الحب المستحيل《مثلية》*مكتملة*

( 19)

كُن سيئاً ، لكن على الأقل لا تكُن كاذباً مُخادعاً .

―تولستوي.

°°°¤¤¤¤¤°°°

.
.
.

.....

-عزيز هيك حكالك !!

-اي زينب هيك حكا..عزيز ما بدو يكسر اوامر ابوكي وقصتي معه خلصت

-شو خلصت ما خلصت سمر ، مش معقول هيك بسهولة تستسلمي وتقولي خلصت

-انا ما ستسلمت زينب ، انا نكسرت هذا اسوء بكتير صدقيني

-الحب ما بيكسر

-لا بيكسر...وبيذل وبيحطمك وبيقدر ينهيكي..انا ضحيت بكل شيء من شان عزيز ، كرامتي شرفي ما هتميت لحديث الناس واقوالهم عشت معه زوج وزوجتو منغير عقود ، فكرت انو معلش يعني عادي هوا بيحبني وبحبو ونحنا مبسوطين مع بعض بس لا السعادة ما بدوم هيك لازمها شروط إلتزامات ، عزيز ما خسر شي انا لي خسرت ، الحب زينب طرفين صح ؟ يعني في رابح وفي خاسر ! مستحيل يربح تنين او يخسر تنين ...

-سمر انا حاسة فيكي وحكيتلك من اول انا مش جاية احكم ع علاقتك فيه بس جاية حاول ساعدكم تكونو مع بعض .

-ما ضل شي يجمعني انا وعزيز ، تعرفي شعور لما تنخذلي شعور الخذلان صعب صعب كتير زينب فوق ما تتصوري ، (تدمع عيونها) دخيلك بلاش وجع القلب شو رايك نعمل قهوة ونشربها في البلكونة

-من إيديكي ما برفضها(مسكت ايدها مع ابتسامة صغيرة كيف بقدر صلح قلبك المكسور ، اه يا عزيز منك رضيت أمي وابي بس كسرت قلب بنت ما تستاهل)

-ثواني وتجهز حياتي..

-تسلمي بس راح غلبك شوي عندك نت بالبيت لازم اعمل مكالمة ضرورية وخلص النت من تاليفوني ،

-اكيد عمري هلأ بعطيكي الرقم........

-شكرا كتير..

-خذي راحتك بجهز قهوة وارجعلك..

لازم احكي مع ليلي انا اصلا شو بفرق ع عزيز لسا انا يمكن اسوء منو الجو بالشرفة بيجنن وكمان النسمة باردة بالليل وشجرة الصفصاف الي ع جنب الطريق ريحتها حلوة عكس شقتي الي بكندا ما تفتح غير ع الشوارع والضجيج، اكيد راح بيعها واشتري بيت بأطراف المدينة ، راح اتعذب شوي بتنقل بس معلش ...فتحت الواتس وفورا دخلت ع محادثتي مع الملاك الجميل مريمتي ، اديش متحمسة لحياتنا الجاية . طلعت من المحادثة وفتحت ع ليلي مغيرة صورة الواتس صورتها الأولى احلى بكتير خبرتها اني بحبها مش لازم تغيرها بس غيرتها وحطت صورتي وصورتها وقت عيد ميلادها بتذكر انو لولا مارك ما تذكرتو وقتها فرحت كتير رغم انو ما جبت هدية بس كعكة العيد ، وهيا كمان ملاك ...ملاك لطيف ، نشالله تسامحني يوم..اكتر من عشر رسائل ومكالمات . راح رن عليها فورا ...