لقاء بعد فراق الجزء الثاني من الحب الغير مقصود..بقلم رانيا وجدى

الفصل 36

تميم: الو..
كان المتصل هى والدته جنى..

جنى : بعد ساعه تقبلنى فى كافيه------ عاوزاك فى حاجه ضرورى واحسلك تيجى سلام...

لم تعطيه فرصه للرد وقامت بغلق الهاتف..

تميم بتفكير: هتكون عاوزانى فى ايه دلوقتى..يوووه. أما ألبس وانزل هيه شغلانه...

_________________________
دخل منزله وجده ساكن ليس بيه أحد ..
كأن روح المكان غادرت منذ زواجهم لأول مره تبتعد عنه...شعر بوحده المكان من حوله وجد نفسه يخرج الهاتف من جيبه ويتصل بها...
ملكه: الو..

أسد: وحشتينى...

لم ترد عليه ملكه..

أسد بحزن: للدرجتى مش عاوزه تكلمينى انا عارف انى زعلتك كتير بس واللهى بيبقى غصب عنى ملكه ارجوكى ردى..

ملكه بدموع: انت اللى عملت كدا انت اللى وصلتنى للنقطه دى ارجوك ياااأسد طلقنى بهدوء وابعد عنى...

أسد بتأثر شديد: هتقدرى تبعدى عنى يااااملكه...

ملكه: هتعود..مع الوقت..

أسد ببكاء لأول مره: وانا مش هقدر واللهى مهقدر انتى روحى ودنيتى ومش هقدر استغنى عنك وولادنا زنبهم ايه يدفعوا تمن غلطتى ..
هوعدك انى هتغير..وانى هسيبك على راحتك وقت متقولى وحشتنى هتلقينى عندك..

اغلق الهاتف دون أن يسمع منها شئ بعدما أنها الحديث معها ظلت تبكى بشده....
فهى الأخرى تحبه ولم تبتعد يوم عنه ..

_____________________________
كان ينزل الدرج ويذهب للخارج..

عشق: انت خارج..

تميم: ايوه عاوزه حاجه..

عشق : لأ بس انا خارجه..

تميم : راحه فين..

عشق: راحه اشترى لبس...

تميم: لوحدك..

عشق: مش ملاحظ انك كترت أسئلة..

تميم: ردى وخلاص..

عشق: كارمن هتيجى معايه..

تميم: طيب متتأخريش سلام...

وتركها ورحل..

عشق بغيظ: ودا ماله اتأخر ولا متأخرش انسان بارد...

________________________
ذهب إلى الكافيه وجد أمه تجلس تشرب القهوة ذهب إلى مكان جلوسها وجلس امامها...

تميم بفضول: خير عاوزانى فى ايه..

جنى: تشرب قهوة..

تميم: ماشى...

جنى : عملت ايه مع عشق..

تميم : معملتش حاجه..

جنى: اتمنى انك تعملها كويس عشق دى اطيب واخيب انسان على الأرض ممكن تقبله عامله زى امها نور وعندها حنيه تكفى قلوب الناس كلها وتفيض..مش عاوزاك تأذيها كفايه اللى هيه فيه وأهلها اللى اتحرموا منها بسببك...