احببته طبيبا

دكاترة

ازيكوا 💜 يلا نبدأ البارت الجديد
حازم: لو خلصت سبنى اروح اشوف شغلى بعد اذنك
حسام: اتفضل لما نشوف حضرة المدير المحترم هيقول ايه
حسام: حسين يا حسين
حسين : ايوة يا دكتور
حسام : انت هتدى معلومات لحازم وعامر عن المريض والممرضة أميرة هتدى تقرير مفصل عن الحالة لحنين ومنار يلا بسرعة
حسين: اميرة....يا أميرة
أميرة : ايه يا حسين فى ايه
حسين: نايمة.....نايمة فى المستشفى يا أميرة
أميرة : ايوة نايمة فى المستشفى طبعا ما انت نايم طول الليل وسايبلى ابنك
حسين: حقك عليا يا أميرة النهاردة انا اللى هسهر بيه جدولى النهاردة يلا بقا دكتور حسام طالب مننا نساعد الدكاترة الجداد يلا انتى مع دكتورة حنين ومنار هتلاقيهم قدام غرفة المساعدين وانا هروح اشوف فين دكتور حازم

حسين واميرة راحوا يشوفوا الدكاترة أميرة لقتهم قدام غرفة المساعدين ولكن حسين دور ملقاش غير عامر ومش لاقيين حازم
حسين: خلاص بدل احنا مش لاقين دكتور حازم انا هديك معلومات وانت تبقى تقوله
عامر: تمام اتفضل
عند حنين ومنار
أميرة : حضراتكوا الدكاترة الجداد
حنين: ايوة انا حنين
= وانا منار
أميرة: اهلا بيكوا وانا الممرضة اميرة...دكتورة حنين المطلوب منى انى اديكى معلومات عن المريضة عائشة
حنين: تمام بس احنا هنبقى زمايل يعنى كفاية اوى تقولى حنين ومنار مش لازم دكتورة
أميرة : ماشى هقولكوا بأساميكوا حاضر بس انا رغاية ولو فتحنا كلام دلوقتى دكتور حسام هايخلينى نبطشية النهاردة
حنين: يلا نروح اوضة المريضة
عند عائشة
حنين: ازيك النهاردة
عائشة : اهلا يا بنتى بس شكلك جديد هنا انا اول مرة اشوفك
حنين: فعلا انا جديدة هنا وانتى اول مريضة عندى
منار: ويعتبر كمان انتى اول واحلى مريضة عندى
دخل عامر بروحه المرحة وقال مازحا ينفع والنبى تبقى اول مريضة عندى لأنى لحد دلوقتى مش لاقى مريضى
عائشة قالت ضاحكة والله ضحكتونى ربنا يوفقكوا
حنين: طب يلا يا عائشة.....حسب تقريرك انتى بتشتكى من الامساك والتقيؤ والغثيان من 4 ايام صح
عائشة : ايوة
حنين: هعمل ضغط قصير مفيش داعى للقلق
وقامت بالضغط على بطنها بخفة
تألمت عائشة وصرخت
حنين: لديها دفاع.....أميرة انتوا عملتوا التصوير المقطعى
أميرة: اه اتفضلى
حنين: الكلية مرتخية هو انتوا شايفين نزيف حول الكتلة
منار: لا مفيش نزيف هو ممكن يكون عصبى
سرحت حنين قليلا فى الأشعة وقالت فجأة لديها ورم خبيث
عائشة : ورم خبيث! يعنى انا هموت
منار تحاول تهدئتها ده احتمال فقط احنا هنراجع الأشعة تانى احنا دلوقتى هنديكى مورڤين ونقلل الألم دلوقتى احنا هنخرج ونسيبك شوية
بعد ما خرجوا
منار: حنين
حنين: العملية خطيرة جدا احنا هناخد كتلة من الأنسجة الواسعة والمحيطة وانتى يا أميرة جهزى غرفة العمليات وقولى لدكتور حسام ومنار بعد اذنك طمنى عائشة وخليها تهدى 
عند عائشة
منار: متخافيش ده حتى العملية سهلة خالص احنا بس هنفتح شق فى القسم السفلى لبطنك
عائشة: بس انا مش عايزة اموت دلوقتى ممكن تعملوا العملية واموت عادى بس بعد اسبوعين
منار: بس مينفعش كل ما العملية اتعملت اسرع كل ما فرص النجاة بتزيد
عائشة: بس ما ينفعش بنتى هتتجوز بعد اسبوعين انا عيلتها الوحيدة مش عايزاها تبقى يتيمة يوم الفرح
مسكت منار ايديها ستنجين وستلحقين فرح بنتك وستكونين جميلة جدا انا اعدك بذلك هما دلوقتى هيجهزوكى العملية كمان شوية متقلقيش
كان عامر واقفا وهى تأكد لها انها ستعيش وبعد خروجهم من الغرفة
منار: انا عارفة انا بعمل ايه ما تتدخلش فيا
عامر: انتى كذبتى حنين قالت ان العملية خطيرة جدا واحتمال ما تقومش وانتى بتوعيدها وبتأكدى ليها
منار: انا مكدبتش انا اديتها امل ، كل واحد فينا بيبقى محتاج حد يطمنوا وبعدين احنا مش مهمتنا اننا نعالجهم وبس لا احنا كمان مهمتنا اننا نطمنهم ونحسسهم انهم وسط عيلتهم مش مجرد مستشفى ودكاترة وعلاج وخلاص
عامر: انا هتجنن بسببك ماشى هى الحمدلله قامت بالسلامة طب ممكن يكون فيه مضاعفات مينفعش انك تدى امل للناس على هواكى أساسا انتى تحت التدريب
منار: ايه اللى بيحصلك هو انت عامر بتاع امبارح
عامر : احنا هنا شغلتنا دكاترة مش زارعين للامل انا بس مش عايزك تمشى
منار: طيب أهدى هو انا يعنى يا عامر عايزة امشى بص انا احساسي بيقولى انها هتعيش وانا احساسي مش بيكدب ابدا
فى اثناء ذلك كان حازم يتجول فى المستشفى ويكتشف أماكنها وأثناء مروره على احدى الغرف لفت نظره ولد صغير يتقيأ ولاحظ انه نام وارخى يده كأنه اغمى عليه فذهب وسأل الممرضة ما تشخيص هذا الولد
ممرضة 1: كان هناك كيس فى القناة الصفراوية استأصلوه
جرى حازم باتجاه الغرفة ووضع السماعات على بطنه ويده الاخرى على جبينه وقال لازم يدخل العمليات فورا
وأثناء خروجه من هو والولد على الترولى
حسام : فى ايه وانت يا حازم فين طول النهار
حازم: حسن لازم يروح أوضة العمليات فورا
الام: انا بترجاكم تنقذوا ابنى
حسام: متقلقيش الاعراض دى كا ردة فعل بعد العملية هو يأخد ادويته بس وهيبقى كويس تعال معايا يا دكتور حازم
حازم: حياته فى خطر ده بيتقيأ ومدخلش الحمام
حسام: الامعاء ممكن تدى ردة فعل بعد العملية دى بالأضافة ان طبيبه يعتنى به
حازم: لا يفعل لو كان يفعل لكان لم يحدث معه ذلك الأطفال يتاعفون بسرعة
حسام بعصبية : حسين نادى دكتور الحالة دى وخليه يفحصه مرة أخرى
حسين : حالا
حسام: مش انا وضحتلك وقولتلك متدخلش فى مريض حد دى مش غابة اتفضل على اوضة المساعدين
بعد ما حسام مشى عشان العملية بتاعت عائشة
حازم : لا طول ما فى حياة ناس فى خطر انا مش همشي انا هروح اعمل اللى بيقول عليه قلبي
عند استاذ عادل وتحديدا فى غرفة الاجتماعات وإدارة المستشفى مجتمعة
استاذ عادل: زى ما انتوا شايفين كده الصور دى بتاعت الاسعافات الاولية اللى الدكتور الجديد عملها، اللى يقدر يخلى الولد يعيش تانى ويتدارك الموقف ويخش معانا اوضة العمليات ويساعدنى انا شخصيا واول ما اقوله تقبل تشتغل معانا يرفض ويقولى بس بشرط غيره كان ممكن يقبل وبسرعة كمان عشان دى فرصة متتعوضش بس هو واثق فى قدراته وفاهم وعارف هو بيعمل ايه كويس فأظن شخص بالقدرات دى انا احق بيه كفاية ان الثقة اللى فيه دى هتساعده جدا فى الازمات اللى بتمر بيها المستشفى
دكتور عمر: بس ده مش حاجة كافية ممكن اى دكتور يعمل الحاجات دى
استاذ عادل بنبرة سخرية : فعلا واضح جدا انك لو مكانه ووسط زحمة وناس بتعيط وقدامك ادوات بسيطة جدا واضاءة ضعيفة وتوتر كنت هتعملها وهتنجح انا عارف طبعا انك كمان اول ما كنت تعمل الاسعافات مكنتش هتسيبه وتقول خلاص هما هيهتموا بيه لا كنت هتيجى معاه المستشفى وتدخل اوضة العمليات بالذكاء وقدرة الاقناع انه قدر يقنع حسام طبعا انا عارف انك كنت هتعمل كده انت هتقولى
دكتور عمر: يعنى انت من الاخر ناوى على ايه
استاذ عادل : باعتبارى رئيس الاطباء انا ناوى بعد موافقة مدير المستشفى عاصم انهم يشتغلوا هنا
دكتور عمر: بس على فكره.........
قاطعهم عاصم مدير المستشفى عمر انت رئيس قسم الجراحة اللى حسام بيشتغل فيه دكتور واللى هو مسئؤل عن الدكاترة دول يعنى هما لو عملوا اى غلط مش هيجى فيك وانا واثق فى دكتور عادل وفى اختايراته هاتولى الورق عشان امضى عليه فى مكتبى بعد اذنكم
خرج دكتور عمر وهو يتوعد لأستاذ عادل
عند حنين: أميرة هاتيلى التحاليل
أميرة: اتفضلى
حنين: كويس اوى .....أميرة قولى لدكتور حسام يسبقنا على أوضة العمليات وانا هاجهز عائشة وجاية 
وفى اثناء ذاهب حنين الى عائشة خبطت فى شخص ووقعت التحاليل فنظرت وقالت
حنين بنبرة فيها خوف : عمر.........

يترى عمر هيعمل ايه وليه حنين خايفة منه وحازم هيسمع كلام حسام ولا هيعارضه ويترى حسام هيكره حازم ويخرجه من المستشفى ولا هيعمل العكس هنشوف البارت اللى جاى
انجوى 💜🎶