لقاء بعد فراق الجزء الثاني من الحب الغير مقصود..بقلم رانيا وجدى

الفصل 27

تم عقد قران آسر وجنى من جديد ولكن تلك المره قررت جنى أن تغير طرف اللعبه لن تكون الشخص الضعيف كما حدث من قبل ستكون اقوى امرأه عرفها آسر سوف تغير مسار حياتها بالكامل ستجعله يشتعل بداخله...

آسر ادم: مبروك ياااجماعه...

سليم: مبروك يااااجدعان وعبالى يااارب...

المحامى: كدا كله تمام وتقدروا تستلموا الثروه وقت ماتحبه ..عن ازنكم..وتركهم وغادروا..

جنى بقوى: انا كدا عملت اللى انتوا عاوزينوا ووفقت أن أسمى يتربط بالشخص الحقير دا تانى عشان خاطركم...

آسر يوسف بعصبية شديده: واللهى لو هنتكلم على الحقاره فإنتى يتعمل ليكى تمثال عنها ولا الزمن نساكى...

تميم بتدخل: Dad لو سمحت كفايه كدا...

آسر: كفايه ليه ما تخلى جنى هانم تعرف حقيقتها..

جنى بتحدى: الحقيقه لو عرفتها هتبان صغير اوى قدام نفسك .. وفى يوم هتيجى تطلب السماح وساعتها مش هتلاقيه والايام بينا والبنسبه للورقه اللى مضينا عليها دلوقتى ملهاش اى لزمه بالنسبالي حياتى انا حره فيها ومش عاوزه تدخل منك فى اى حاجه..

آسر يوسف: ومين قال انى هجيب سرتك انا اصلا مش طايق ابص فى وشك...

آسر ادم: باااااس بقى انا من رأى اكن مفيش حاجه حصل..واتمنى ان انتوا تحترموا بعض شويه وبلاش قلت القيمه اللى انتوا عملنها لبعض عشان الموظفين خدوا بلهم..

جنى وهى ترحل: فعلا كفايه كدا...

_______________________________
جريت من الشركه بسرعه رهيبه تهرب من كليماته السامه واخذت تلف بسيارتها دون هدف وبعد مرور الوقت وجدت نفسها أمام تلك المبنى الذى تذهب له كل اسبوع .. ذهبت إلى طبيبها النفسى وجلست على الأريكة واخذت تروى للطبيب ودموعها تحكى معها..

جنى وهى تنظر للفراغ بعيون باكيه: مش عارفه اعمل ايه افرح عشان ابنى رجعلى ولا احزن عشان الفكره الغلط اللى وخدها عنى والكلام اللى بيسمعه انا طول عمرى بدور على الامان والراحة اى نعم كنت عايشه حياتى هزار ومقالب وضحك وكانت حياتى هاديه حياتى اتلغبطت بجد من يوم ما عرفته فى الجنيه فى القصر ..اتولد الحب ما بنا ممكن لما المشاكل اللى بينا حصلت كنت نسيته..أو قولت دا حب مراهقه..بس انا فضلت أكن ليه مشاعر لحد اما رجع تانى ..كان متجوز ومخلف بس مهمنيش وسامحته ..ثم صمت قليلا..طب هو ليه مش عاوز يسامحنى دايما كانت همس بتقولى أن اللى بيحب حد بجد بيسامحه ..بس اللى همس متعرفوش أن الست بس هيه اللى بتسامح عشان بتحب بإخلاص مفيش راجل بيحب بجد كله بيبقى بالوقت أو استقرار..

قاطعها الطبيب: اعزرينى اقطعك فى النقطه دى ازاى مفيش راجل بيحب..

جنى بجدال: ايوه مفيش راجل بيحب بجد مين بيحب بجد..مين..