لمسة فرنسية

نظر إليها بغضبٍ ولكنه أردف بهدوءٍ قائلًا:

"إيه دا يا آنسة!؟"

نظرتْ إليه بتعجبٍ وقالت:

"البحث إللي حضرتك طلبته مننا انبارح في المحاضرة يا دكتور."

نظر إليها وقال ببرودٍ قد وارى خلفه غضبه:

"طيب، وإيه دا؟"

أجابته بتعجبٍ وقالت بارتباكٍ:

"إيه دا؟، إيه اللي جاب الورقة دي هنا"

أجابها قائلًا:

"ما هو أنا اللي بسألك، ليه مدبسة الورقة اللي كان ملفوف فيها (فلافل) مع البحث يا آنسة؟"

شعرت حينها بأنها تتمنى لو أن الأرض قد انشقت وابتلعتها، وقالت بحرجٍ شديدٍ:

"والله، يا دكتور ما أعرفش"

نظر إليها وقال:

"هممم، ما تعرفيش، طيب بلاش ورقة (الفلافل)، إيه دا؟، قشر بطاطس يا آنسة! حاطة لي قشر بطاطس مع البحث يا آنسة!!!"