"ဒါလည်းစားကြည့် အရင်တစ်ခေါက်ထက် ပိုကောင်းအောင်လုပ်ထားတယ်"
"မင်းနေ့လည်စာတွေ ငါ့ကိုအကုန်ကျွေးနေတော့မှာလား"
"ကိစ္စမရှိဘူး အများကြီးလုပ်လာတယ်လေ"
ရိပေါ် ကြက်ဥလုံးလေးကိုဖဲ့ရင်း အထဲကထမင်းကြော်နဲ့ရောစားလိုက်တယ်။ မျက်နှာချင်းဆိုင်က ရှောင်းကျန့်က ရိပေါ်ဘာပြန်ပြောမလဲမျှော်လင့်နေတာ မျက်လုံးတွေက ဘလင်းဘလင်း။
"မင်းတကယ်ဟင်းချက်ရတာကြိုက်တာပဲ"
"ဒါပေါ့ ဒါပေါ့ ငါကျောင်းပြီးရင်စားဖိုမှူးဖြစ်ချင်တာ မင်းငါ့လုပ်ထားတာတွေစားကောင်းတယ်ပြောရင် အရမ်းအရမ်းပျော်တယ်"
ရှောင်းကျန့်မျက်လုံးတွေအရောင်လက်လို့ သူချက်ချင်သမျှစားစရာတွေကို နာမည်ရွတ်ပြတယ်။ ရိပေါ်ကတော့ တူတစ်စုံကိုလက်ကမချ။ ရှောင်းကျန့်ယူလာသမျှအကုန် တစ်ခုပြီးတစ်ခုနှိုက်စားနေရဲ့။
"ဒါပေမယ့် ငါ့အမေက သဘောမတူဘူး"
"ဘာလို့လဲ"
"သူက single mom ဆိုတော့ လစာပိုကောင်းတဲ့အလုပ်ပဲရှာစေချင်တယ် ငါလည်းအဲလိုတွေးပါတယ် ဝါသနာကို ဝါသနာအနေနဲ့ထားတာပဲကောင်းတယ်"
"မင်းလုပ်ရင်ဖြစ်ပါတယ် ကြိုးစားပေါ့"
"ဟမ်?? တကယ်လား"
"အင်း မင်းချက်တဲ့လက်ရာတွေ ငါကြိုက်တယ်"
ဆောင်းဦးလေညင်းက ပြတင်းပေါက်မှတစ်ဆင့် တိုးဝင်တိုက်ခတ်တယ်။ ရိပေါ်နှုတ်ခမ်းတွေ မဆိုသလောက်ပြုံးနေခဲ့တယ်။
By My Side
မျက်လုံးဖွင့်ဖွင့်ချင်း မြင်ရတာ အဖြူရောင်မျက်နှာကျက်။ ကိုယ်ပူကျသွားပြီဖြစ်သလို ခေါင်းကြည်သွားပြီမို့ ထထိုင်လိုက်တယ်။ နာရီလှမ်းကြည့်တော့ မနက်၆နာရီ။ မှန်အကြည်ကိုဖောက်ဝင်လာတဲ့ နေရောင်ဖျဖျက အခန်းတွင်းကိုနွေးလျဖြန့်ကျက်တယ်။
ဘေးကိုအသာငဲ့ကြည့်ချိန် ရင်ထဲတစ်မျိုးဖြစ်သွားရဲ့။
"ရိပေါ်..."
ရိပေါ်ဟာ ကုတင်စွန်းပေါ်လက်ပိုက်လို့ လက်ပေါ်မေးတင်ပြီးအိပ်စက်နေတယ်။ နံဘေးမှာ ရေပတ်အဝတ်နဲ့ရေဇလုံရယ်၊ ဆေးကဒ်ပြားရယ်၊ သောက်ရေတစ်ခွက်ရယ်။ ချမ်းအေးတဲ့ရာသီဥတုနဲ့ မလိုက်ဖက်စွာ ရိပေါ်ဝတ်ထားသည်က လက်ရှည်အင်္ကျီအပါးလေး။
YOU ARE READING
By My Side ||ZhanYi||
Fanfiction"I thought I knew everything about you" Xiao Zhan 💙 Wang Yi Bo ZHAN SHAN WEI WANG (ZhanYi) Original manga by Natsume Kazuki Rewritten by Hwan_Tianyi
