#انقذني-سجنك
#Azhar-Hussein
كملت شغل وكلت خل اشوف التلفون شبي مابي فتحته وجان الكه عشر مكالمات فائته من عسكر ورسائل كومه جان مضمونهن
هلو
وينج
شكو
صاير شي
ليش متردين
بت الكلب المن جبته اني
دفتحي واني اعلمج بت الخرا
وينجججج
اني صح خفت بس كلت خل اكتبله هسه شيريد يسوي قابل
كتله اعذرني ما ادري بيك ما فاتحته وهستوني فتحت وشفتهن ماكو رد شويه يلا رد
عسكر:: عادي يابه
اي شلونج
اسيا:: انته منو
عسكر:: خرب هيج عيشه انعل ابو اليراسلج بت النعال
اسيا:: بدون ماارد عليه طفيته ونمت
كلت هاي عود بعدني بعدني يم اهلي وهيج يصرف اذا تزوجنه شلون.......
ومرن ذني الايام اشتغل واكمل شغلي وارجع لغرفتي مالي علاقه باهلي ولا همه الهم علاقه بيه
وره يومين اتصل عسكر كال
عسكر:: بويه حضري روحج باجر الصبح يجنج امي وخالتي مدري شعدهن وياج
اسيا:: اي انشالله
عسكر::اسمعيني بويه
مكياج مامكياج ومن هذا الصخام ماريد
تلبسين عبايه ومن تمشين عينج بالكاع
ممنوع انتي تتعاملين ع شغله كولي اريد هذا وماريد هذا مفهوم
اسيا:: كتله انشالله وسديته
ثاني يوم بدلت ولبست عبايه مثل مكال وحطيت شويه حمره كلت هسه هو شمدري قابل وين يعرف
طلعت لكيتهم واكفين بالباب صعدت للسياره وكلت السلام عليكم
امه وخالته ردن السلام بس هو مارد ولا باوع بوجهي اصلا
وصلنه للسوك اباوع عليه بالمرايا عيونه طلعن وضل يغلط بينه وبين نفسه
هنه نزلن واني ردت انزل كال انتي ابقي كتله اي
امه وخالته كالن يااا جاا شون
عسكر:: عندي سالفه وياها اكمل وجيبها وراجن
هنه صار وجهن مدري شلونه وعافنه وراحن
التفتلي عسكر وكال تعالي هنا يمي
اسيا:: نزلت ورحت صعدت يمه بالصدر جان يكول
عسكر:: اني شكلت
اسيا:: شنو
عسكر:: مو كلت ماريد تخلين من هذا الصخام بوجهج انتي ليش ماتسمعين الكلام
لزمني من فكي وقربني عليه سحب كلنس وضل يمسح بحلكي حيل لحد ما شاف الدم طلع يلا عافني
