروحة.. ااي ياهو والله.. أرح يا بنات.. "صمود جرت نفس طويل وقالت" صمود : بسم الله الرحمن الرحيم "دقت الجرس لمن جات بت صغيرة فتحت ليهم الباب" البت : أهلا.. صمود : دا بيت خالتو سعاد؟؟.. البت : اااي.. صمود : طيب نادي ل خالتو لو سمحتي.. البت : طيب.. "مشت نادت امها وجات".. صمود : السلام عليكم يا خالتي.. آسفين على الإزعاج.. نحن بنات المرحومة.... "صمود اتزكرت امها وما قدرت تمسك دموعها 😭"المرحومة سارة ياسر....سعاد : سارة ياسر 😲!!.." سكتت مساافة وكانت الصدمة لمن قالت!!".. سعاد : معليش بس شكلكم ملخبطين.. لأني ما بعرف وحدة بالإسم دا.. "وقفلت الباب في وشهم طوالي".."صمود انصدمت وقعدت تبكي بحررررقة 💔💔.. حست انو المرا لسسة واقفة جمب الباب وقالت".. صمود : عارفة انك ما بتستحقي الثقة الأدتها ليك أمي!!!!.. وما بتستحقي كلمة *صحبتي شديد* القالتها أمي عنك!!!!.. بس الزمن دواار.. مرة بقيف معاك.. ومرة بكون غداار.. وحسبي الله ونعم الوكيل علي ااي زول ناكر جميل أمي.." صمود وأخواتها فقدوا أملهم في المرا دي وفاتوا من جمب البيت.. فجأة المرا فتحت الباب وبقت بتكورك ليهم" سعاد : كدي تعالوا.. يتبع
أنت تقرأ
جناح مكسور 😔💔
Fiction généraleالحياة دائماً قد تعاكس طريقك فالرياح لا تسري كما تشتهي السفن!! لكن أحياناً تستطيع السفينة مقاومة الرياح والسير إلى وجهتها لكن بالطبع ليس بدون طاقمها! كما هو الحال في حياة هذه الشقيقات الأربع فحياتهن كالسفينة في عرض البحر ،فمن خلال مساعدة بعضهم البعض...
