#انقذني-سجنك
#Azhar-Hussein
شويه وسمعت ابويه صاحلي
بابا:: وينج حبيبتي
بنيتي اسوو
طلعت كتله ها بابا
بابا:: تعالي كعدي يمي حبيبتي
اسيا:: اي اجيت
كعدت يمه طلع علاكه من وراه وكلي هاج هاي الج
اسيا:: شنو هاي
شنو البيها بابا
بابا:: افتحيها وشوفي
اسيا:: فتحتها طلع بيها كارتونه وبيها موبايل من شفتها طرت من الفرح
ركضت ع ابويه وحضنته وبسته من راسه
لان بابا مخلاني ضايجه وجابلي الشي التمنيته
لزمني من ايدي وكلي
بابا:: اريد اوصيج بنيتي ماريد احد يعرف انتي عندج تلفون هاي اولا
ثانيا اريدج كون كد الثقه اني من جبتلج تلفون واثق بيج وادري بيج ماراح تنزلين راسي
اسيا:: بسته من راسه وكتله تدلل بابا انشالله راسك دومه مرفوع يا تاج راسي
واخذت التلفون ورحت الغرفتي
ومنا بلشت معاناتي
كرايبنه كلها كامت تحجي عليه لان عندي تلفون
اليكول مسويه جريمه مو لازمه تلفون بيدي
لدرجه كامو يطعنون بشرفي ويكولون انتي تصاحبين ولد لذلك لحيتي ع تلفون اله حصلتي يلا رتاحيتي
وجان بابا من يسمعهم هيج يحجون عليه ميقبل ويبقه يحجي عليهم ويصيح ويغلط ابد ميقبل احد يحجي عليه
وبيوم اجتنه عمتي اخت ابوي المغرب طلعت اريد اسلم عليها
بعدني هستوني وصلت الها اريد اسلم عليها
وهي تكهربت
لان شافت بيدي التلفون
بسرعه صاحت بوجهي ياااا بت حسن عندج تلفون
من شوكت بناتنه صارن يلزمن تلفونات
اسيا:: عمه هو تلفون شمسويه قابل
عمتي:: ياا ياا فلك فلك كون وتعرفين اسمه بعد
اسيا:: عمه ترا بابا هو الي جابه الي
عمتي:: اي حتى يخليج تكودين بي موو
اسيا:: عمه عيب شنو هذا الحجي واصلاً بابا لو ميثق بيه ميجيبلي
وهي ولا سمعت مني
وبذيج المغربيه ضلت تصيح بالبيت وتحجي عليه
وراحت صاحت لاخوتي وابويه وتحجي عليه كدامهم لان عندي تلفون
جان تكول البابا
عمتي:: صدك يحسن تجيب تلفون لاسيا
بابا:: اي خيتي جبتلها ليش شبيها
عمتي:: يااا صدك تحجي
وبعدين احنه من شوكت بناتنه يلزمن تلفونات وهنه بعدهن مامعرسات
بابا:: خيتي ترا بنتي اني واثق بيها ولو عندي شك بيها واحد بالميه ما اجيبلها تلفون
عمتي:: هاي الدايحه اذا ماسوتلكم مصيبه ونزلت روسكم من وره تلفونها اسمي مو عليه
وراحت عمتي بعد ماكلبت كل الي بالبيت عليه
بس الوحيد ابويه الي بقه مثل ماهوه وماتغير عليه ابد
ثاني يوم ابويه كال خلي اوديكم لبيت جدكم تتونسون شويه
ماما كيفت بس اني جنت ضايجه وكتلهم اني ماروح
اجه اخويه الجبير محمد كال
اي مو تردين تاخذين راحتج وتسولفين ويا الولد كلبه
اسيا:: وانته صدكت بكلام عمتي
محمد:: والله التلزم تلفون بيدها كلشي تسوي
اسيا:: ترا اني اختك عيب تحجي عليه هيج
محمد:: انجبي بلا وبلا كلام زايد ولي بدلي خل نولي
اني من سمعته هيج كال ضجت حيل وبجيت لان كلش حزت بخاطري اخوي ابن امي وابوي هيج يحجي عليه
ويصدك بكلام عمتي واني كباله من الصبح لليل
ويدري ماعندي شي
تالي رحت بدلت ورحت وياهم حتى اتكفى الشر بس هم ماخلصت
اول ما وصلنه وسلمت
رحت يم بنات خالي لان بكبري
سلمت عليهن جان يكولن
هلا بام التلفونات ماجبتي وياج خل نشوف صحبانج
اسيا:: شو انتن ماتستحن شايفات شي عليه حتى هيج تحجن
......اوي عيني تعلمنه المستحه ام التلفونات ام الولد
اني ضجت حيل من كلامهن وضاع الحجي مني وبعد ماعرفت شرد عليهن
رحت اريد ارجع اكعد يم امي لحد ميخلص هل يوم ونرجع للبيت
وصلت للباب اريد ادخل وسمعت جدو يكول لماما
جدو::......
يتبع......
اعتقادك أن العالم سيعاملك بلطف لأنك إنسان طيب ..
يشبه اعتقادك أن الأسد لن يأكلك لأنك شخص نباتي !💙
- أحمد خالد توفيق
لتنسون التصويت
⭐⭐⭐⭐
احبكم ❤️❤️❤️
