احببته طبيبا

انا دكتور

ازيكوا😂🖤 انا متأخرتش خالص اهوو 😌😂 يلا نبدأ بقا انا حاسة انكم هتقتلونى⁦⁦👍🏻⁩😂

تفاجأ واضطرب حازم وقال عامر انت سمعت كل حاجة صح
عامر وقد اقترب منه اه يا ابن اللعيبة لا ذكى صحيح بس كل ده تخبيه عنى لا اخس عليك مرتبى بقا كام يا بيه ده انا بجرى على يتامى
استأذن حازم من مسعد وسحب عامر فى يده وقال له : عامر انا مبهزرش حنين لو عرفت الموضوع ده مش هتعرفنا تانى
عامر بخفة ومرح: المقابل
حازم: بيتزا حجم كبير
عامر: اعتبرنى اخرس واطرش واعمى
حازم : طب يلا عشان ميلاحظوش
عامر: لا وانا مش ماشى من هنا غير لما اعرف موضوع صاحب البيت ده كمان كبرت وبقيت تخبى حاجة عليا اخس عليك
فلاش باك
حازم: الو
= مين بيتصل فى الوقت المتأخر ده
حازم: انا حازم الشافعى ابن احمد الشافعى اللى مديك ترخيص العمارة
= خير تأمر بحاجة
حازم: ايوة دلوقتى البيت اللى اتحرق فى العمارة بتاعتك من اسبوع ده يلزمنى يعنى من الاخر متخدش من البنت صاحبة البيت فلوس
= لا ازاى انا عايز فلوس
حازم: انا لسة مخلصتش كلامى انا هدفعلك فلوسك كلها بس لما البنت دى تجيلك تقولها انك خلاص اتنازلت ومش عايز فلوس
= خلاص بدل الموضوع كده فمش مشكلة
حازم: انا هدفعلك الدفعة الأولى بكرة والدفعة التانية بعد يومين
باك
حازم : وده اللى حصل بس حنين بقا
عامر : وادى سبب كمان سبب اتحط فى قايمة ان حنين مش هاطقيك تانى مبروك كل يوم عن يوم بتبهرنى بطريقة شكل بجد انا فرحان بيك
مر اسبوع وفى يوم كانت منار وحنين يتحدثون بعد ما خلصوا شغل بدرى وذهبوا الى حديقة المطعم
منار: هو انتى فاكرة طول ما انتى قاعدة باصة للقمر كده مش هشوف عينك ولا اعرف مالها
حنين بخفة مش فاضية ارد عليكى انا دلوقتى فى لقاء مع القمر
منار: حنين انتى مستريحة مع عمر وخالتك
ترددت حنين وقالت ايوة مستريحة فى ايه يعنى
منار: والله طب اول لقاء اول ما سمعتى اسم عمر خفتى واترعبتى ليه وليه الاسبوع اللى رحتى فيه عندهم ما اتصلتيش بينا فأكيد خايفة نسمع نبرة صوتك ونعرف انك تعبانة ولا الاسبوع اللى فات ده كله كان باين عليكى كل يوم انك مخنوقة فى ايه بقا احكيلى
اتعدلت حنين لتصبح فى وجه منار: فيه يا ستى ان خالتى دى مرات أبويا طبعا زى ما انتى عارفة كده أبويا اتجوز كتير ودى واحدة منهم ودى واحدة برده من اللى اتسببوا فى انتحار امى ودى واحدة من اللى عايزين يطلعوا عقدتهم عليا ودى واحدة عايزة تجوزنى ابنها بالعافية
منار: نعم عايزة ايه لا انا لازم اروح اقول لحازم وعامر هما هيعرفوا يحلوا المشكلة 
حنين: اه وبعدين هيرحوا يضربوا عمر ويخدونى وبعدين هيحصل ايه انا دلوقتى بشتغل وهجيب شقة كمان ويمكن ربنا جايبنى عند خالتى تانى عشان اخد حق امى اهم حاجة متقوليش لحازم وسيبى الايام توضحلنا ربنا مخبيلنا ايه
وفى اليوم التالى 
مسعد: حنين تعالى من فضلك
حنين: تحت امر حضرتك
مسعد: عارف انى هتقل عليكى بس انا قلبي مش مستريح النهاردة العيال عمالة تجرى وتلعب وانا بصراحة خايف عليهم
حنين: من عيونى حاضر هاخلى بالى منهم بس احنا كل يوم عندنا اطفال بتلعب ايه الجديد
مسعد: ما هو ده اللى مستغربه بس خلاص انتى هتخلى بالك منهم اهو
حنين: تحت امرك متقلقش خالص
حنين كانت بتسلم الاوردر وبرده بتعمل اللى مسعد طلبه منها فطلبت من منار انها تخلى عنيها على الاولاد وهتيجى تانى
وفجأة خرجت حنين على صوت صريخ وبكاء وتحطيم وسط بكاء منار ودهشة واضطراب حازم وعامر
كان طفل صغير غرقان فى دمه ونجفة المطعم الازاز واقعة عليه ومتكسرة مية حتة
انهارت حنين ولم تستطع تمالك نفسها فسقطت ولكن التقطتها يد قوية لتجدها يده
حازم: لا امسكى نفسك كده انت ملكيش دعوة باللى حصل هما محتاجينا دلوقتى اكتر من اى وقت
مسعد: فى هنا دكتور
الدكتور: ايوة انا هعمل اللازم
قام الدكتور بعمل الاسعافات الاوليه ولكن قاطعه صوت
حازم: انت كده بتضغط على القصبة الهوائية كده هتخنقه لازم تضغط فوق شوية
الدكتور: هو انت دكتور
تردد حازم قليلا ثم قال نعم انا دكتور......

يترى حازم هيقدر ينقذ الطفل ويترى حنين هتعرف حاجة جديدة عن حازم وازاى حياتهم كلهم هتتغير بسبب الطفل ده هنشوف البارت اللى جاى 💛