#انقذني-سجنك
#Azhar-Hussein
هلاوو
اني اسمي اسيا عمري 17 طولي 160 ووزني 55
مواصفاتي
بيضه شعري طويل واسود حلكي زغير وخشمي هم زغير وعيوني كبار وعسلي
اني من بغداد
حالتنه الماديه زينه الحمدلله
عائلتي متكونه من ابويه (حسن) وامي واخواني ثنين محمد وحسين
محمد عمره 33 مزوج وعنده ابنيه اسمها نور
والزغير حسين عمره 19 وبعده مامزوج
واني الوحيده لاهلي معندي اخوات
----------------
كعدت الصبح الساعه ب6:30 كعدتني امي اروح للمدرسه
طبعا وشي اكيد بالدفرات يلا كمت هههه
كعدت غسلت وبدلت وتريكت ع سريع وطلعت اتمشه للمدرسه لان هي قريبه علينه
رحت درست وخلصت الدروس وطبعا بالفرصه نضل نسولف اني وصديقاتي
وصديقاتي اغلب حجيهن ع تلفون
شحجه التليفون وشكال التلفون واني اباوع عليهن
جان تكلي وحده من البنات
اسيا ليش معندج تلفون شايفه البرامج الي بي كلش حلوه
اني ضجت ومرديت لان الوحيده بيهن معندي تلفون
خلص الدوام ورجعت للبيت
لكيت اهلي كاعدين يشربون جاي كلي ابويه شبيج اسو لان مبين ع شكلي كلش ضايجه
كتله اريد تلفون شنو البنات كلهن عدهن وبس اني معندي
يكولن بي ملابس والعاب وكلش حلو
بابا: بنيتي عوفي هاي السوالف عيب البنيه تلزم تلفون
اني زعلت عفته وطبيت للغرفه
دخلت للغرفه حتى مااكلت ضليت ضايجه صفنت بيني وبين نفسي وكلت ليش بس عدنه البنيه بكلشي مضلومه ومانعينها من ابسط حقوقها وكله عيب وميصير وكمت ابجي
لان اول مره ابويه يرفضلي طلب ماحسيت ع نفسي من نمت كعدت الساعه ب8 بليل كمت سبحت وصاحلي ابويه
بابا: وينج حبيبتي اسو
اسيا: رحتله و............
يتبع
حبايبي هذا البارت الاول من القصه ادري قصير بس انشالله اعوضكم واتمنى يعجبكم وانشالله راح يكون النشر راح يكون اثنين وخميس بس اريدكم ماتنسون التصويت ⭐⭐⭐⭐
احبكم ❤️❤️❤️
