#انقذني-سجنك
#Azhar-Hussein
دخلت ورا بابا للاستقبال وانصدمت بقراره
بابا:: اليوم اجو عليه ناس وطلبوج مني واني وافقت وكتلهم كبعو واخذو وانشالله الخميس الخطبه
اسيا:: بابا ليش
بابا:: اششش لا طلعين حس اني جاي ابلغج ما اخذ اذنج
وعافني وطلع واني ماعندي شي غير دموعي الي صارت رفيقتي بهاي الفتره وهي الي تشكي همي وتواسيني
مدري شلون مرت الايام
واجه يوم الخميس ورحت لصالون اني وبنت خالتي ياسمين حفيت وجهي وحواجبي من سووهن طلعت بعد احلى هههه
لبست فستان ماروني ومكياج خفيف بس حلو لان احبه خفيف وماحبه طوخ ابد واصلا الطوخ مو حلو عليه يطلعني اكبر من عمري بس رغم هذا كله ما فرحت واحس الدنيا طالعه من عيني
لان بسبب غلطه غير متعمده هيج صار بيه بعد ماجنت اني المدلله عند بابا كام بعد ميباوع بوجهي
رجعنه للبيت بعد ما اجه علينه اخويه حسين وكضو الطريق كله هو وياسمين يوزعون ابتسامات ونضرات
دخلت كعدت ع كووشه الي مسويتها النه هم بنت خالتي ياسمينه الي اعتبرها اختي مو بس بنت خالتي
شويه وكالو تعالي اسيا خلي يعقدلكم الشيخ
كمت كعدت ع كرسي ورا الباب وخلو رجليه بنجانه بيها مي وورق ياس وبيدي شكر وهيل ع اساس حتى تصير حياتي حلوه وسعيده 😂😂
مدري منيلهم هاي الخرافات
شويه وسمعت الشيخ سئلني
اسيا بنت حسن هل تقبلين الزواج من عسكر ع مهر مقدمه..... ومؤخره..... اذا قبلتي الزواج فقولي نعم انت وكيلي
بصراحه حتى ماركزت لا ع اسمه ولا ع المهر شكد المقدم والمؤخر
كمل الشيخ ورجع سئلني 3 مرات واني صافنه وساكته ما اجاوب بالي مو ويا الشيخ ابد
لحدما كرصتني امي من ايدي رفعت عيني صارت ع ابويه واكف كبالي ويخزر بيه بعصبيه لان شافني مدمعه
مديت ايدي مسحت دمعتي الطاحت غصب عني وجاوبت الشيخ وهي كبت الهلاهل
وراها سمعت الشيخ سئله وسمعت صوته رجولي وخشن وهو هم ماطول مثلي بسرعه انطه الموافقه
بعدها اني كمت ورجعت كعدت بمكاني
شويه وصاحو تسترن راح يدخل العريس
طبعا همه جايبين الذهب وياهم
اول مادخل تلكنه امه وخالته سلمن عليه وباركله وهو بدوره باس راس امه وايدها وخالته سوالها نفس الشي
وراها توجه عليه كعد وكال السلام عليكم
جاوبته اني وعليكم السلام بصوت اني كوه سمعته كد ما ناصي
