لقاء بعد فراق الجزء الثاني من الحب الغير مقصود..بقلم رانيا وجدى

الفصل 25

تميم بصدمه: نعم...

آسر بثبات: قصر الشناوى..

تميم وهو ينظر لرودى بغضب: وانتى كنتى عارفه....

سكتت. رودى ..

تميم: واللهى بقيت كدا... انتى اكتر واحده عارفه انى مش عاوز اشوف الست دى ..

آسر بغضب : عندك اوعى تغلط فيها انت سامع ويلا انزل احنا بنفز كلام ابوك..

خاف تميم من لهجت آسر وأطر للنزول معه وكان حائر فى داخله ..
أما رودى نظرت له بتعجب وتود ان تسأله سؤال: من انت؟؟ يلح عليها ذلك السؤال بشده فإنه ليس آسر صديق طفولتها اطلاقا..
بينما هى كانت تنظر لذلك الوسيم المجنون الذى شتت تفكيرها عندما نظرت له ..

دخل الجميع القصر كانت جنى بإنتظار تميم..
عندما نظر لها وجد عينيها مليئه بالدموع ونظرها موجه له ..أنها نفسها من قابلها بالمسابقه ولاكن ماذا تفعل هنا..أيعقل أن هذه تكون أمه فرح القلب لانه شعر بحنان بالغ نحوها..ولكن العقل كان يصرخ بشده ويريد أن يخرج من هذا المكان..قطع تفكيره عندما وجد جنى تضمه بشده داخل احضانها وتبكى بهستيريه وهى تقبله بشده فى كل انش فى وجهه..

جنى وهى تبكى: وحشتينى اوى يااااحبيبى من زمان وانا نفسى اشوفك احضنك اسمعك بتقولى ياماما كان نفسى اكون معاك كان نفسى تعرف الحقيقه تعرف انى مظلومه كان نفسى فى حاجات كتير اوى بس خلاص انت جنبى وهنعوض كل حاجه..

كان الجميع ينظر لها فى شفقه على حال تلك الأم التى حرمت من ابنها طوال عشرون عاما .. نظر لها بشفقه هو الآخر قاسى القلب المتحجر شفق عليها وهو من فعل بها ذلك وكذلك سيف كان ينظر لصديقه نظرات عتاب فهو الآخر فعل بمحبوبته ذلك ولكن بشكل آخر حرمها من حقها أن تكون ام..

تميم بدموع : نعوض ..نعوض ايه بالضبط انا معرفكيش...

جنى ببكاء: متعرفنيش ازاى انا امك..

تميم بدموع: الام مش مجرد كلمه الام احساس طول عمرى نقصنى عمرى ماكنت تعبان ولقيتك  جنبى عمرى ما حسيت بوجودك..ثم مسك رودى أخته وقربها له..دى بس هيه اللى امى دائما كنت بحس بوجودها دى اغلى حاجه عندى لما كنت بتألم كانت جنبى ..كانت دايما بئر لأسرار..مسك كارمن..ودى اختى  وصحبتى اللى من صغرنا سوى ومع بعض ..واشار على آسر يوسف.. ودا ابويا اغلى حاجه عندى اللى مستحيل اخسره علشان اى حد حتى لو انتى..

جنى ببكاء جنونى: هو .هو السبب انى ابعد عنك خطفك منى وهرب هو اللى عمل كدا عشان عارف ان عمرى ماهخلف غيرك ..هو الجانى ..وانا المجنى عليه هو لازم يتعاقب على اللى عمله فيه..

تميم بسخريه: ههههه جانى ههههه اول مره اعرف ان الخاينه بيبقى مجنى عليها..

جنى بعصبية وحاله جنونيه: انا مش خاينه..انا مش خاينه..انا مخنتش حد..ظلت تردد تلك الكليمات بجنون حتى سقطتت ملقاه على الأرض..