#عوالم_مختلفه 🌸
#الحلقه 8
خايفه من عيسى لان مستحيل يرضى بعلاقتهم و خايفه اذا عرف حيمنعها من المدرسه او ينقلها لمدرسه اخرى تنهدت و التفت عليه
آيلا.. اتكت براسها ع صدره و بضيق ، عيسى مستحيل يوافق
بدر.. مسك يدها ، بس عيسى عارف اني مش في سكّت سيف ابدا و عارف اني ماليش ف المواضيع هذينا
آيلا.. بس ف نهايه هوا خوك ، خليها شويا اخرى ارجوك حتى في مشاكل الفتره هذي
بدر.. سكت
آيلا.. حطت يدها ع خده ، شويه وقت بس حبيبي نحن تحملنا سنين
بدر.. تنهد و باس كف يدها يلي ع خده ، باهي شن سبب المشكله
آيلا.. نفخت ، هيا يلي جت تنابش تقول هذا مكاني و انت عارف اني انا مانسكتش
بدر.. حتى ولو فوتيها تعبت الابله وهيا كل يوم مرقيتك ليا بسبب مشكله حتى ان دفترك اسود عندهم
آيلا.. عادي تو تبيضه انت
بدر.. ضرب بشويه ع راسها ، هذا كيف نفهمه
آيلا.. حطت يدها ع راسها ، اخخ تستاهل و لو تجي جهتي اخرى حنضربها اخرى
بدر.. باهي البنت جديده مش عارفه ان مكانك.. قاطعت عليه آيلا بعصبيه
آيلا.. مش كانك علقت عليها وكانها هيا حبيبتك مش انا
شافلها بدر و ضحك على غيرتها ، اما ايلا شافتله بحب ف كلما دير هيا مشكله مايهزبهش يحاول يحكي معاها بهدوء و يفهمها
بدر.. ابتسم بحب ، حيجي يوم و نحطك عندي و نسكر عليك عشان محد حيشوفك غيري
آيلا.. ابتسمت وبهدوء ، و انا نراجي ف اليوم هذا بفارغ الصبر
بدر.. باس راسها ، خلاص عدي للدرس
آيلا.. صبت وقربت وباست خده و ابتسمت ، باااي
بدر.. ابتسم ، باي
_______________________________
قعد يشوفله و هوا يراجي في جواب ع سؤاله و يشوف ل تعابير وجه يلي باين فيهن التوتر ، عدل قمعيزته و شافله و برود
عيسى.. بنراجيك اليوم كلا
شافله مراد و هوا متوتر اذا حيقول او لا ، لان اذا قال عارف ان عيسى مش حيسكت و حيمشي لسيف و هوا خايف ان تصير ع عيسى حاجه ، شاف لعيسى يلي يراجي في جوابه و زمط ريقه
مراد.. مشيت دهورت شويا
شافله عيسى و رفع حاجبه و بهزوه
عيسى.. باهي كويس وكمل كلامه ، تقدر تطلع
مراد.. بتوتر ، حلو الأسلام
عقد عيسى حواجبه من سؤاله المفاجأ و مافهمش قصده الا لما كمل مراد كلامه
مراد.. الي تختاره انت انا بنختاره ، اانا ننبي ننسللم
انصدم من كلامه بس بسرعه ما ابتسم لان حتى ولو كان مسلم ماجبرش هله ان يخشو دينه لكن مراد جاه بروحه و يطلب منه ان يخش الاسلام ، ابتسم بحب وهوا ويشوف العيل يلي لقاه ع بابهم و رباه من هوا و صغير كبر و قعد يبي يدير كل يلي يدرها هوا ، حتى ولو جاب عيل حقيقي من دمه مستحيل ح ياخذ مكان مراد عنده
عيسى.. بهدوء ، عارف اني ماعمريش جبرتك ع اي شي و لا عمري حنجبرك نبيك كل قراراتك تكون واخذهن برضااك لو انت حابب و من كل قلبك بتسلم حنكون اسعد واحد ف دنيا لكن لو خايف او شي اخرى ف مش حنجربك لان الاسلام مش بالقوه
مراد.. اانا نحب من زمان كلام لوتي و قصصها ع الاسلام من لما كنا صغار و نحب كيف تقرا ف القرآن بس ماكنتش نعرف نقول لحد لكن توا لما علمت انت اسلمت بنخش حتى انا الاسلام لانك اكيد مش حتعارضني
عيسى.. ابتسم ، وتي روحك حنطلعو
مراد.. هز راسه و صبى وهوا في داخله فرحه كبيره
____________________________
