The Tales of my Bleeding Pen

BALIKO

(A Bisaya One Shot)

6 years na mi nga uyab ni Caleb. Dugay na kaayo mga bes pero hantud karon wa gyapon siya niluhod sakong atubangan ug iingon ang mga hisgutang: "Will you marry me Zel?" Ambot tawon sa balingag murag nabaliko intawon iyang pangutok.

Naa nako diri sa isawan kay naay koy iingun unta sakong Caleb. Naa koy plano ba. Pero sekret sa. Hantod nagpakita na sa iyang pagkagwapito, nilakaw murag model samtang gi aw aw bitawg iro, perte hinuong dagan paabot nako. Pasalamat siya gi labayan nako ug bato ang iro. Niluhod dayon siya nako mga bes. Grabe dis iz it murag magpakasal na mi. Pero mas gusto pod nako no na naka ready ug dili isawan ang view.

"Zelenia." Tubag niya.

"Unsa man yot?"

"Naa unta ko'y iingon ba, importante kaayo Zel."

"Ha?" Natingala ko ug nakulbaan saiyang giingon.

"Zelenia Hades Hellford, makipag-" Niputol siya.

"Unsa man Caleb? Pakaslan nako nimo?" Pangutana nako. Ni shagit shagit ko sa dalan. Excited kaayo ko mga bes, sakong isip gi Plano na nako akong gown, asa mi ikasal, asa mi mag honeymoon ug syempre pila among anak. Samtang gigunitan niya akong kamot ug gibira ko niya. Duol na kaayo among nawong.

"Zelenia, sorry kaayu. Pero makipagbuwag nako nimo." Ingon niya sako hinay hinay.

Nahugno gyud akong kalibutan sa akong nadungog. 6 years mi uyab tapos pasakitan ra ko niya? Wala ko kaistorya. Na shock gyud ko sakong nadungog. Gi tuklod nako siya ug nidagan palayo kaniya.

"Zel!" Gitawag pako sa abno.

"Sir, wala pa diay to nagbayad tong babae." Ingon sa tindera. "Lima ka isaw ug tulo ka kwek-kwek ra sir."

Naa nako diri sa rooftop sa among boarding house. Di na nako makaya iyang gibuhat sa sa ako. Love gyud kaayo nako siya. Ni shagit ko tapos gi aw aw ko sa iro. Partida gyud. Naga emote ko diri! Nagtikang nako para magpakamatay nang biglang dumating ang knight in shining pasakit. Si Caleb. Nisinggit siya nako ug wala nako kadungog sa iyang gi-ingon.

"Wala nakoy pake nimo Caleb! Wala pod koy labot sa mga silingan na sigeg tsismis nako. Buot mo mag suicide ko?" Singgit nako sa mga tawo.

"Please, Zelenia ayaw ni buhata sa ako." Ni ingon ang amaw.

"Please please paka na tan awa unsa imong gibuhat nimo sako? Ha? Tubag!" Nahimuot gyud ko ug nagpahagbong gyud. Nahulog ko mga bes. Sakit man diay kaayo labi nag ang nisalo sako simento. Gi duol dayon ko ni Caleb.

"Zelenia! Buhi pa ka?" Nihilak si Caleb "Pasaylui ko."

I came to my senses. Nilihok ko ug gigunitan nako siya. Himala buhi ko pero sakit ra akong lawas. Pagka balo niya, nikalit ra man ug ingon:

"Pasaylui ko Zel, izza prank ra man gud to. Di man nako ka byaan. Nagpalit naman gani ko ug wedding ring para nimo." Ingun niya.

"Baliko man dayg ka utok!" Syagit nako ug apil pod didtu akong pagshagit sa kasakit.

"Hala Zel! Okay lang ka?" Nangutana pa siya.

"Baliko!" Shagit nako! "Na- bali ko, akong bukog na bali tungud nimong amawa ka." Nihilak ko. "Izza prank ra diay ha, kani oh di na ni siya prank. BUWAG NA TA!"

END.