#انقذني-سجنك
#Azhar-Hussein
اسيا:: بعد ما انطاني عسكر الفلوس او بالاصح شمرهن عليه شمر
دخلت للبيت شوفت الغراض الي شتريتهن الياسمين بنت خالتي
لان هيه الوحيده الي ضلت وياي وماتركتني ابد مثل ماسوو اهلي وياي
بعد ما شافتهن طلع عندي نقص ببعض الاشياء طلعنه ثاني يوم جبنه النقص بعد مادزيت رساله العسكر وكتله راح اطلع اشتري النقوصات العندي وهو بدوره انطاني الاوكي يلا طلعت لان مابيه حيل عركه
طلعنه اني وياسمين اشترينه باقي الغراض لان بعد ماعندي وكت ومالحك اطلع لان العرس بذني الاسبوعين مدري شعدهم مستعجلين
ميدرون اني وعسكر واحد مايطيق الثاني وثنينه
مجبورين
ولا اني اسئل عليه واراسله ولا هو ثنينه ذابينها ع صامت
مشت الايام عادي بذني الاسبوعين ماكو شي جديد بس شغل ونوم
بس قبل العرس بكم يوم طلعنه ختارينه البدلات للحنه والعرس وحجزنه صالون
بدلت الحنه اختاريتها ذهبي طوخ وبدلت العرس شي اكيد بيضه بس كلش حلوات وعجبني حيل وحيل حبيتهن
قبل العرس بيومين اجت ياسمين يمي كملنه سوالف الشيره ما شيره اني وياها🙈🙈
بس كل شلعه منها اني اسب عسكر بيها لان والله توجع 😂😂
قبل الحنه بيوم بليل كاعدين اني وياسمين بالكاع ومطشرين الغراض وكاعدين بنصهن هم نسولف وهم تساعدني نختار الغراض والملابس الي اخذها وياي نخليهن بجنطه جان كالت اكلج اسيا
اسيا::ها كولي
ياسمين:: اسئلج سؤال بس بربج جاوبي بصراحه
اسيا:: صفنت بيها وكلت بكلبي شتريد تسئل هاي
بعدين كتلها اي اسئلي
ياسمين:: بس تجاوبيني بدون جذب الله عليج
اسيا:: يووو يياسمين هسه دسئلي وفضيني حتى اجاوبج
ياسمين:: الله عليج تحبينه
اسيا:: منو هذا
ياسمين:: كبر اي والله منو يعني عسكر اكيد
اسيا:: لا والله ابد
ياسمين:: كبر وبصفه مطي اي والله يأسيا ولج هوه غير يخبل
اسيا:: كتلها اكلج ماتولين انتي ويا وسدي هذا الموضوع رجاءاً
وضلينه نسولف اني وياها وسالفه تجر سالفه لحد ما كملنه تعزيل الغراض مالتي كلهن وعدلنه الغرفه من الهوسه السويناها
باوعنه لساعه ب12 واحنه ما حاسين بالوقت
كالت ياسمين اكلج اسيا اني رايحه اغسل واجي
