احببته طبيبا

زى اختى

وقفنا البارت اللى فات اول ما حنين حكت طفولتها وحازم وغيرته من عمر  ومحاولة استفزاز حنين لحازم لمعرفة مشاعره تجاهها فهل سيعترف حازم هنشوف فى البارت ده قراءة ممتعة⁦❤️⁩⁦❤️⁩
             ***************
حنين بصوت فيه امل تحاول استفزازه وانت مالك
اقترب منها قليلا والغضب والحب واضحين فى عينه وقال يعنى ايه انا مالى مش لسة متفقين انك اختى بصى احنا منعرفش نعد من غير ما نتخانق انا هطلع بره وانتى نامى شوية واستريحى
وخرج حازم تاركا حنين فى دوامة أفكارها المتصارعة وقلبها الذى يتمزق على تعلقه بشخص لا يراه فهو لا يدرى كم سبب لها الم شديد لن تنساه
اتصل حازم بعامر ومنار واخبرهم ان يأتوا لحنين كى لا تبقى بمفردها وعندما وصل عامر ومنار غادر حازم وبمجرد ان دخل بيته تحولت هالة البرود التى كانت تحيط به الى وحش غاضب يكسر كل ما يجده امامه ودار حوار عنيف بين عقله وقلبه
قلبه: انت غبى لازم تبوظ كل ما تقرب تبوظ اكتر بدل ما تقولها انى بحبك ومقدرش اعيش من غيرك وبغير عليكى من الدكتور الملزق ده تقولها انتى اختى ونا بخاف عليكى زى اختى حيوان والله حيوان
عقله : ده اللى كان المفروض يحصل ع فكرة انا لسة مش عارف مشاعرها نحيتى
قلبه: والله منا معبرك انا زقهت منك

عند حنين
عامر: الف سلامة عليك يسطا قوم كده بقا ده الشلة ملهاش حس من غيرك
حنين: مش عارفة والله انا بكلم دكتور ولا بكلم ميكانيكى
منار: عامر بعد اذنك سبنى شوية مع حنين
عامر: شكرا يا زوجتى المستقبلية بتطردينى برا بيتى طب والله لقول لماما طب نيمنى ع الكنبة طيب
منار: بيتك مين يا بابا فوق ده مش بيتك الشقة من حق الزوجة يدكتور يا محترم
حنين: خلااااااص جبتولى صداع بص يا عامر للمرة 100 منار مش مراتك فوق بقااا وانتى يا منار متعشيش الدور يعمرى فوقوا بقا
منار: عجبك كده عصبت البت اطلع برا بقا
عامر : ماشى خلوا بالكوا من نفسكوا وانا هاروح عند حازم لانه مشى بسرعة وقلقت عليه
منار: احكى بقا فيكى ايه انا عارفاكى كويس اللى فيكى ده مش عشان البيت حازم عمل ايه بقا
حنين: احبك وانتى فاهمانى الحكاية وما فيها انى اتأكدت انى مجرد اخت بالنسبة لحازم وانا بالنسبالى الموضوع انتهى اصلا انا زعلانة من نفسي انى اديت لنفسى حق انى احب واغضب ربنا مقدرتش احمى قلبي ولا اصون مشاعرى  طبعا كان لازم يحصل كده عشان افوق عشان الحاجة اللى بتغضب ربنا عمرها ما تدوم ولا تستمر وانا من النهاردة قفلت الصفحة دى نهائيا وهستعين بربنا يصفى قلبي ويشيل حبه من قلبي وانا من دلوقتى شايفة حازم اخويا وبس وياريت محدش يفتح الموضوع ده تانى
منار: بس يا حنين.......
حنين: بعد اذنك يا منار انتى لو اكلمتى ف الموضوع ده تانى فكده انتى بتأذينى
منار: براحتك بس خليكى فاكرة انك كده بتأذى اللى بتأذى قلبك ونفسك
حنين: الاذية الحقيقة انى اغضب ربنا الاذية الحقيقة انى احبه وهو ما بيحبنيش هى دى الاذية الحقيقة يا منار

عامر اول ما دخل على حازم : احكيلى من الالف للياء
حازم: عرفت منين ان فى حاجة حصلت
عامر: وانت ما بتختفى كده غير لما تكون عامل مصيبة ومكسوف منها هااا هاتحكى
حازم: قولتلها انتى زى اختى
عامر : بسيطة تتحل!! لا ثانية افهم.....نعم عملت ايه يخويا عملت ايه سمعنى كده اكيد بتهزر طب قولى تانى كده يمكن سمعت غلط
اقترب حازم من اذن عامر وصرخ بها قوتلهاااااااا انتييي زى اختى
عامر ودفعه بعيدا : الله يخربيتك، دكتور بس متخلف ، ايه اللى انت هببته ده، انت عارف ان حنين لو كانت عندها ذرة حب ليك دلوقتى انت دمرتها ، تعالى تف فى وشى لو عبرتك ده انت لو مقرر تبعدها عنك مش هتعمل كده ااااااه هتطق من الغيظ والله اااه يماااا
حازم: طب اعمل ايه دلوقتى
عامر: العمل عمل ربنا انا دلوقتى جربت الشعور اللى امى بتحس بيه اول ما اعمل مصيبة ربنا ينتقم منك يشيخ وقال بصوت ساخر قال ايه زى اختى كك خوت فى دماغك بدل ما تكحلها عميتها
حازم: طب انا هتصرف حالا، الوو عبدالله انا جايلك ولو مش فاضى هاجى برده عادى، تمام
عامر: فوضت امري ليك يارب، عبدالله، عبدالله يا حازم، اه عبدالله صاحبنا من واحنا صغيرين بس انا وانت عارفين انه محتاج نصايح اصلا
حازم: لا عبدالله دماغه توزن بلد ومعدنه نضيف وبعدين هيفدنى ازاى اصلح اللى هببته ده انا ماشى بقا
عبدالله: اهلا اهلا اكيد عملت حاجة زعلت حببتك
حازم: عرفت منين
عبدالله: من وشك باين عليه احكيلى من الاول بقا عملت ايه وعايز اعرف اسم ومواصفات البنت اللى خطفت قلب حازم الشافعى مرة واحدة
ح