#انقذني-سجنك
#Azhar-Hussein
هستوني وصلت للباب وسمعت جدو يكول الماما
جدو:: انتي صدك تحجين مطيتها تلفون وعايفتها تحجي ويا الولد براحتها
ماما:: بويه شسوي ابوها جابه الها واني ماراضيه
امي حتى محاولت تدافع عني كدام جدو وتكله بنيتي ماعدها شي خلته يحجي عليه براحته و ولا فتحت حلكها بكلمه
ماكمل اليوم ورجعنه للبيت اله حسيت الشيب طگ براسي من القهر من وره حجيهم
اول مدخلنه لبيتنه واستلمتني امي تحجي وتغلط عليه لان جدو حاجي براسها ويكللها ادبيها واخذي التلفون منها لاتنزل روسنه بسوالفها
سمعها بابا شلون تغلط عليه واجه تعارك وياها وحجه ع كل الي بالبيت وكللهم بنتي شريفه واني اعرفها هي شنو
ماما ابد مقتنعت بكلام بابا وضلت تحجي عليه كدامه وتغلط
جان بابا يكول والله عناد بيكم اله اسويلها فيس واريد كواد (عفوا) يفتح حلكه ويحجي عليها بكلمه وحده
وسحب التلفون من ايدي وسوه فيس بإسم (اسيا حسن)
واني ابجي واكله
اسيا:: لا بابا فدوه لاتسوي هيج
بابا:: اسكتي لاتبجين
اسيا:: بابا متعرف شراح يسوون بيه من يعرفون سويتلي فيس
بابا:: خلي واحد يحجي عليج وشوفي شسوي بي
وصاح بيهم بابا بصوت عالي والله الي اسمعه يدخل بإسيا لو يحجي عليها خل يعتبر اليوم اخر يوم اله بهاي الدنيا
الاشياء الثمينه لا تتكرر مرتين
لهذا نحن نملك ابا واحدا.
ونطاني التلفون وكال يلا بابا اخذي وروحي لغرفتج
اني هم ماحجيت شي اخذت التلفون ودخلت لغرفتي بس والله ابد ما ادخل عليه
لان اولا ما اعرفله هلكد وثانيا ماريد مشاكل لان كلت هو اني هيج هيج ما خالصه من الحجي نوب عندي فيس
وره ايام عمتي عرفت من امي انو بابا مسويلي فيس
وهم اجت وتعاركت وياي وويا بابا على انو شلون تسويلها فيس وهسه تنزل راسك بالطين
ومخلت واحد مكلتله اسيا ابوها مسويلها فيس يعني بين قوسين طشت الخبر بكل العشيره ومابقه واحد ميعرف اسيا عدها فيس لا ونوب بإسمها
واخوتي شدو وياي فدمره لان كامو يسمعون من الناس يسموني ام الولد وام التلفونات فيجون يطلعون حركتهم بيه واني هم اسكت وما احجي اضل بس ابجي
فبيوم من الايام بليل كاعده بغرفتي ومطلعه قناة مال طبخ ع يوتيوب هم ونسه وهم اتعلم
ف اجتني رساله ع فيس من شخص اسمه ابو شبل اني عادي عندي مهتميت ولا رديت وره ساعات صار عندي فضول اعرف منو هذا وشعنده مراسلني
