Unicode
လျှို့ဟိုက်ခွမ်းတစ်ယောက် သူ့နတ်နန်းဆောင်တွင်ထိုင်မရထမရဖြစ်နေသည်။အကြောင်းမှာ တောင်ပိုင်းအရှင် ရှောင်ကျန့်ကြောင့်ပင်။ခေါ်ခိုင်းထားသည်မှာကြာလှပြီ ခုထိမရောက်လာသေးသောကြောင့် စိတ်မအေးဖြစ်နေရသည်။
"အရှင် တောင်ပိုင်းအရှင် ရောက်လာပါပြီ"
"ဝင်လာခိုင်းလိုက်"
နန်းဆောင်တံခါးပွင့်သွားပြီးနောက် အနီရောင်ဝတ်စုံဝတ်ထားသော ကောင်လေးတစ်ယောက်ပေါ်လာသည်။ထိုကောင်လေးသည်ရှည်လျားနက်မှောင်နေသောဆံပင်ကိုတစ်ဝက်ချတစ်ဝက်စည်းထားပြီး သူ့လက်တွင်လည်း လက်စွဲတော် အားလီ အားကိုင်လာသည်။အားလီဆိုသည်မှာ တောင်ပိုင်းအရှင်၏နာမည်ကျော်လက်နက်ဖြစ်သည်။သူသည်တုတ်ချောင်းအသွင်ရှိပြီး လက်သုံးလုံးခန့်လုံးပတ်ရှိသည်။ထိုတုတ်မှာကြိုးအဖြစ်လည်းသုံး၍ရသောကြောင့် တောင်ပိုင်းအရှင်အလွန်နှစ်သက်သောလက်နက်လည်းဖြစ်သည်။
"ရှောင်ကျန့် အခုဘာကိစ္စနဲ့ခေါ်လိုက်လည်းသိလား"
"ဘာကိစ္စပါလဲ ဟိုဘိုးတော်တွေတိုင် ထားတဲ့အကြောင်းဆိုရင်တော့မပြောနဲ့တော့ တောင်းပန်ဖို့စိတ်ကူးမရှိဘူး"
"အဲ့တာတော့မဟုတ်ဘူး ခုပြောမှာကမင်းလူ့ပြည်ဆင်းတဲ့ကိစ္စ မင်းလူ့ပြည်ဆင်းတာအကြောင်းမဟုတ်ဘူးကောင်းကင်ဘုံအစည်းအဝေးလုပ်တာအချိန်တိုင်းလိိုလိုမင်းကမရှိတော့ တခြားနတ်ဘုရားတွေအမြင်မှာ မင်းကတာဝန်မသိတဲ့စည်းကမ်းမလိုက်နာတဲ့နတ်ဘုရားတစ်ယောက်ဖြစ်နေတယ် တစ်ခါတစ်လေမှာမလုပ်ချင်တာကိုလည်းတာဝန်အရလုပ်ရတာမျိုးရှိတယ် ရှောင်ကျန့် ငါမင်းကိုဒီ့ထက်ပိုပြီးတခြားနတ်ဘုရားတွေအကြားထဲမှာ ပြောစရာမဖြစ်စေချင်တော့ဘူး"
"အဟက် ကျွန်တော်ကောင်းတာလုပ်လဲ ဘယ်လိုပြုမူကြလည်းဆိုတာ ဧကရာဇ်မသိဘူးမပြောနဲ့ သူတို့ကျွန်တော့်ကိုဆိုးတယ်ထင်တယ်မလား အဲ့တော့ဆက်ထင်ပါလေ့စေ မှန်တာကောင်းတာလုပ်နေပေမဲ့ဆိုးတယ်ပြောခံရ တာထက်ဆိုးတာလုပ်နေလို့ဆိုးတယ်အထင်ခံရတာကကောင်းသေးတယ်"
KAMU SEDANG MEMBACA
ကံကြမ္မာစေရာ(ကံၾကမၼာေစရာ)
Romansaလေလွင့်နတ်ဘုရား နှင့် အမွှေနတ်ဘုရားလေး တို့၏အချစ် ချွင်းချက်တစ်ခုကတော့စာရေးသူသည်တရုတ်စာမတတ်ပါဘူး။ဒီအတွက်တစ်ချို့နေရာတွေမှာလိုအပ်ချက်ရှိကောင်းရှိနိုင်ပါတယ်။ကိုယ်ပိုင်စိတ်ကူးနှင့်ရေးဖွဲ့ထားခြင်းဖြစ်ပါသည်။ ေလလြင့္နတ္ဘုရား ႏွင့္ အေမႊနတ္ဘုရားေလး တို႔၏အ...
