لقاء بعد فراق الجزء الثاني من الحب الغير مقصود..بقلم رانيا وجدى

الفصل 34

فى إحدى الأيام بعد خروج عشق وكارمن من المدرسه قررت عشق الذهاب لعياده الدكتور لتنزيل الجنين..
أمام العياده ..

كارمن وهى تنظر حولها: فكرى ياااعشق  ليجرلك حاجه..

عشق بيأس: يبقى احسن وبعدين احنا جين الصبح عشان المنطقه القرف اللى احنا فيها دى منك لله ياااتميم...

كارمن : اطمنى انا معاكى تعالى ندخل وربنا معاكى...

دخلت الفتاتان العياده وكانت قديمه بشده وكان هناك امرأه سمينه بشده تدعى سمر تعمل هناك..

سمر: خير ياااحبيبى جاين ليه...

كارمن بقلق: كنا عاوزين الدكتور...

سمر بسخرية: هو انتوا جاين عشان تنزلوا عيل..

كارمن: ايوه..

سمر: ومين فيكوا بقى..

كارمن: هيه مش انا..

سمر: وماله عاوزين خمس الاف جنيه تمن العمليه معاكوا..

كارمن: ايوه معانه..

عشق بخوف: هو الدكتور دا عملياته بتنجح..

سمر بضحك: بتنجح اطمنى ياااحبيبتى دا الدكتور بيعمل اكتر من عشرين عمليه فى اليوم واديكى شايفه العياده ملانه..

عشق: بس احنا عاوزين نمشى بدرى...

سمر بلؤم : يووووه وانا عملك ايه دلوقتى اديكى شايفه..

عشق وهى تعطيها نقود لها: عشان خطرى ..

سمر بفرحه: يوووه اعمل ايه فى قلبى الحنين هدخل الحاله اللى عليها الدور وبعديها انتى انا حبيتك واللهى ياااصغنن انت اقعدى واطمنى ...

____________________
أمام العياده يوجد ورشه ميكانيكا..كان يعمل بها شاب فى تصليح إحدى السيارات... يدعى كريم..

كريم لولده: العربيه خلصت وبقت عروسه يااااحج عصام..

الحاج عصام: تسلم ايدك ياااابنى.. واللهى صعبان عليا وقفت فى الورشه دى وانت مهندس اد الدنيا..

كريم: اطمن يااااحج ماقلتلك آن واحد صحبى بس بن ناس اغنيه اوى وعندهم شركه سيارات وقالى أنه هيشغلنى هنا...

الحاج عصام: ودا مين دا..
قبل أن يتكلم كريم جاء له أحد العملاء..

_________________________
مر عليهم سااااعتين فى العياده ولم يتم إدخالهم..
كانت تجلس تكاد تموت من. الخوف..

كارمن لسمر: وبعدين ياااطنط هندخل امتى احنا هنتأخر..

سمر بغنجه: طنط ايه ياااعروسه هو انا بينى وبينك كام سنه..

كارمن: مش قصدى دا انتى قمر..

سمر: ايوه اتعدلى كدا..
خرجت من كانت بالدخل..