انقذني سجنك

البارت الثامن

#انقذني-سجنك

#Azhar-Hussein

طب عسكر للغرفه ب12 لكاني نايمه بالكاع كال

كومي نامي ع جربايه كتله لا ما متعوده انام عليها اتكسر

كال براحتج وهاج هذا اكل جبتلج لان ما اكلتي كتله ماريد كال لعد نزلي ضمي

اسيا:: اخذت العلاكه من ايده ونزلت حتى اضمه فتحتها اريد اشوف شبيها طلع جايب كباب ولفات كص وحلويات واني جوعانه عليمن اكابر وهسه محد يمي ويشوفني دخل اكل والله كريم عود

اكلت وكملت وضميت الباقي لان حرام ينذب وغسلت وصعدت للغرفه لكيته نايم رجعت لمكاني نمت بالكاع وهوه ع جربايه

كعدت الصبح مالكيته ضليت كاعده بمكاني استحي انزل وحدي شويه وطب للغرفه ماسلم

اني كتله صباح الخير مارد كلت بكلبي ولاترد شسويلك يعني نوب نافخ روحه شبي هذا

بسرعه عاط بيه اطلعي بره بسااااع خفت منه من عاط خليت وطلعت كلت كبر اي والله شبي هذا من الصبح انكلب عليه

نوب كل شويه اكول اطب وارجع ابطل اخاف لا يعيط بيه وضليت رايحه راده اخاف اطب للغرفه وهوه كاعد يباوعلي ويتمضحك

‏القوة ليست دائمًا فيما نقول ونفعل، أحيانًا فيما نصمُت عنه، فيما نتركه بإرادتنا وفيما نتجاهله.

عسكر:: ثاني يوم كعدت الصبح سبحت ونزلت سلمت ع والده وبست ايدها وراسها وشربت كلاص جاي وطلعت

المعازيم من هسه بشلت تجي وهم يلا اكمل شغلي اني هم

لكيت الطباخ يطبخ بالحديقه رحت سلمت عليه وشفته شيحتاج ما يحتاج ووكفت يمه شويه ورحت جبتله باقي الغراض مال الطبخ لان احنه عادتاً ما نسوي غدا مو عشا بالعرس

ضليت مشغول ويا الطباخ واساعده لحد ما صار الضهر وصار الغدا صبينه للعالم وتغدوا

رحت صعدت الغرفتي سبحت وبدلت ونزلت طبعا سيارتي اخذتها من صبو غدا اخذتها زينتها واجيت

صارت الساعه ب4 طلعنه حتى نجيبها وصلنه البيتهم وطبينه اني وابوها سلمها ابوها الي

اتوقعت راح يوصيني عليها لان هاي البنيه الوحيده اله والعزيزه اكيد بس استغربت من صار عكس هذا الشي تماماً سلمها الي وطلع ماحجه ولا كلمه ولا حتى كال دير بالك عليها

اني لزمت ايدها عدل وشديت عليها بقبضت ايدي حتى احسسها اني وياها معليها بابوها واخذتها وطلعنه ساعدتها تصعد بالسياره لان بدلتها جبيره حيل وماتكدر تصعد وحدها ودرت اني من الجهه الثانيه صعدت بالصدر وحركت وحركن باقي السيارات وراي فترينه شويه انتبهتلها تباوعلي بالمرايا بالبدايه غلست بس بعدين كتلها لاتباوعيلي هيج ترا استحي وضحكت هههه