بينَ يَدّي أربعيني

بينَ يَدّي أربعيني ١

تزوجي أربعيني خالط الشيب شعره،يحضنك بقلبه كطفلته الوحيدة، ويراك بعيناه أنك فقط كل الاناث.
.
ماعرف اذا كانت هذه المقولة صح او لا لكن من يوم يومي كنت افكر انه مستحيل ارتبط بشخص يكون نفس عمري او اكبر مني بسنة او اصغر . كنت افكر لازم يكون اقل شي اكبر مني ب ١٠ سنوات .  وياريت لو يكون ١٥ سنه او ٢٠  هيج كان تفكيري .
. rose_____ali

قبل كل شي حابة اكلكم شي اني بطلة الرواية  .

مهما كانت نوعية شخصيتكم . مهما كان شكلكم . مهما كانت اطباعكم . حبو نفسكم . 
ممكن هم تمتلكون كل شي  غيركم يتمنى شوية من الي عدكم .   لكن انتوا الشي الي تتمنوا وتريدوا مموجود يمكم . احمدوا الله وحبوا نفسكم واقتنعوا بالي عدكم .
كل شي موجود عدنه وبينه و ويانه هو نعمة من نعم الله علينه . .
.
اهم  نقطة بحياة الانسان هي الي من عدها ينطلق كل شي .  هي الثقة بالنفس  . 
.
من عدها يبدأ الانسان بالانطلاق نحو الجمال والنجاح والتفوق .. 

مرحبا . شلونكم . راح ابدي قصتي وياكم . واعرفكم ع نفسي .  بس ياريت ما تاخذون عني نظرة من البداية .   وياريت متكتبون شي كلام جارح صدكوني اني من نوعية الناس الي كلمه وحدة تأثر بيها وبحياتها وبنفسيتها .  وتبقى مثل الجرح داخل قلبي . 
.
اسمي قمر .  لا يغركم الاسم .  عمري ٢٦ سنة شكلي حلوة . وحاليا  يكولون ( كلش حلوة صايرة )  بس صراحة اني اشوف نفسي عادية و عن نفسي بشكلي ماعندي هذيج الثقة .  يعني ثقتي بنفسي مهزوزة من ناحية الشكل .  خصوصا مقارنة وية اخوتي هم شكر وبيض  وعيون ملونه اخضر وازرق .لذلك هذا الشي كان سبب من الاسباب الي بنه  عندي هذه النفسية المهزوزة  .

بطفولتي ولحد تقريبا قبل اخر ٣ سنوات  اسمع الكل يكول الامي عبالك مو اختهم عليمن طالعة  رغم اني بطفولتي مكنت ذاك الجمال وخصوصا كنت دبدوبة . 

فكبرت والتنمر من كل الاطراف.  من الاقرباء ومن اخوتي رغم اعرف اخوتي يتشاقون ومن والدي لان سمينه .وطبعا والدي كلش يكره السمن .  فكان دائماس يحجي عني .  ويكومني من ع الاكل اذا موجود . 

.هالشي حسيتة  صار مثل الدافع القوي انه التجئ الدراستي واتخرج واتوظف .  تركت الاهتمام بشكلي وصرت ما اهتم مطلقاً حتى للحفيفة . 

تطور الامر وكبرت ودخلت كلية واني ع نفس الوضع مجرد صرت احف وجهي بس ..

وزني كان ٨٠ . قياسي كان ٥٢ .  شكلي  وملامحي كانت ضايعة  بأختصار نفسي اني من اخر اهتماماتي.. تخرجت واني على نفس الوضع .  وتوظفت واني هم ع نفس الوضع . 

الى ان تعرفت على شخص الي بسببه تغيرت حياتي بالكامل ..
.
نبذة بسيطة عني . 

خريجة كلية هندسة  وموظفة شغلي ع البصمة . بأحد دوائر الدولة احب شغلي هواي رغم مابي الراتب الاحلم بي لكن الحمد لله مقتنعة حالتنة المادية عادية
.
عندي اخوة ثنين بعدهم ممتزوجين واكبر مني . اني البنت الوحيده الاهلي  ..ماعندي اخت . لكن عندي بنات خالة خير من الله .
.
حياتي بسيطة رغم التعقيدات البيهه لكن عندي امل كل شي بقناعة وامل بالله يصير
.
اهلي ناس بسطاء واكدر اكول عنهم  مو معقدين  ولا هم سبورت فد مرة .  لكن ميمنعونه عن الدراسه والشغل وتحقيق احلامنة . خصوصا اني .
.
بعد عناء طويل ومعاناة كدرنة نشتري بيت  بمنطقة جديدة   .  كدرنه نشتري بيتنه بعد ما تعبنه من العيشة بالاجار  والحمد لله .   وبيت حلو هم  ونظيف وبناء تقريباً جديد . متكون من طابقين . الطابق الارضي صالة كبيرة وغرفة ومطبخ وحمام وغرفة استقبال . والقاط الثاني صالة و ٣ غرف . وبكل غرفةحمام .  اشترينة هذا البيت والحمد لله مرتاحين ومقتنعين . لكن بقينة مطلوبين علية ٤٥ مليون فسوينة سلف بنص الرواتب رواتب اخوتي...