بينَ يَدّي أربعيني

بينَ يَدّي أربعيني ١٣

رأيتك فأصبحتُ انا
لا ادري من..
او حالي من؟
في يقظتي او حالماً
لا أدري من اوحى لمن؟
ماذا لو افقتُ الان فهل يا تُرى.. ترى. ؟
من انتِ
يا من عليه مننتي
يلي طول الخير يم طولچ گصير

rose_____ali
علي . .
ما كنت خايف .من اهلي او زوجتي . لكن همي الوحيد كان اهل قمر . خايف لا يرفضون . ومينطوهة الي بسبب فارق العمر . او لانه اني متزوج . هذا كان همي الوحيد . كعدت يم امي بالصالة . انتظر العشا بقيت احجي واسولف وياها بخصوص مواضيع البستان وبعض قطع الاراضي . الى ان كملت زينه العشا كله . خلته ع الميز . وكعدنه نتعشا . احنه وناكل اني فتحت الموضوع . .

حجية . اريد منج شغلة
.
.
الحجية . اي خير يمه كول .
.
علي . رايد منج تروحين تخطبيلي .
.
الحجية . ها يمه شجاك عبالنه نسيت السالفة .
.
علي . لا يمه ما نسيت وياما وياما كتلكم بس الكة بنية تعجبني اتقدم الها .
.
الحجية . ومين هالبنيه ومن يا عشيرة . اصلها فصلها .
.
علي . من بغداد . باقي التفاصيل تعرفيها بعدين .
.
الحجية . ها شكد عمرها .
.
علي . ٢٦ سنة
.
الحجية . يمة مو صغيرة عليك .
.
علي . اي يمه وهواي بس هاي بعد . عجبتني .
.
الحجية . وانتي زينه شتكولين .
.
زينه . شكول خالة . بكيفة هو . هو الرجال .
.
الحجية . يعني ماعندج اعتراض .
.
زينه . لا علوش اعترض امر الله وشرع الله . محلل اربعة اني منو حتى اعترض ع شرع الله .
.
الحجية . والله ييمة مادري شكلج سالفتج ما تسولف . ولا ينحط عليها غطى
.
علي . حجية الخميس ان شاء الله اخذكم البغداد البيتهم حتى تخطبوها الي بلغي زينب اختي . هم حتى تروح وياكم .
.
الحجية . خير ان شاء الله يمه ..
.

علي ..

كملت العشا وكمت بدلت وطلعت من للبيت رحت للقاعة . بلشت بتماريني تقريب ساعتين كملتها كلها
. وكعدت ارتاح . اتصلت ع قمر . مجاوبتني . رجعت اكمل تمارين ...
.
rose_____ali
____

الحجية . شسالفتج انتي يولي شو ولا عبالك رجلج الي راح يخطب ويتزوج .
.
زينة .عمة شريد منه . واذا متزوج مازال هاي الفكرة براسة مراح يطلعها . وثانياً اني اعرف . هو يحبها لانه بيناتهم علاقة .
.
الحجية .  وانتي شمدريج بينهم علاقة .
.
زينه . اوووو عمة والله انتي نايمة ورجليج بالشمس . قبل سنه ونص مدري سنتين .
.
الحجية . ومكيفة عود . دكومي روحي صيحي المرت احمد خل تجي تمرخلي ضهري شوية .
.
زينة . عمة ولا تحجين ولا تحاولين عوفي خل يتزوج .
.
الحجية . عمعامة ع صخام وجهج يثولة .اكو مرة تفرط برجلها .
.
زينة . اي عمة شسويلة يعني هو اني اكدر اكول لا . لو حيسمع كلامي اذا كلت لا .
.
الحجية . ولج هي مو بكلمة لا . انتي هملتي وتركتي وفوك هذا هاملة نفسج . دخل تجي البغدادية وشوفي . انتي ماشايفتهن وحدتهن مثل فلعة الكمر .
.
زينة . شلون متكون خل تكون .
.
الحجية . اهمداج يالغمة ولج انتي ما قاصرة بالجمال بس شوية تهندمي . انه بغياني الحمرة متوكع من حلكي لا هي ولا الكحلة .
.
زينه . ما احب هيج سوالف اشوفها لواكه .
.
الحجية . كومي من كدامي . تهيجين اعصابي .
.
______//
.